عرض للطباعة
السلام عليكم ورحمه الله
كيفكم جميعا
مالكم بالطويله مشكلتي صارت لي قبل شهرين سيارتي ماتشتغل الا بعد محاوولتين او ثلاث قلت يمكن مشكله بالسلف ووديت السياره الوكاله وقالوا لي مافي شي طبعا فكوا السلف بس ب 350 وقالوا كل شي سليم نظفوا السلف وشحموا والسياره صارت اوكي والحمدالله
وجيت اليوم الصباح رجعت لي المشكله صارت ماتشتغل االا بعد محاولتين او ثلاث والان صارت ماتشتغل ابد
اذا احد عنده علم بالمشكله هذي يفيدني لاني طفشت كل شهر صايره لي مشكله
هل يحتاج تنظيف السلف او ايش بالظبط
وشكرا لكم
اخوي هي تدق سلف بس ما تشتغل
ولا تحاول تدق سلف بدون فايده يعني ما يطلع صوت التشغيله
إذا البطارية عندك اوكيه, غير فحمات السلف وبإذن لله ماراح تواجه اي مشكلة. :)
المهم شكلك واحد مطول على الرد عشان كذا بقول لك اللي عندي لأني بنام :p
إذا كانها ما تدق سلف فمعناها من البطارية فك أصابع البطارية و نظفهم زين و شدهم
و ان شاء الله تضبط :cool: و إذا البطارية كملت سنة فغيرها
و إذا كان تدق سلف بس ما تشتغل فأتوقع نفس ما قال اخونا كينج فحمات السلف :(
و عليكم السلام ورحمة الله وبركاته
قبل لا تغير أي شيء تأكد أن الخراب منه
انا معي مثل موديل سيارتك ،، و خرب علي السلف 4 او 6 شهور تقريبا و غيرته عند التشليح و الحمد لله إلى يومك هذا والسيارة تمام
أول شيء شكيت بالبطارية ،، بس خليت النور شغال و دقيت سلف ماطفى النور
البوري شغال كويس
بكذا تقدر تأكد أنه البطارية شغاله تمام و لا لا
ثاني شيء ، انت قلت أنك سويت تنظيف للسلف عند الوكالة و ضبطت السيارة والحين رجعت المشكلة
معناته المشكلة من السلف
تأكد من فحمات السلف أو رح للتشليح و بدله باللي معك ،، انا بدلته بـ 250 ريال :)
هلا فيك يالغاليانا صار لي مثل مشكلتك بالضبط و رحت لكم ورشة يلي قال لي ممكن السلف ويلي قال لي ممكن من طرمبة البنزين و الله ورحت لكهربائي يمدحونه الشباب وكشف الرجال على الموتر وقال لي المشكلة من البطارية قلت له من 6 شهور مغيرها يعني مستحيل تكون منها و قلت له مشكلة دقت السلف من فترة إلى فترة يعني مهب كل مره تصير معي قال أنت المفروض تركب بطارية قوتها 60 امبير ويلي انت مركبها الان قوتها 50 او 55 امبير مع الوقت تضعف وتصير يالله تشتغل السيارة و الله و فعلا وغيرت البطارية واخذت بطارية قوتها 60 امبير و الحمد لله من شهر إلى يومك هذا و الامور تمام وسلامتك ،،،