عرض للطباعة
السلام عليكم
شحالكم شباب
ان شاء الله كلكم بخير
اخواني انا عندي بعض الاستفسارات عن الهوندا اكورد
1- هل الاكورد فيها مقياس درجة الحرارة؟
2- هل الاكورد فيها معدل استهلاك الوقود و المسافة الي اقدر اقود فيها السيارة (Range)؟
3- و بخصوص العزل الصوتي اسمع كثير يقولون ان العزل الصوتي فالاكورد ضعيف جدا
هل العزل الصوتي للاكورد 2011 افضل ؟
و السموحة على الاطالة
أخوي كل الي قلته موجود في الأكورد
الا معدل استهلاك الوقود ما هو موجود
وبنسبه للعزل الصوتي مثله مثل اي سياره 4 سلندر
و6 سلندر سمعت أن عزلها افضل من 4 سلندر.
مشكور اخوي و ما تقصراقتباس:
المشاركة الأصلية كتبت بواسطة عاشق سيييييفيك
انا الوالد مخيرني بين الاكورد فل 4 سلندر بس من دون شاشة
و التيما 4 سلندر فل اوبشن
الصراحة محتار من بينهم
انا ما تهمني السرعة بس تهمني الراحة في السيارة و يكون شكلها حلو
اقتباس:
المشاركة الأصلية كتبت بواسطة UAE LEGEND
خذ هوندا ولا تحتار ..
والشاشة مو مشكلة .. تقدر تركب لك شاشة ..
والله الاكورد فل دلع مرررررررررررررررررة ..
خصوصا مع اللون الجديد تطلع :cool:
الهوندا تتفوق بالشكل والقوة والتحمل اكيد
يعيبها العزل الخارجي ولا كل شي تمام
وانت لاتشتري الا لما تجرب كل واحد وذوقه يابعدي
وبالتوفيق
مشكورين شباب و ما تقصرون
الوالد عنده التيما 2009 4 سلندر
الصراحة قير cvt مب عاجبني وايد يحن
و السيارة احسها خفيفة
انا حصلت قيادة تجريبية من وكالة الهوندا عدنا
الاكورد سواقتها حلوه
يمكن الي يميز الالتيما المواصفات بس
يا حبيبي خذها مني من الاخير مافيه مثل الهوندا بين فئتها وابعد عن النيسان ترى قطع غياره غاليه اكثر من الهوندا وشكل الاكورد احلى بكثير ولا تنسى الاستخاره والله يبارك لك
السلام عليكم
أبي أقول لك شي أخوي
أنا من عشاق النيسان بالذات الألتيما والباترول
للأمانة
البارح شريت سيارتي الجديدة أكورد سبيشل 2011
يوم جيت البيت قلت لأختي الصغيرة باركي لي شريت سيارة جديدة
قالت أخيرا شريت الألتيما اللي غثيتنا فيها
قلت لها لا
أكورد
ماصدقت إلين شافتها واقفة عند الباب
على العموم
إذا تبي اكورد الوكالة قدامك واذا تبي التيما هم بعد الوكالة عدالك
لاتنسى اقتنع بالموتر اللي تبيه
الأكورد يمشيك طول عمره على مستوى واحد كان معاي اكورد 2004 الين ماشريت 2011 والله إني اذا خربت قطعة أحطها وأنساها ولايفتح معاي مشاكل ثانية
تخيل السيارة من 2004 إلى الحين تعدت 240000 كيلو ولاغيرت لها مساعدات
ولو تشوف السيارة تقول ماشاء الله توك مركب مساعداتها
أما النيسان كرهته بعد ماخرب الباثفايندر اللي مع الوالد
تخيل مافيه زيت جربوكس الا عند الوكالة وتعبية الزيت بـ 1500 وإذا تبي تشيك عليه بـ 800
لا وفوق هذا كله ماهم مسئولين عنه بشي
وسنون تروس الجربوكس تتنحت على طول وتسمع لها صوت حنة لدرجة السيارة ماتوصل 80000 إلا وتسمع حنة الجربوكس
الله يرزقك الخيرة يارب
مشكورين يا اخوان و ما تقصرون
ان شاء الله خير