3 مشاكل موجودة بكثرة بالأكورد .........موضوع مهم ارجوا التفاعل

سلام عليكم ..


امسي على كل حبايب هوندا بالخير ...


يا شباب فيه 3 مشاكل بالاكورد وشفتها عند ناس واجد معهم اكورد 2006

1 - الاهتزاز إذا صارت السيارة بـ D أو R وانت واقف ومشغل المكيف...

وأعتقد أن المشكله في المراوح لأنه ما تهتز إلا إذا اشتغلت المراوح.

ولفيت كل الورشات ما لقيت حل .... أتمنى ووووفزعه يا شباب ابي الحل ..


2- النور العالي دااااايم يعلق معي وإلى الحين ما ادري وش السبب ...

3- الريموت ما يفتح باب السواق والسبب إني جلست تقريبا شهر افتح الباب بالمفتاح الاحتياطي ...


اتمنى ااتمنى احصل حلول منكم خصوصا مشكلة الاهتزاز لانه رففففففففففعت ضغطي ابي احل لاني ابي ابيع السيارة وما اقدر ابيعها كذا ..........


لكم أرق تحياتي ...

هلا أخوي هـ و ر

كيف الحال ان شالله طيب

بخصوص الأهتزاز اللي في القير صارت لي معي اكورد2005 وديتها الوكاله

كانت على الضمان وسوولها برمجة قير على الضمان والحمدلله تمام


وبخصوص النور علق معي النور العالي وانا كنت مركب زينون وهي على الضمان

رحت فكيت الزينون اول ورحت الوكاله وغيروا صندوق فيوز كامل على الضمان

*صندوق الفيوز في الوكاله2000ريال* يازين الضمان


انا عندي باب السواق والراكب كانت ثقيله ماتفتح بسرعه والحين ماعاد تفتح ابد بالريموت تصليح في الوكاله كامل مع القطع وأجور اليد

باب السواق 600ريال وباب الراكب 400ريال

هاذا الكلام في صيانة وكالة خريص-الرياض


ان شالله اني اكون افدتك

هلا بك اخوي مشكلة الأهتزاز ذابحتني مثلك مادري وش السالفه ؟

والنور انا عندي ولا احلى منه والريموت برضو حلو

البلا منك انت خربت النور والباب

ههههههههههههههههههه

ولا الأهتزاز مادري كل الناس ليه مادري ؟


ومعليش اذا كنت ضايقتك في الرد ادري مالي داعي انا وردي لانفعتك ولا شي

خخخخخخخخخخخخخ
لاكن انا مثلك ماعرف
<<<<<<<<<<<<<<<<<< اجل وش دخلك

خخخخخخخخخخخخخخخخخخخخخخ

قبل لاتلف الورش كان لفيت على الوكالة معهم اذا سيارتك على الضمان

لانه احتمال تكون من احد كراسي الماكينه شيك عليهم

اقتباس:

---

المشاركة الأصلية كتبت بواسطة هـ و ر 595

2- النور العالي دااااايم يعلق معي وإلى الحين ما ادري وش السبب ...

---

ممكن الله يخليك توضح أكثر ..

اقتباس:

---

المشاركة الأصلية كتبت بواسطة V T I Lوبس

هلا أخوي هـ و ر

كيف الحال ان شالله طيب

بخصوص الأهتزاز اللي في القير صارت لي معي اكورد2005 وديتها الوكاله

كانت على الضمان وسوولها برمجة قير على الضمان والحمدلله تمام


وبخصوص النور علق معي النور العالي وانا كنت مركب زينون وهي على الضمان

رحت فكيت الزينون اول ورحت الوكاله وغيروا صندوق فيوز كامل على الضمان

*صندوق الفيوز في الوكاله2000ريال* يازين الضمان


انا عندي باب السواق والراكب كانت ثقيله ماتفتح بسرعه والحين ماعاد تفتح ابد بالريموت تصليح في الوكاله كامل مع القطع وأجور اليد

باب السواق 600ريال وباب الراكب 400ريال

هاذا الكلام في صيانة وكالة خريص-الرياض


ان شالله اني اكون افدتك

---

مشكور حبيبي على المعلومات ..

أخوي المشكلة بالاهتزاز لا بالقير ولا بكراسي الماكينة ..

لأنك إذا طفيت المكيف خف عندك الاهتزاز يعني البلاء موجود بالمراوح ..

على فكره انا رت الوكالة كنت اضنها كراسي الماكينة قالوا لي انك ضارب مطب صناعي ومرتفع عندك الاديتر وو.. ولا تدخل بالضمان<<واتوقع تسكيته بس ...


اما النور فالمشكلة سيارتي مو على الضمان ..ماشي 83 :(


اكرر شكري وتقديري على مرورك ومعلومات ولك خاااااااااااااالص تحياتي ....

