صيانة 100 ألف + معرض هلا بينبع
السلام عليكم جميعا
بصراحة يا شباب لي كم يوم متقروش
من صيانة الـ100 ألف وكوني أوديها للوكالة ولا لأ ,
و جلست أسولف مع واحد من الشباب وقالي فيه
في ينبع موزع لهوندا وعنده معرض وصيانة كمان
وإسمه - معرض هلا للسيارات - طبعا أنا ماصدقت
من الفرحة ورحت لهم اليوم وحصلت حوالي 10 سيارات
في الورشة و تقريبا 7 منهم أكورد وبمختلف الموديلات .
قابلت مسؤول الصيانة وقالي سعر صيانة الـ100 ألف زي
الوكالة 1310 ريال تشمل تغيير
- زيت الجيربوكس.
- زيت الماكينة + الفلتر.
- بواجي.
- صرة الزيت.
- ماء الراديتر.
- تنظيف المنظم واللي أعتقد إنه الثروتل .
- التشييك على المساعدات والإذرعة وتشحيم المقصات.
قلت له لو بضيف (صفاية البنزين + الأقمشة + فلتر المكيف)
وحسب لي هالإضافة بس بالقطع وشغل اليد بـ 1175 ريال
يعني الإجمالي كله = 2485 ريال :eek::eek:
نجي للمهم . . يا أهل ينبع وماجاورها هل فيكم أحد جرب
شغلهم أو عنده خلفية عن صيانتهم " عمالتهم فلبينية " ؟
معليش عالإطالة وشاكر لكم مروركم مسبقا
تحياتي
