شاشة sun less للأهميه واشياء اخرى
السلام عليكم ورحمة الله وبركاته
اخباركم ياقدعان:d
وش مسوين مع الانقلابات الي صايره هالسنه
الله يستر من 2011 من بدايته رعب:confused:
عموماً مابي اطول عليكم
انا شريت شاشه من sun less يوم كانو مسوين اعلان بالمنتدى قبل سنتين
وماشيه معي زي الحلاوه بس قبل امس مدري وش جاها الله يهديها
اذا شغلت السياره بدال ماتطلع لي علامة هوندا صار يطلع لي علامه تايوتا:eek:
سويت ريستارت ولا فاد ولها يومين على هالحاله
ممكن تفيدوني وش العله ياشباب:o
واذا ماعليكم امر الي يعرف برنامج ملاحه كويس لايبخل علي يعلمني وشو:d
كل الي عندي خرابيط في خرابيط ومنتهيه بعد
وفيه مشكلتن ثانيه بعد مدامنا فتحنا موضوع خل نسرد كل شي
عندي اصوات زي الفوفوزيلا:d اذا رجعت ريوس وش علتها ذي
وفيه صوت غريب عجيب اذا لفيت يمين ولا يسار
وش منه بعد ذا
بصراحه ماعرفت اوصف الصوت
زي كذا يعني انننننننننننننننننننننننننن:d
وموتري 2008 ماشي 170000 ومن يوم شريته ماغيرت الا زيت قير ومكينه
وبواجي مره وحده بس يوم مشت 100000
فيه اشياء ضروريه يحتاج اغيرها علموني الله يجزاكم خير
ترى اخوكم داج بالصيانه ومن جنبها على ماقالو:d
ولكم مني جزيل الشكر
