افيدوني ياجماعة ( دايخ ومدري وش اسوي)

السلام عليكم
كيف الحال

انا عضو جديد وهذا اول موضوع عندي وهو:

عندي اكورد 2010 فل كامل 4 سرندل اللون لؤلؤي

امس طلعت من المنطقة الشرقية متجه لمنطقة حائل

الساعه 2 ضهرا ويوم تعديت السعيره على خط حفر الباطن

وتجيني العاصفة الرملية اللي ضربت حفر الباطن ومشت الين الرياض والشرقيه وانا داخل بوسطة

حد الكبوت من قدام ما اشوفه اطالع

مع دريشتي ما ادري انا على الطريق والا برا الطريق

المهم ربي حمانا منها واتجهت لحفر الباطن علشان نرتاح منها

ويوم وقفت اتفقد السياره

الا الوجهيه منعدمه لا نور ولا كشافات ولا شبك فوق ولا شبك تحت اللوحه

لدرجة ان لمعت الجنوط راحة مره وحده

المروحه اذا اشتغلت تسمع حنتها تقل مروحة مرسيدس

والديكور اللي على القير مكتوب عليه P R N D

يامشت السيارة قام يطلع صوت تقل احتكاك

اتمنا من اللي له خبره يفيدني ويقولي وش اسوي ابغا ارجعها تقريبا زي اول لمعه واللي يشوفها يقول ما شاء الله الحين اللي يشوفها يقول هذا موديلها 2008 (تكفون يالربع):(

واسف على الاطاله لان اول مره بحياتي ادخل على منتدا:o

اي محل تلميع

وتضبط امورك باذن الله واما بالنسبة للمراوح اغسلها بستم وتضبط امورك

الله يعطيك العافية

بلال

وما قصرت

تلميع ان شاء الله وتروح

لا تنسى تنظف فلتر الهواء , مره مسكت خط وكان فيه عج الله لا يوريك ويوم رحت اغير زيت وانفخ الكبوت لقيت بعلبة الفلتر كيلويين تراب :d

هههههه الله يعينك .. ذا مثل خط الساحل جاء موسمه .. ما عدم واجهتي الا هو وان شاء الله قريب للتلميع ..

اقتباس:

---

المشاركة الأصلية كتبت بواسطة ma6ansh

تلميع ان شاء الله وتروح

لا تنسى تنظف فلتر الهواء , مره مسكت خط وكان فيه عج الله لا يوريك ويوم رحت اغير زيت وانفخ الكبوت لقيت بعلبة الفلتر كيلويين تراب :d

---

ان شاء الله يعيطك العافيه وما قصرت

اقتباس:

---

المشاركة الأصلية كتبت بواسطة الفـــارس

هههههه الله يعينك .. ذا مثل خط الساحل جاء موسمه .. ما عدم واجهتي الا هو وان شاء الله قريب للتلميع ..

---

المشكلة من مشيت وانا متوقع ان فيه عج وغبار بس ما توقعت زي اللي صادفت تقل جدار قدامي ما اشوف شي