الرجاء المساعدة يا اخوان عندي مشكلة مبهمة في قير الاكورد 2005

السلام عليكم يا اخوان لدي مشكلة و انا واثق من اني ساجد النصيحة المناسبة منكم هنا في هذا المنتدى القوي و المحترف في مجال سيارات الهوندا الحبيبة .
المهم لا اريد ان اطول و اتمنى و ارجو انا تتفاعلوا معي في سبيل ايجاد المعلومة الصحيحة

المشكلة : انا مالك سيارة هوندا اكورد 4سلندر كان عندي نتعة في القير الاوتوماتيك عند التبديل من واحد الى اثنين وديت السيارة الوكالة و قالو لي ان الكراسي الخاصة بالمكينة و القير مكسورة و تم استبدالها و تم تغير زيت القير علما ان سيارتي ماشيا 180 الف كيلو و لكن قالو لي في الوكالة يمكن القير يحتاج تبديل او توضيب و نصحوني بالتبديل المهم بعد تغير الكراسي و الزيت خفت النتعة لكن لم تختفي المهم بعد اسبوعين بالزبط شغلت السيارة و سمعت حنة من جهة القير الامامية بالتحديد صوب التاير الامامي اليسار من القير و عند تحريك السيارة و وضعها في الدي تحركت السيارة و بعد مسافة بسيطة رفضت تمشي السيارة ابدا كانها في الفاضي و ولعت لمبة القبر ال دي تولع و تطفي و عند وضعها في ال ار او الخلف ايضا لا تمشي نهائي ف ما عارف و الله هل راح القير ولا شو المشكلة بالضبط حساسات ام ابدل القير من التشليح علما ان بعد اغلاق السيارة و تركها فترة ثم تشغيلها تمشي السيارة بس بعد اقل من دقيقة ترجع الحالة النفسية و ترفض المشي نهائي كانه مافي قير ف السيارة ارجوكم افيدوني يا اخوان علما انها سيارتي الوحيدة و اعشقها و لا انكر اهمالي بخصوص تغير الزيت للقير و انا راعي دعاس و رجلي حارة ع السيارة اتمنى اني اكون شرحت كل شي مطلوب للحصول على المشكلة و حلها . انا من سكان ابوطبي من تنصحوني اذهب له

جزاكم الله الف خير و يحميكم من المشاكل . امين

الله يعينك يخوي بس مشكلتك بسيطه إن شاء الله

هذولا الوكاله تروح عندهم تقول لهم السياره فيها حذفه يقول لك المكينه يبي لها توضيب


لكن اسمع ترا الأكورد سياره حلو وانا عندي وحده نفسل موديلك ماشيه 250 الف وماشاء الله تبارك الله

بس مشكلتها إذا خربت خرابها يبدا بسيط بعدها يتعقد


انت سو احتياطات بسيطه
غير فلتر القير الخارجي اطلبه من الوكاله وخلهم يغيرونه لك

وفي شباب هنا راح يفيدونك ولا تخاف
ترا قير الأكورد سمعت إنه مصمم زي القيور الألمانيه يعني مو من السهل يخرب إلا إذا انت قاعد تطعس بالأكورد فهذا شي ثاني

تحياتي لك و وافنا بالتفاصيل

الوكاله كلام فاضي شوف لك ورشه محترمه تعرف للهوندا او حدد مكان بالرياض او الشرفيه او الغربيه عشان الشباب يدلونك على ورشه

اقتباس:

---

المشاركة الأصلية كتبت بواسطة فـــيـــصـــل..607..

الله يعينك يخوي بس مشكلتك بسيطه إن شاء الله

هذولا الوكاله تروح عندهم تقول لهم السياره فيها حذفه يقول لك المكينه يبي لها توضيب


لكن اسمع ترا الأكورد سياره حلو وانا عندي وحده نفسل موديلك ماشيه 250 الف وماشاء الله تبارك الله

بس مشكلتها إذا خربت خرابها يبدا بسيط بعدها يتعقد


انت سو احتياطات بسيطه
غير فلتر القير الخارجي اطلبه من الوكاله وخلهم يغيرونه لك

وفي شباب هنا راح يفيدونك ولا تخاف
ترا قير الأكورد سمعت إنه مصمم زي القيور الألمانيه يعني مو من السهل يخرب إلا إذا انت قاعد تطعس بالأكورد فهذا شي ثاني

