عرض للطباعة
مساء الخير يا اخوان
انا عندي هوندا اكورد 2004 صار لها مشكله مره يدق السلف مره لا وقبل يومين خلاص معد تدق ابد مره ولا شي يتحرك الطبلون يشتغل بس السلف ما يدق جبت كهربائي وقالي من السلف لازم يتفك السلف .
فزعتكم وش اسوي فيها و اي ورشه في الرياض اوديها ؟
مشكور مقدماً .
والله الي انا اعرفها وممتازة ورشة الجنوب للهوندا الي بالصناعية القديمة ومعرووفة اتوقع اني قريت هذي المشكلة من قبل واتوقع قالو عنها فحمات السلف او حاجة زي كذا المهم انت ودها للورشة الي قلتلك والله يسهل امرك
انا نفس مشكلتك والوضع فري :d:d
إذا مادق السلف حطه n وشغل السيارة :cool:
^^^
نفسسس المشكله :mad:
مشاكل التشغيل الي لاحظتها على الاكورد 03-07 هي مشكلتين
الاولى ضعف في التشغيل ومع الوقت ماعاد تشتغل وهذي بسبب فحمات السلف تحتاج الى تغيير او البطارية
الثانيه السياره ماتشتغل ابد وفحمات السلف سليمه وتكون المشكله من عصا القير مجرد تغيرها على n وتشتغل
السياره بشكل طبيعي وهذي اعاني منها من فتره وماشي على هذي الطريقه (التشخيص المبدئي من
الوكالة من كيبل عصا القير يحتاج الى وزن )
^^^
طيب وش نسسوي البطاريه جديدة
الفحمات نغيرها ولا نسوي وزن لكيبل العصا :confused:
وويين نوزن الكيبل فيه غير الوكاله طبعآ :d
اذا اشتغلت السياره معك على الـ n يعني المشكله ماضن لها علاقه بفحمات السلف
الافضل اصلاحها بالوكالة
^^
الموتر يشششتغل على n
يعني وش المششكله !
الصناعية بمخرج 17 انصحك بورشة اسمه ورشة هواند في باكستانية هناك له خبرة بشركة هواند 10سنوات ماشاءلله قل له المشكلة ويقول لك الحل وعلي الضمان اذا ما اصلحة السيارة ماتدفع له شي