اقتباس:

---

المشاركة الأصلية كتبت بواسطة جرح الغدر & اكورد

هلا بك اخوي مشكلة الأهتزاز ذابحتني مثلك مادري وش السالفه ؟

والنور انا عندي ولا احلى منه والريموت برضو حلو

البلا منك انت خربت النور والباب

ههههههههههههههههههه

ولا الأهتزاز مادري كل الناس ليه مادري ؟


ومعليش اذا كنت ضايقتك في الرد ادري مالي داعي انا وردي لانفعتك ولا شي

خخخخخخخخخخخخخ
لاكن انا مثلك ماعرف
<<<<<<<<<<<<<<<<<< اجل وش دخلك

خخخخخخخخخخخخخخخخخخخخخخ

---

هههههههههههااااااااااااااااي

الله يديم سيارتك بخير وعافية
مشكور على مرورررررررررك الحلوووو

اقتباس:

---

المشاركة الأصلية كتبت بواسطة أبو عــزوز ..

ممكن الله يخليك توضح أكثر ..

---

هلا بك ابو عزوز

قصدي اني اذا كبست <شغلت النور العالي
خلاص يستمر شغال حتى لو طفيت النور وطفيت السيارة ... ما يطغي الا اذا فصلت فيوز النور
او اسمتريت اطفي واشغل لمدة 3 او 4 دقايق .....

اقتباس:

---

المشاركة الأصلية كتبت بواسطة الاخطبوط

قبل لاتلف الورش كان لفيت على الوكالة معهم اذا سيارتك على الضمان

لانه احتمال تكون من احد كراسي الماكينه شيك عليهم

---

اول ما رحت للوكالة بس للأسف

تصررريف كالعادة

مشكووور على المرور

انا بس مشكلة الاهتزاز في الدي ..

بس ما همتني لاني اذا وقفت حطيتها على الفاضي .. أحسن ..

الله يعينك !

ما عمري اشتكيت من الاهتزاز لأني ما اشوف فيها ذيك المشكله:rolleyes:

وبالنسبة للنور العالي ماعمره علق علي والحمدلله ..

اما الريموت.. الحمدلله للحين شغال ومابه شي ..
وافتح الباب احيانا بالمفتاح الاحتياطي .. :)

السلام عليكم
بالنسبه للاهتزاز ، ما اذكر ركبت هوندا إلا فيها الهزه هذي
والمراوح مالها علاقه بس لما تشتغل تسحب كهربا زياده وتثقل على المكينه وتخلي الرجه واضحه
اما بالنسبه للنور اتوقع من الكتاوت الموجود بعلبة الفيوزات بالكبوت
وانشالله تنحل مشكلت النور
والريموت يمكن يكون الجهاز الداخلي حق القفل خربان جرب افتح القفل بالزر الموجود بالباب اذا مافتح يكون منه
والله اعلم

اخوي توكل على الله ورح لورشه الجنوب متخصص بصيانه هوندا ،وياليت اقدر افيدك اكثر من كذا

<<لاكن مشكله الاهتزاز دايم تصير من كراسي المكينه .لان الكرسي يكون فيه زي الجلده وتنشف او تتقطع مع الوقت وتبدا المكينه بالاهتزاز (واذا صارت المشكله من الكراسي لاتركب الا اصلي علشان لاتندم زيي)

اقتباس:

---

المشاركة الأصلية كتبت بواسطة هـ و ر 595

سلام عليكم ..


امسي على كل حبايب هوندا بالخير ...


يا شباب فيه 3 مشاكل بالاكورد وشفتها عند ناس واجد معهم اكورد 2006

1 - الاهتزاز إذا صارت السيارة بـ D أو R وانت واقف ومشغل المكيف...

وأعتقد أن المشكله في المراوح لأنه ما تهتز إلا إذا اشتغلت المراوح.

ولفيت كل الورشات ما لقيت حل .... أتمنى ووووفزعه يا شباب ابي الحل ..


2- النور العالي دااااايم يعلق معي وإلى الحين ما ادري وش السبب ...

3- الريموت ما يفتح باب السواق والسبب إني جلست تقريبا شهر افتح الباب بالمفتاح الاحتياطي ...


اتمنى ااتمنى احصل حلول منكم خصوصا مشكلة الاهتزاز لانه رففففففففففعت ضغطي ابي احل لاني ابي ابيع السيارة وما اقدر ابيعها كذا ..........


لكم أرق تحياتي ...

---

1- نفس المشكله كانت عند مشرفنا الهادف .. و حلها باضافه ( وردتين )
على قواعد تثبيت الرديتر .. ان شاء الله يوضحها لك اكثر بنفسه.


2- المشكله النور العالي ما لها كتاوت خاص بصندوق الفيوز
فالحل هو تغيير الصندوق كامل .. تحصله بالتشليح بحدود 400 ريال .


3- هذي من دينمو الباب .. تغيره بالغرابي بحدود 40 ريال .