تحياتي لك و وافنا بالتفاصيل

---

سلم اخوي فيصل طمنتني و ان شاء الله راح اطمنك و ازودك بالتفاصيل

اقتباس:

---

المشاركة الأصلية كتبت بواسطة بريق الصحوة

الوكاله كلام فاضي شوف لك ورشه محترمه تعرف للهوندا او حدد مكان بالرياض او الشرفيه او الغربيه عشان الشباب يدلونك على ورشه

---

والله انك صادق يا بريق الصحوة تصدق انا الوكالة ماخذين مني 5000 درهم على اشياء ما تسوى يمكن اكبر شي بس تبديل كراسي المكينة و القير و فلتر الهوا و الزيوت بس السيارة طلعت من الوكالة المكيف نفس العيب يشتغل بارد عند الراكب الامامي و عند السائق هوا حار و ثاني شي ما سوو ميزانية للتواير ترا في رجفة بسبب عدم الترصيص يعني من الاخر لعبو علي لعبتهم حسبي الله منهم .. انا من الامارات ابوظبي تحديدا بس تسلم عا النصيحة و ان شاء الله راح اخبركم شو سويت . :) بس سؤال ممكن التوضيب يفيد لانه حصلت ورشة في مصفح الرجال قال لي بنبدل لك الكلتشات و نعطيك ضمان 100 يوم يعني 3 شهور و زيادة فا شو الراي ؟

مشكلتك ممكن تحتاج إلى برمجة قير, شوف محلات الفحص بالكمبيوتر عندكم اسأله كم سعر الفحص للقير إذا شفته مناسب توكل على الله وسوي لها فحص للقير حتى يبين معاك الخطأ تحديدا ً.

لكن البرمجة ليس بحل نهائي لمشكلة القير, وممكن يكون حساس القير إلي موجود خلف الكفر من جهة السائق. (يوجد توضيح*)

السلام عليكم ..اهلين اخوي انشالله بخير منور المنتدى

انا نصيحتي لك توديها ورشه فحص كميوتر وتطلع كل العيوب الي فيها وبتفاصيل ولا تروح لم الوكاله نصابييييين
شكلك تلعن ابو القير وترقا مطاب على سرعتك

بتوفيق

افحص كمبيوتر

يمكن مشكلتك تكون حساس او شي زي كذا

فحص الكمبيوتر يبين لك اذا في حساسات خربانه

بالتوفيق

اخوي اكبر غلط انك لما تهمل تغيير الزيت مسافات طويلة وثم ترجع تغيرها مرة ثانية

بكذا سويت تراجع لقطع وتفلت لقطع مهترئة بغير مكانها وثم حطيت زيت جديد وصار فيه اوساخ وتجمعات لرواسب في اماكن غير مرغوب فيها بالتالي توضيب قير


تغييرك للزيت باستمرار يحافظ على نظافة القير وخصوصا اذا استبدلت الزيت مع الفلتر

الان بتحتاج توضيب خصوصا بعد الصوت اللي انت سمعته مع الصبح وكون السيارة ما تمشي للامام او الخلف فهذا يعني توضيب

اول شي أنا اشكركم كلكم يا شباب والله ان هذا المنتدي روعة وانتم ما يصرون أبدا أتمني من الله ان ينصركم و يوفقكم أنا سأفحص القير بالكمبيوتر زي ما قلتو بس سوال أخير وش نصيحتكم قير من التشليح ولا توضيب وما هنتم

اقتباس:

---

المشاركة الأصلية كتبت بواسطة sanousi

اول شي أنا اشكركم كلكم يا شباب والله ان هذا المنتدي روعة وانتم ما يصرون أبدا أتمني من الله ان ينصركم و يوفقكم أنا سأفحص القير بالكمبيوتر زي ما قلتو بس سوال أخير وش نصيحتكم قير من التشليح ولا توضيب وما هنتم

---

تغييره بواحد نظيف افضل من التوضيب اللي مافيه احد يتقنه

اقتباس:

---

المشاركة الأصلية كتبت بواسطة بلال العلمي

تغييره بواحد نظيف افضل من التوضيب اللي مافيه احد يتقنه

---

تسلم علي النصيحة يا الغالي ان شا الله بشوف قير نظيف موديل 2007