عرض للطباعة
بغيت شوركم يااخواني أنا سيارتي اكورد 2004 وعندي تهريب من الدودة بعد حادث وصلحت السيارة بس باقي تهريب الدودة والوكالة قالوا لي صلحها تقريبا تكلف 7000 ريال غالية والله. وش رايكم أني اسوي لها إصلاح هل ينفع وابغى شوركم علي بأفضل ورشه لتصليح تهريب هالدودة ودي الورشة تكون بالشرقية او الرياض والله تبهدلنا مع هالدودة الله يعطيكم الف عافية
ههههههههههههههههه .....ما جاك وسواس تبيع الموتر
في البداية الله يعينكـ اخوي
أنا بقولكـ تجربتي و انت خذ اللي يعجبكـ
أنا صلحت الدودة عند ورشة دلاني عليها واحد من الشباب الله يجزاه خير
و رحت للورشة قالي 550 ريال و بعد المكاسر 450 ريال شغل يد فقط
و الحمد لله اتفقت معه و شريت الإصلاح بحدود 350 ريال و كلفتني كلها تقريبا800 ريال
و الحين لها 5 شهور و الحمد لله تمام التمام
بس انا الحين أوسوس خايف انها ترجع و أكيد إذا كانك مطنوخ غيرها و جبها من البحرين
بـ2400 ريال من الوكالة و شغل اليد بـ150 ريال
طبعا بتوسوس بعد ما تصلحها لان بيطلع فيها صوت
انا صلحتها بورشه وما انصحك فيها لاني منقهر منه خذ 100 ريال على تغيير الذراع ولعب علي قال خربان وركب واحد ثاني طلع اللي هو مركبه خربان
اخاف اقول اسم الورشه ويطلع مخالف ان بغيته اعطيكياه عالخاص عشان من يوم تشوفه تنحاش !!
واللي دلني عليه محل قطع غيار يصير صاحبه هو نفسه صاحب الورشه !!
الله يعطيك العافية بس أنا بغيت اسم الورشة وموقعها
و مو إذا صلحتها أو غيرتها تحط زيت ايسي ديلكو لأن ما راح تستفيد
حط الأصلي اللي من الوكالة أنا حط لي زيت ايسي ديلكو عشان كذا أوسوس
اهلين وسهلين ..
بما اني راعي سوابق ..
صلحتها قبل على اكوردي البيضا ..
شغل يد 300 .. قطع 300
صلحتها قبل اكثر من سنة وكم شهر على اكوردي الحالية
شغل يد 300 وقطع 300
المهم قبل شهرين لاحظت الدركسون ثقيل واتفقت مع نفسي اصلح الطرمبة .. وصلحتها ،، ومرة وحدة شيكت على الدودة لقيتها مندية .. ياليل ما اطولك ..
امس رحت الوكالة .. فرع طريق العروبة ( قطع الغيار) .. قال قيمة القطع 302 وغير موجودة في فرعة حالياً ..
رحت فرع الخالدية وخديتها منهم بسعر 347 ريال <<<<<<< اضافة زيت دركسون اصلي ..
بكرة او بعدة ان شاء الله بروح اصلحها في نفس الورشة بـ 300 ريال
الدودة وطرمبة الدركسون عيب مصنعي اذا خرب مرة صلحة وبيصمل معك سنة .. سنة ونص ..
انا بالنسبة لي كارف موتري .. لما الف اكسر الطارة لين اسمع (طق) ..! شي طبيعي كل القطعتين تقول لي ( تباً لك ولسواقتك :) )
الرياض - صناعية ام الحمام - ورشة رقم 20 - المهندس تحسين او فيصل ..
الوصف ..
وانت ماسك العروبة متجة غرب (جهة مستشفى العيون ) بيجيك تقاطع تركي بن عبد العزيز الاول .. اطلع يسار
بتجيك اشارة ... رح سيدة ..وخلك ماسك اليمين ..