اقتباس:

---

المشاركة الأصلية كتبت بواسطة accord 06

1- نفس المشكله كانت عند مشرفنا الهادف .. و حلها باضافه ( وردتين )
على قواعد تثبيت الرديتر .. ان شاء الله يوضحها لك اكثر بنفسه.

---

شوف هذا الملف ..
http://www.driveaccord.net/forums/at...tachmentid=720
عطانياها الأخ accord 06 وفيه توضيح لأسباب الرجة وعلاجها ..

لكن قبل لا تطبقه أنصحك تروح الوكالة وتسوي تشييك كامل على السيارة

أنا صحيح حليت المشكلة ولكن جزئياً .. ركبت سيارة واحد من الشباب وكانت الرجفة عنده اخف من الا عندي بكثير ..

الأجرائات الا سويتها ..
اضفت الوردتين (( شوف الشرح في الملف ))
غيرت جميع كراسي المكينة ..

الرجفة خفت صحيح ولكن ما زالت .. :(

انا بصراحة طفشت من ها المشكلة وشكلي باطنشها خلاص ..

سلام لجميع العضاء

ياشباب بالنسبه للاهتزاز هذا تراه من كراسي المكينه وتبدأ المشكله غالبا اذا وصل ممشى السياره الى 50 الف ويزيد الاهتزاز لحد ماتدعدى السياره 100الف بعدها يتحول الى رجه عشان كذا اذا كانت سيارتك على الضمان فان الوكاله يغيرونلك جميع الكراسي على الضمان او الله يعينك على 1250 ريال قيمة كراسي المكينه والقير :005:

ام بالنسبه لقفل الباب الاتماتيكي فانها من سنتر اللوك اليمين او اليسار وهذا العطل منتشر في الاكورد الجديده وعلى العموم تراه ماهو غالي 200 ريال قيمة الواحد و50 ريال قيمة تغييره في الورش :7bteen:
وهذا الكلام من واقع تجربه

نعم ياشباب صارت معي نفس المشاكل وهي الرجه وغيرت كراسي المكينه مرتين عند الوكاله على الضمان لكن للاسف المشكله ماستمره الا الان مع العلم السياره ماشيه اكثر من 73000 كيلو المشكله الثانيه وهي تعليق النور نعم علق معي النور اكثر من مره ولا يطفي معي الا بعد مااضرب علبة الفيوز اللي عند المكينه يعني مايطفي حتى ولو طفيت السياره والمشكله الاخيره هي الريموت وانا كتبت عنها اليوم الصباح وهي الريموت طلعت المشكله من زر الباب الايمن مايقفل مع الريموت علشان كذا ماتشتغل الاشارات فلازم اضغت على الزر بيدي علشان يقفل وتشتغل الاشارات فاتوقع المشاكل الثلاثه اللي ذكرتها منتشره في الهوندا 2006 بالذات والله يعطيكم العافيه :mad:

يا اخوي...مثل ما ذكر معظم الشباب بالظبط...هذا بالنسبة للرجة...لأن صار معي نفس اللي معاك تماماً(اذا اعشق والمكيف شغال ترج السيارة)ورحت للوكالة وغيرو لي كراسي المكينة وكراسي القير وألحين السيارة مية مية لا رجة ولا شي

طبعا الكراسي تخرب معاك غالبا من الحفريات والتكسير اللي بالشوارع حتى لو كانت خفيفة او اذا اكلت لك كم مطبة او طحت في حفر...كل هذا يخرب الربلات اللي في الكراسي ويوسع فتحاتها فتصير الرجة واضحة لأن المكينة او القير موب ممسوكين زين

وباقي المشاكل ما عمرها صرت معي ...سيارتي 2004

مشكورين حبايبي على المرور والتعليق والله لا يحرمني من هالردود الحلوة .....

بس اللي قاهرني ان السيارة كانت فيها الرجه قبل ينتهي الضمان ورحت لهم ولكن للأسف قالو مو من كراسي الماكينه يقولون ان قاعدة الاديتر عندك مرتفعه بسبب انك صااادم رصيف او شي << وكلامهم نصب بنصب ...........

اقتباس:

---

المشاركة الأصلية كتبت بواسطة هـ و ر 595

مشكورين حبايبي على المرور والتعليق والله لا يحرمني من هالردود الحلوة .....

بس اللي قاهرني ان السيارة كانت فيها الرجه قبل ينتهي الضمان ورحت لهم ولكن للأسف قالو مو من كراسي الماكينه يقولون ان قاعدة الاديتر عندك مرتفعه بسبب انك صااادم رصيف او شي << وكلامهم نصب بنصب ...........

---

نفس الكلام الا قالوه لي ..

فك الغطاء الأسود الا فوق الرديتر ووشيل البرغيين الا ماسكين الرديتر .. اضفت وردتين (( Washer)) وركب البراغي مرة ثانية ولا تشد عليهم كثير ..

وارجع للوكالة مرة ثانية وشوف وش بقولون .. لكن للأسف ان ضمانك انتهى

انا مثلك احس باهتزاز :(