عرض للطباعة
بسم الله الرحمن الرحيم
السلام عليكم ورحمة الله وبركاته
كيف حال اعضائنا الموقرين
وكل عام وانتم بخير بمناسبة الشهر الفضيل
وياشباب انا بخش في الموضوع سيده
انا عندي صوت مقلقني جايب لي الصداااع
وهو صوت زي الخشخشه اذا مشيت في شارع خربان ولا رقيت عيون القطط
جاي من عند القير
واذا مسكت الديكور الي حوالي الغير وتحت الجلنط<<<كيف الوصف :d
يروح الصوت واذا هزيته بيدي يطلع الصوت
فـ ماادري وش الحل فيه هل اسويله شد ديكور ولا تربيط ولا وش
واذا كان الجواب بـ نعم وين اسويه فيه
وبكون لكم من الشاكرين
الصوت عندك يطلع من الديكور حول القير او من الدرج
لانه كان يطلع عندي صوت رجه من الدرج اللي تحت السي دي وخصوصا اذا صرت بشارع خشن والصوت يسكت اذا رصيت بيدي بقوة على الدرج واذا شلت يدي يرجع :mad:
فكيت الدرج بالبيت وطبعا لازم تفك حاملة الاكواب والديكور اللي حول القير وبعدها تفك مسامير الدرج وتطلعه
حاولت ادور المشكلة مالقيتها وتعبت والصوت سوالي قلق بقوه :mad:في الاخير بصيانة الـ 40,000 كيلو قلت للوكالة على المشكلة وصلحوها على الضمان :cool:
للمعلوميه هذا الدرج سويت عليه ملاحظه بصيانة 10,000 انه مايتقفل ابد وصلحوه
وبصيانة 20,000 ملاحظه انه مايتقفل الا بعد 4 او 5 محاولات وصلحوه
والحين بصيانة 40,000 كيلو صوت رجه وصلحوه >> الله يستر من ذا الدرج :p
هلا بك اخوي الاخطبوط
بس يالغالي الصوت عندي موب من الدرج
الصوت من الديكور الي على يسار القييييير
يعني الي تصقعه ركبتك اليمنى وانت تسوق<<<كيف الوصف :d
واذا رصيته بقوه يسكت الصوت واذا فكيته يطلع
والصوت ذا مقلق ابو مخي صرت معاد ودي اطلع على السياره بسبته
صوت زي كذا خشخشخشخش اذا مشيت في شارع خربان ولا عيون قطط
واذا حركته انا بيدي بقوة يطلع نفس الصوت
والله شي يقهر ماتدري وش تسوي به
لكن ان شالله نلقى له حل من الاخوان
واذا كان عندك حل الحقنا به تكفى
والله يعطيك العافيه على الرد وماقصرت...
خخخخخخخخخخخخخخخخخخخخخ
البلا من الشوارع الي تجيب الهم .. :(
الله يعينا و اياكم
اخوي وعزيزي وصاحبي وصديقي << إخلص علينا
حلك عندي يابو الشباب :)
شوف روح للوكاله عند الصيانه الجايه وقولهم على المشكله وصدقني بتروح
أنا كان عندي صوت في الدرج الي تحت المكيف والسماعات الي في أركان السياره قدام
وأزارير الأبواب
وكلها صلحوها لي على الضمان
والله يا خوك الصوت هذا مجنني مثلك
لكن احلى ما فيه انه مزاجي وما يطلع الا بعض الاحيان
فكيت علبة الطفاية والدرج ابي اعرف الصوت من وين يطلع بالضبط ما عرفت ؟!
اصلاً اول ما افك علبة الطفاية الاحظ ان الصوت يختفي .. حاولت اتأكد اذا كان السبب منها لكني عجزت
:dunno:
وفي الاخير قررت اعيش حياتي وانساه دامه ما يطلع الا بعض الاحيان
لكن انت اذا لقيت حل .. لاتنساني !!
:rolleyes:
انا عندي بعد هالصوت مقلقني طيب انا سيارتي انتهى ضمانها ولاني راعي تفكيك ولاشي وش اسوي به؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب فيه طريقة انك تروح لمحل تنجيد وتخليه يفك القطع لك اللي حوالي القير وتحاول تحط عند الكلبسات اللي تثبتها قطعه منديل صغيره او شيء زي كذا ،اتمنى فهمت الطريقة
فكرتك خيو ل م س حلوه
بس لويكون تحط جلد أو ربر أحسن من المنديل لأن المنديل مصيره يتقطع ويعدم السالفه
هلا والله
وحي الله كلن بسمه
والله انكم ماقصرتو ياذيابة
واعذروني تأخرت عليكم في الرد
لكن من طول الغيبات جاب الغنايم :)
ابشركم سكت ام ابو الصوت
قولو لي وش لون<<<راعي طويلة ذا
والله في ذاك اليوم كنت امشي في طريق الثمامة
وتخبرون طريق الثمامة معدوووم كنت تمشي على حجر
والصوت شغاااال :d
واوجعني راسي منه
فـ قلت ياانا ياهوووو
واروح الله يسلمكم لـ القطعه الي حوالي القير
الي تكون مخشبة في الفل كامل
واجيها من قدام وارفعها فوق كني بـ افكها
رفعتها شي بسيييط يعني مافكيتها
وتفاجأت بأن الصوت اختفى تماما
وطلع الموتر وش حلوه مافيه قرقعة ولا شي
واخوي B Unique جربها عندك ورد لنا
والله يعطيكم العافيه وماقصرتو على الردود...