استفساار عن قير اكورد 98

آلسلآآم عليـكم و رحمة الله و بركاته

شخبآآركم يالربع ...

بما اني جديد بهالمنتدى و هذا اول موضوع لي قلت اقول سؤالي بهدوء و بلا غبااء زايد عشان مايتم القضااء علي :aa_rshash:

الموووووهم ياجماعة الخير انا من كم يوم طلعت معا صديقي و عنده سياره مدري وش نوعها و قير عااادي ... قير عادي مليون خط تحتها .. و انا من يومها و انا خاطري امشي سياره قير عادي ... و انا ماسقت قير عادي إلا ايام التدريب .. و خبركم المدرب يخليك تكره القير العادي ..

عاد انا سيااارتي اكورد 98 و خبركم القير فيه D1 D2 D3 D4 N R P
و اانا ابي اعرف يعني هل اقدر اسوقها مثل القير العادي يعني ابدل من 1 لي 4 .. و القير مايتضرر لأنه لا كلج و لا هم يحزنون .. بس تاعال و بدل

و اتمنى اني ما اطلت عليكم مع اني اطلت عليكم :rolleyes:

من جدك أنت .. لا ماتقدر تسوقها كيذا زي العادي ..
وش تبي بالعادي ماوراه الى الغثاء .. أبعد عن الشر وأغني له :d

وش تبي بالقير القرف يجيب الهم :aa_walen:

الله يخلي الاتوماتيك:rolleyes:

وعليكم السلام ورحمة الله وبركاتة

لا ماينفع يخرب عليك القير

اي والله .. على الأقل تحس انك تسووق سيااره ... بس انا اسوقها عالعادي مرات . بس اخاف القير يتضرر .. و إذا مايصير تسوقها عادي اجل ليش حاطين كل هالخربطه ؟

اقتباس:

---

المشاركة الأصلية كتبت بواسطة somha

وش تبي بالقير القرف يجيب الهم :aa_walen:

الله يخلي الاتوماتيك:rolleyes:

---

مدري .. احسه وناسه

اقتباس:

---

المشاركة الأصلية كتبت بواسطة pentium700

وعليكم السلام ورحمة الله وبركاتة

لا ماينفع يخرب عليك القير

---

طيب وش سالفة باقي التبديلات ؟

يا اخوان انا حبيت افيد كل الاخوان اللي يسألون على القير 1 2 3 4

هذي فايدتها لطرق المرتفعه الطلعات و النزلات مثل جبال الجنوب ابها و الباحه والطايف وغيرها فقط لا غير

ايه نعم اخوي تقدر تمشي 1 ثم 2 ثم d3 ثم d وكانك تسوق قير عادي وتغير بدون ما تشيل رجلك عن البنزين ولا شي

توكل على الله واستانس ونظام التيب ترونك على نفس المبدأ لكن فقط التبديل يكون كهربائي من الدركسون فقط يعني في النهاية الكمبيوتر هو اللي يتحكم بنظام القير بالكامل

اقتباس:

---

المشاركة الأصلية كتبت بواسطة بلال العلمي

ايه نعم اخوي تقدر تمشي 1 ثم 2 ثم d3 ثم d وكانك تسوق قير عادي وتغير بدون ما تشيل رجلك عن البنزين ولا شي

توكل على الله واستانس ونظام التيب ترونك على نفس المبدأ لكن فقط التبديل يكون كهربائي من الدركسون فقط يعني في النهاية الكمبيوتر هو اللي يتحكم بنظام القير بالكامل

---

أخي الفاضل بلال أرجو أن تفيدنا أكثر عن أمكانية فعل ذلك بدون أي ضرر حتي لو كان ضرر مستقبلي
لأنه المتعارف علية و إلي نعرفه أن القير يخرب ..
والقير من أهم الأشياء في السيارة يعني لو خرب صعب يرجع مثل ماكان فما هو المبداء و المفهوم المكانيكي لهذة العملية لكي نغامر بأستخدامها دون ضرر ؟

