..:: ابي اكورد 2010 جديده ::..
السلام عليكم ورحمة الله وبركاته
اتمنى لكم دوام الصحه والعافيه واهنئكم على هذا المنتدى الرائع اللي كنت دايما اتصفحه
واستفيد منه وسجلت اليوم معاكم بحكم اني بشتري اكورد واصير جزء من هذا النسيج الرائع
الصراحه راحه زي ما يقولون انا كان في بالي سيارتين كنت باخذ احلاهم ,, كان في بالي
السوناتا الجديده والاكورد ,, المهم جربت السيارتين وارتحت للاكورد في كل شي ,, شكل ,,
قوه ,, رساوه ,, كلش
ابي فزعتكم معاي يالطيبين ودي اشتري اكورد 2010 فل اربعه سلندر وتكون جديده ..
.....
الاكورد 2011 حلوه بس خلفية البي ام ما عجبتني الصراحه وجنوط 2010 احلى من 2011
من وجهة نظري والناس اذواق زي ما انتم عارفين والشي الاهم فرق السعر بين الجديده
والقديمه تفرق كثييير
ما اخفيكم اني بطلع قرض علشان اطلع السياره وودي اعرف سعر الاكورد 2010 بالمعارض او
الصالات او حتى وكلاء عبد الله هاشم المعتمدين وودي اعرف مدى توفر الاكورد 2010 من
عدمه ,, اتمنى الرد العاجل منكم لاني ابي احدد مبلغ القرض على سعر السياره وما ابي
اتوهق بزيادة المبلغ واتورط بالاقساط او اخذ مبلغ اقل من سعر السياره واتوهق باكمال المبلغ
....
اللي ابيه بالضبط اكورد 2010 فل 4 سلندر ,, واللون اللي ابيه لؤلؤي
انتظر ردودكم :::...
