بالنسبه لزيت الاكورد 2011 كم علبه تعال هنا

السلام عليكم

كيف حالكم...

طبعا امس رحت لبنشري وانا قد سمعت كثير من الاعضاء يقولون ان الاكورد 2011 تختلف مكينتها يعني اصغر تاخذ زيت اقل من 2010

المهم رحت لبنشري وكانت معاي 4 علب زيت ..بدون فلتر طبعا! ( سيفون )

المهم قلت كم قال 4 الاكورد تاخذ
قلت ماعندك مشكله حطها

فجئه اعاير الزيت اشوفه زايد فوق الخط الثاني

قلت انتضر من بكرا الين يبرد الزيت واعايره مره ثانيه

وبرضو نفس الشي

وارجع للبنشري واقوله نقص من الزيت شوي

ونقص شوي يمكن ربع علبه
وعايرته بعدها والحمد لله صار حلو تحت الخط الثاني بشوي


يعني الاكورد 2011 تاخذ بدون فلتر 4 علب الا (ربع )
وبالفلتر اتوقع تاخذ 4 غلب ..

الي مو متاكد يشيك على المعيار حق الزيت ويتاكد


لاتنسون دعواتكم بالتوفيق

سلام

دافع مبلغ وقدره على الاكورد واخر شي تروح عند بنشري يحوسك ويزود وينقص

نصيحه تغيير الزيت خله بالوكاله 125 ريال وتريح بالك

المميزات :

- تضمن مقياس الزيت حسب الموصى من المصنع بالمللي

- تضمن الفلتر اصلي (سعره بالوكاله 15 ريال والبتشري يبيعه 25 ريال)

- يعاير لك جميع الزيوت مجانا مع تعبئه الناقص مجانا طبعا

- يغسل لك المكينه كل مره ويغير لك الورده (الصره)

* زيت الـ 2007 ياخذ 4 علب و ربع مع الفلتر

مجرد راي والقرار لك

اقتباس:

---

المشاركة الأصلية كتبت بواسطة الـمـسـافـر

دافع مبلغ وقدره على الاكورد واخر شي تروح عند بنشري يحوسك ويزود وينقص

نصيحه تغيير الزيت خله بالوكاله 125 ريال وتريح بالك

المميزات :

- تضمن مقياس الزيت حسب الموصى من المصنع بالمللي

- تضمن الفلتر اصلي (سعره بالوكاله 15 ريال والبتشري يبيعه 25 ريال)

- يعاير لك جميع الزيوت مجانا مع تعبئه الناقص مجانا طبعا

- يغسل لك المكينه كل مره ويغير لك الورده (الصره)

* زيت الـ 2007 ياخذ 4 علب و ربع مع الفلتر

مجرد راي والقرار لك

---

اخوي المسافر الحين كل كم اغير الزيت ؟؟

انا اروح الورشة ومعي الزيت اقوله لاتمد يدك واشتغل بيدي علشان اضمن كل شي تمام ..

وسيارتي 2008 احط لها 4 علب ..

يكلفني بحدود 50 ريال واغيره كل 3000 كيلو ..

الحمد لله انا مريييييح ع الاخر

اوديها الوكاله كل 5000 ومرتاح

دام موتري 2011 ماهي كثيره 125

الفلاتر انا اخذت من الوكاله 5 فلاتر

الواحد ب 20 ريال...

والزيت فيه محطه بيترومين جدا روعه عملاتهم فلبينين شغلهم مظبوط تغير زيت ب 65 والزيت الي تبغاه هوندا كل شي اصلي
ومع السيفون اضاهر ب 75



اما الوكاله وش بيعملون يعني غير زيت وانتهينا

ابد والله ماضر سياراتنا الي قبل حسناها حوس ومشيناها فوق ال 300 الف خطوط وكلها عند بناشر

بس اهم شي يكون عندك علبه زيت دركسون من الوكاله تاخذها ب 49 ريال
والسلام عليكم


يعني اوفر حدود نص المبلغ في جيبي

اقتباس:

---

المشاركة الأصلية كتبت بواسطة دنيآ الغرور

اخوي المسافر الحين كل كم اغير الزيت ؟؟

انا اروح الورشة ومعي الزيت اقوله لاتمد يدك واشتغل بيدي علشان اضمن كل شي تمام ..

وسيارتي 2008 احط لها 4 علب ..

يكلفني بحدود 50 ريال واغيره كل 3000 كيلو ..

---

الزيت يمشيكـ الى 5000 كيلو متر مربع :d

اقتباس:

---

المشاركة الأصلية كتبت بواسطة الـمـسـافـر

- تضمن الفلتر اصلي (سعره بالوكاله 15 ريال والبتشري يبيعه 25 ريال)

---

الفلتر الحين قيمته 20 ريال :mad:

الوكالة اذا قريبه منك بدل عندها واذا بعيده خل عندك فلاتر اصلية وبدل عند بنشري تثق فيه

انا لي حدود 3 سنوات ابدل عند بنشري والحمدلله أموري طيبه

3 مرات بدلت عند بناشر ثانية السبب اكون بطلع مشوار طويل الظهر وخوينا البنشري مقفل يفتح العصر واللي يفتحون الظهر هاذي تجاربي معهم

( الأول ) زاد الزيت بشكل يفك المخ ودخلنا في موضوع شفط الزيت وغيره مع نفس البنشري وارجع صب الناقص بعد ماشفط زيادة ومن بعدها صار هالبنشري في القائمة السوداء عندي

( الثاني ) ماشاء الله فاهم بشكل خرافي الله لايضرة وعارف اسعار القطع تبع الهوندا وشغله نظيف واشوف واحد من الشباب عنده مرسيدس مايبدل الا عندهم شفط وللأسف البنشري قفل بسبب ازالة المبنى من المالك وتحويله عمارة سكنية ومحلات تجارية ومادري وين نقل محله

( الثالث ) نصاب درجة أولى وماعنده ماعند جدتي - شغله ماهو مضبوط - مرة قفل بقوة على مسمار علبة فلتر الهواء وكسر المسمار مع العلم ان البنشري اللي اتعامل معه ماعمره كسر اي مسمار وقررت اني اقتنع بالهندي في البنشري اللي اتعامل معه لدرجة انه اذا راح اجازة تتلخبط أموري ويبدأ التخوف من الهندي البديل او اني اروح لبنشري ثاني يزيد الزيت ويعدم الدنيا الخ

ايه صح تذكرت ترى اليوم كنت في الوكالة والفلتر صار سعره 20 الله يهديهم

اقتباس:

---

خوي المسافر الحين كل كم اغير الزيت ؟؟

انا اروح الورشة ومعي الزيت اقوله لاتمد يدك واشتغل بيدي علشان اضمن كل شي تمام ..

وسيارتي 2008 احط لها 4 علب ..

يكلفني بحدود 50 ريال واغيره كل 3000 كيلو ..

---

الزيت كل 5000 كيلو

كل 10 الاف غير الفلتر

هلا فيكم

انا اغير الزيت كل 3000 أو كل 3500 بالكثير

واحط اربع علب بدون فلتر

ومع تغيير الفلتر اربع علب ونص

هل الوزن صحيح .؟

وسلامتكم ،،،