ثاني مدخل للخدمة خش معة وخلال 20 متر بتشوف ورشة 20 على يمينك ...
الله يعطيك العافية بس ودي اعرف الاصلاح للدودة انشالله بيضبط معي وهل بيعطوني ضمان الورشة على الاصلاح والا لا
جزاك الله خيرا
انا بقولك تجربه مع سياره أخرى جمس
تهريب في الدوده جبت لها قطع من التشليح وركبتها عند واحد ثاني
8شهور بالظبط يرجعلي التهريب وانا الحين من ورشه لورشه
بالنسبه لك
7000=راحة البال .
اتمنا لك التوفيق
^^ 7000 الظاهر تلاقيها طايحة جنب المسجد ..! ^^
روقنا وش اللي جايب قطع من التشليح ..!
سيارتي الاولى جايب لها دودة من التشليح ومعطيني ضمان ان مافيها تهريب .. شهر بعد تركيبها طلع فيها التهريب .. ( التشليح ماراح يعطيك ضمان اكثر من شهر )
بعدين وش القطع اللي جبتها ..!
قطعها المطلوبة كلها جلد وربلات ورمانات ..
الوكالة وهي الوكالة على كل صيانة تعطيك ضمان 5000 كيلو او 3 اشهر على ما اعتقد وماتزيد عن 6 اشهر ..
الدودة + طرمبة الدركسون خلل وعيب مصنعي .. (للهوندا وما ادري عن الجموس :) )
يانك تدفع كل سنة ونص 600 ريال للدودة ..
او تصير مطنوخ زي واحد من العيال كل سنة ونص بيدفع 7000ريال يغير الدودة كلها عشان الخلل في الجهة عند الكفر اليسار ..
الله يعطيكم العافية ادري أني أزعجتكم بها الدودة بس اللي أنا محيرني ان عندي تهريب في الدودة لكن ماشفت ولاقطرة زيت تحت السيارة اذا كان كذا هل اسوي إصلاح والا اخليها. والله احترت
^^ اجل وشلون عرفت ان عندك تهريب في الدودة؟ اذا مافية آثار ^^
العادة تشوف الزيوت وقت ما تلبق السيارة عند بيتكم .. قدام واكسر يمين .. ريوس واكسر عكس .. قدام واكسر الطارة .. في هاللحظات بالذات يبدأ يخر الزيت وتشوفة خط على الارض ..
ولو تفك الكفر اللمامي الايسر ( قدام الراكب ) بتشوف الدودة مندية او عليها اثر زيت ..
طيب وش الحل مع الخلل المصنعي
هل هو منتشر باغلب سيارات هوندا مثل السيفك وغيرها؟
ام فقط بنوع اكورد !!
لابد انه تنزل اسعار مثل هالقطع او الشركة تقدم حلول جذرية
شكراً ،،،
اللي عندي فقط ان فوق الكفر الأيسر فيه تندية بس يعني شي بسيط قلت أنا يمكن ماتأثر كثير واكتشفتها لي الوكالة بعد التشييك المجاني وقالوا لي غيرها كالعادة*
^^ دام الزيت توة ما يصبصب .. قدامك شهرين ..^^
أبشركم يااخواني صلحت السيارة عند مركز الهيدروليك في الصناعية القديمة اللي بجوار مركز الطائر وقام بتغيير الدودة كاملة بمستعملة وعليها ضمان 4 شهور وقالي ماينفع نعمل لها اصلاح لان عمود الدودة فيه اعوجاج وقامت الدودة تهرب زيت والحمدلله الى الان الحمدلله امورها طيبة
وياليت احد يفيدنا عن هالدودة المستعملة هل في احد جرب وركبها وهل هي طولت معه والا بسرعة اختربت
وجزاكم الله خير
انظر الموضوع في توقيعي تبع طرمبة الدركسيون
وحط بياناتك وان شاء الله تعوض كل الي دفعته ...