وأذا كان الأمر في التبديل عادي لماذا لم تضيف هوندا خاصية التوب ترونك لسياراتها بحكم أن القير يقبل هذه العملية ؟

اقتباس:

---

المشاركة الأصلية كتبت بواسطة pentium700

أخي الفاضل بلال أرجو أن تفيدنا أكثر عن أمكانية فعل ذلك بدون أي ضرر حتي لو كان ضرر مستقبلي
لأنه المتعارف علية و إلي نعرفه أن القير يخرب ..
والقير من أهم الأشياء في السيارة يعني لو خرب صعب يرجع مثل ماكان فما هو المبداء و المفهوم المكانيكي لهذة العملية لكي نغامر بأستخدامها دون ضرر ؟

وأذا كان الأمر في التبديل عادي لماذا لم تضيف هوندا خاصية التوب ترونك لسياراتها بحكم أن القير يقبل هذه العملية ؟

---

اولا تستطيع النظر الى كتالوج سيارتك

http://store1.up-00.com/Mar11/t7a93817.jpg





وثانيا جرب امشي على سرعة 200 وحطها على 1

ما راح يدخل على الاول بس يلقم معك على الثالث او الرابع لكن الثاني والاول ما يجي فيهم الا لما تخفض السرعة وهذا يسمى تحكم الكتروني بالغيار

اما ليش ما حطوا ستيب ترونك في السيارة هذه في الواقع ما اقدر افتي فيها لان في اوروبا كانت تنزل بقير ستيب ترونك حتى على محرك 2.4 اللي هو نفسه اللي عندنا وايضا نفس القير لكن تبديل الكتروني

[ame=http://www.youtube.com/watch?v=SxPk32C_8N0&feature=related]YouTube - Honda Accord Euro Rev limiter[/ame]

حتى الكوبيه الان شفتها الى الان بنفس القير وكل شي لكن فيه جهاز صغير مركب على القير لاجل ستيب ترونك اللي صار موجود في الكوبيه

اولا الأخوان كلكم مشكوورين عالردود ..

ثانيا : يعني اقدر اسوقها و كأني اسوق قير عادي ؟ .. الصراحه انا خايف ان القير يتضرر ... انا سقتها من قبل على انها قير عادي بس ماحبيت اطول و انا اسوقها كذا خوفي ان القير يصير له شي

يعني اسووقها عادي و انا مطمأن ؟

اقتباس:

---

المشاركة الأصلية كتبت بواسطة بو^يوسف

اولا الأخوان كلكم مشكوورين عالردود ..

ثانيا : يعني اقدر اسوقها و كأني اسوق قير عادي ؟ .. الصراحه انا خايف ان القير يتضرر ... انا سقتها من قبل على انها قير عادي بس ماحبيت اطول و انا اسوقها كذا خوفي ان القير يصير له شي

يعني اسووقها عادي و انا مطمأن ؟

---

قير الاكورد يخرب من شيئين

1- اهمال الزيت

2- والتماس اسلاك الحساس او بتضررها او خلل في قراءات هذه الحساسات

بغيره ابدا ما يخرب


حتى لو تقاوم ليل ونهار ومسابقات ما يخرب عليك بس تخرب عليك الكراسي لكن القير داخله تروس اكثر من تراصص الكلتشات وانا فتحت قيور للفوردات كثير لما كنت اشتغل في فورد لكن كله كلتشات وهكذا تشتغل غالبية السيارات بس التعقيد كله في قير الهوندا فعلا معقد وتحس انه قير عادي في داخله اكثر من انه يشبه قير اوتو وكونه غالبيته تروس فتحمل اكثر وطبعا فيه كلتشات قليلة والكلتشات هذه تحتاج تزييت جيد لذلك كل 40000 كيلو لازم تستبدل الزيت

مشكوووور اخوي بلال ... ماقصرت والله و كثر الله من امثالك

و ان شاء الله استفادو الأخوان كلهم مو بس انا ..

تحيااتي للجميع