عرض للطباعة
السلام عليكم ورحمة الله وبركاته
شباب انا راح اسوي صيانة ال100000 طبعا انا مقاطع الوكاله من 20000 وقلت خليني اسوي مررره وحده الصيانه كامله على الميه يا خوي ادخل في الموضوع وش اللي يتغير في الصيانه حق الميه واللي المفروض انا اغيره اتمنا يكون الرد في اسرع وقت ;)
الله لا يحرمنا من هذا المنتدى اللي استفدنا منه الشي الكثير ولكم جزيل الشكر
تغيير زيت المكينه مع السيفون
تغيير زيت القير مع الفلتر
تغيير فلتر الهواء
بواجي
سير المكينه
هذا اللي عرفته بس ويفيدونك الباقين
اتتوقع ان الموضوع واضح من عنوانه يعني اللي دخلو كلهم مو عارفين مستحيل
اشكرك اخوي اكورد اف 15 على مرورك والإفاده
وعليكم السلام ورحمة الله وبركاته
أول شي قبل صيانة الـ100 الف
هل غيرت زيت القير لما وصلت 60 الف؟؟؟
اذا ما غيرته لا تروح الصيانة عشان مايخبط القير عليك
اما اذا غيرته ما عندك مشكله ان شاء الله
:)
اقتباس:
المشاركة الأصلية كتبت بواسطة memories
لا هذا الكلام مو صحيح
هذي المشكله كانت في السيارات القديما وبعدين مو عند تغير الزيت عند تير الزيت مع الفلتر
طبعآ الاكورد تتميز في نضام فلترت الزيت وما يحتاج تغير الفلتر يعني حتى لو وصل معك الزيت الى 150 الف مافي مشكلا تقدر تغيرا
اقتباس:
المشاركة الأصلية كتبت بواسطة هاااوي الاكورد
اخوي متاكد من كلامك وياليت تعطيني رابط لموضوع رسمي ومشكور وماقصرت
1) تغير البواجي (في حال لم تغيرها على 80 الف)
2) تغير السير
3) تغير زيت القير
4) تغير زيت الماكينة
5) تغير فلتر الهوا
طبعا من المفترض انك غيرت فلتر البنزين على 80 الف إذا ما غيرتو غيروا على 100 بس خليه يشيكلك على البخاخات
التشيكات المطلوبة:
1) زيت الدركسون
2) زيت الفرامل
3) الأقمشة
و بالتوفيق
اقتباس:
المشاركة الأصلية كتبت بواسطة قلبي حبك
والله انا متاكد حسب كلام الوكاله اذا الوكاله نصابين هذا شي ثاني
انت لو رحت الوكاله تقدر تسالهم تقولهم ابي اغير الفلتر شف وش راح يكون الرد
اقتباس:
المشاركة الأصلية كتبت بواسطة هاااوي الاكورد
ماادري يالغالي انا ماشفت الرجال ذكر شيء يخص الفلتر, إلا في حال تم تعديل الرد هذه وقتها كلام ثاني!.
لكن إلي اشوفه من معلومات صحيحه تغيير زيت القير لأول مره 60 ألف, بعدها كل 40 ألف وهكذا. :)
بخصوص صاحب الموضوع شيك على الرابط هذا كتبت فيه معلومات كثيرة وقطع إستهلاكية تستبدل بجديدة او يتم إصلاح بعضها!.
http://www.hondaarabia.com/club/post513640-7/
الفرق الوحيد هو وقت تغيير البواجي للموديلات الحديثة 08-09-10-11-12 ...
تتغير كل 100 ألف حسب الموصى إليه.. :rolleyes:
آي سؤال انا حاضر ونفيدك بقدر مااستطيع.
اقتباس:
المشاركة الأصلية كتبت بواسطة هاااوي الاكورد
الله يهديك انا ماجبت سيرة الفلتر
كل مافي الموضوع انه زيت القير اذا اتأخر موعد تغييره بمسافة كبيرة يجب تغييره بشكل تدريجي عشان مايخبط القير والوكالة ماتغير تدريجي تغير مره وحده وفوقتها بيقولوله انه يوقع تعهد على نفسه انه مسئول مسئولية كاملة عن اي مشكلة تصيب القير في حال انه طلب تغيير الزيت عال100 الف وهو ماغيره في ال60 الف
:)
صباح الخير أخوي
بالنسبة للي أنا سويته :
- غيرت زيت القير مع الفلتر
- غيرت زيت الماكينة مع الفلتر
- خرطت الهوبات مع تغيير الأقمشة الخلفية
- نظفت البخاخات
- غيرت البواجي
- غيرت فلتر المكيف " اللي بداخل الدرج المقابل لمقعد المعاون "
- شيكت على زيوت السيارة الأخرى
طبعا الاربعة سلندر مالها سير داخلي يتغير والسيور الخارجية كانت تمام
وكمان فلتر البنزين أنا ماغيرته لأنه ماكان عندي أي مشاكل في صرفية البنزين
هذا اللي أذكره في هالصيانة وإن شاء الله أكون أفدتك
اخوي كم كلفتك؟؟اقتباس:
المشاركة الأصلية كتبت بواسطة go ahead
انا غيرت زيت القير لاول مرة فالوكاله وكانت السيارة ماشيه 90الف يعني مشيتها 30الف زيادة والحمد لله تمام مافي اي ضرر ..
علما اني سالت الوكاله قبل التغيير اذا فيه ضرر على السيارة قالو مافيه اي شيء ..
بس حبيت اوصل تجربتي
مرحبا abo d8s
كلفتني الهرجة 2450 ريال
وبالإضافة لما سبق سويت تعقيم لمجاري
المكيف وكذلك غيرت موية الراديتر , وبيني
وبينك اللي زاد السعر هو تكلفة الصيانة
الدورية بعد ال 100 ألف واللي لوحدها فقط 1300 ريال
بالتوفيق
عمري ما اقتنعت بحاجة اسمها الصيانة الدورية في الوكالة
كلها نصب في نصب في نصب في أحتيال
طالما أنك محافظ على السيارة أول بأول فلا حاجة
للصيانة الدورية ( زعماً ) وإن شئت فسميها
السرقة الدورية من الوكالة