غيرت الفحمات و رجع الصوت اقوى من اول .. ! :(
بسم الله الرحمن الرحيم
انا لي اسبوع شاري اكورد 2009 سبيشل ماشيه 25 الف ..
من قبل ما اشتريها و الفحص الي وديته يشيك عليها قالي الفحمات الخلفيه باقي فيها الربع
شريتها و بعد اسبوع اليوم الخميس كنت بالصناعيه القديمه ( صناعية الخرج بالرياض ) قلت خل
اغير الفحمات لايتطور الموضوع و يخرب علي الهوب او غيرهـ ..
طبعاً الصوت كان يطلع معاي بس مو دايم لكن فيه صوت ..
شريت فحمات خلفيه من محل النعماني موزع معتمد لـ هوندا بـ 110 بعد الخصم
ركبتها عند ميكانيكي بـ 40 ريال ..
طلعت الموتر منه على اذان العشاء .. الفرامل زي الفل ماشاء الله لا صوت و لاهم يحزنون
صليت العشاء على الطريق و منها للبيت ..
بعدها طلعت مشوار و انصدم بالصوت المرعب لما ادعس على الفرامل .. !!!
للحين مو عارف وش السالفه .. !
افيدوني الله يخليكم .. ؟
:(
