هدايه الله ثم رايكم

مساء الخير

حبيت استشيركم بما انه ماشفت ولا موضوع يذكر هذه السياره:(

سياره( هوندا اكورد كورس تور 2010 ) زوجي ناوي يشتريها وانا صراحه حبيتها بقوه :o

لكن ابي تشجيع منكم خاصه ان سعرها 129 ريال ورايكم باللون الاسود

اختكم...
عزتي...

http://img105.herosh.com/2010/07/13/834420444.jpg

http://img104.herosh.com/2010/07/13/532247558.jpg

مشاء الله تبارك الله سياره رووعه لكن أهم شي تكون العائله صغيره
لأنها ما تتقارن بالجيب هي أصغر من وجهة نظري السياره حلووه مع ان سعرها مبالغ فيه نوعا ما
الله يكتب لكم الي فيه خير ويفيدونك باقي الأعضااء.

أتمنى بعد تشوفون جيب هوندا crv جيب صغير وحلوو
واوسع من الأكورد كاسترول
البزارين يبغالهم جيب:d.

السياره حلوه ونفس داخلية الاكورد بالضبط بس اللي يعيبها ان الشبك حقها كاشف للرديتر ما ادري اللي ركبوا الشبك بالشركه ما لاحظوا هالشيء...

اذا زوجك مصر على سياره سيدان متوسطه ياخذله اكورد افضل او اذا ودكم بجيب خذوا cr-v أو mr-v وشكرآ

الله يعطيكم العافيه ما قصرتوا الجيب حلو لكن كبير علينا انا وزوجي بس
وبعدين انا احب الديزاين اللي يجي كذا
بس مواصفاتها حلوه وابي راي الباقين

تكفون

اول شي الله يعطيكم خيرها ويكفيكم شرها مقدما بالنسبة لراي الخاص مدام زوجك مخربها ياخذ الجيب احسن لكم وللزمن وان شاءالله العيال يبجون في الطريق والله يرزقكم الذرية الصالحة ومن ناحية السيارة كشكل روعة وماعليها كلام وحلوة بس اتمني ماتستعجلون في اللون الاسود خذولون مميز ويكون قليل علي شان تتميزون والله يكتبلكم الي فيه الخير وتقبلي مررررروري :):):cool::cool:

دام عاجبكم الديزاين هذا .. توكلوا على الله والله يباركلكم فيها ويعطيكم خيرها ويكفيكم شرها ويحفظها لكم ولا يوريكم فيها مكروه

اقتباس:

---

خذولون مميز ويكون قليل علي شان تتميزون

---

ما يحتاج لون مميز .. السياره كلها مميزه اصلاً
بس الاسود يبيله اهتمام اكثر

آول شي الله يعطيكم خيرهـآ ويكفيكم شرهـآ ومبرووووووك مقدمـآ السيـآره حلوه ومميزه وآلآسود عليهـآ خوقـآق بس الله يعينكم على اللون يبيله شوية آهتمـآم:cool:

نصيحتي
أختارو اللون الأبيض اللؤلؤي أو الفضي أما الأسود ما أنصحكم فيه
(والله يعطيكم من خيرها و يكفيكم شرها)

حياك أختي
والله أنا بقولك رأي وبنصحك :
رأيي أنكم تغضون بصركم عن هذا الموتر لانه مسوين مكس ما بين السيفيك والاكورد يعني مافيه شي جديد من داخل أما الخارجية فلك عليها مافي أناقة ولا جمال

النصيحة :
اذا ودكم بجيب أو سيارة كبيرة البايلوت عندكم وبزيادة قليلة عن الكروز ستار واجمل
أو أكورد سيدان فل كامل
ولكن أهم شي القناعة في اختيار السيارة
تحياتي والله يكتب لكم الخيرة

اشكركم جميعا على ردودكم وتفاعلكم معي

طيب كجودة وتحمل مثل اكورد سيدان

لا تحرموني مشورتكم

انا بعطيكي من الاخررررر يااختي العزيزه ...

مادام الشركة هونداء << صدقيني ماراح تندمي على اقتناء السيارة باذن الله

والسيارة شكلها حلووووو .... والله يكتب الي فيه الخير

اي شيء بالحياه مكتوب عليه Made In Japan بيكون الأفضل على طول حرام بالله يالملكه حقتي انها اكلت في حفر جده لين خلاص لو لها لسان تكلمت وقالت ارحمني وكل سيارات الهوندا الاكورد السيفيك السيتي والاكورد كورستور نفس الوضع جوده ومواصفات والسياره حلوه ما شاء الله استخيروا وان شاء الله فيها خيره وبالمره تتميزون عن الناس الباقيه

الرابط هذا فيه تقرير عن Accord Crosstour :)


http://www.hondaarabia.com/club/t37356/

اولا مبروك السيارة مقدما

من وجهة نظري إذا كنتم بحاجة لسيارة عائلية والفلوس حاضرة

وهناك رغبة بشراء سيارة مميزة وقوية وواسعة وعملية وعالية الجودة

نصيحة لله خذوا ( الجيب البايلوت ) :cool:

بصراحة هناك صديق لي جرب عدة انواع من السيارات الجيب الياباني

والجمسات الامريكي واخيرا اخذ البايلوت ويقول عنه انه من افضل سيارات

الجيب التي يمكن اقتنائها وسعره ليس غالي بالمرة بل هو أقرب ما يكون

من سعر الاكورد كروستر التي بالموضوع

وبالتوفيق

مشكورين والله يعطيكم العافيه طمنتوا قلبي