مشكلة الديلكو في الاكورد

السلام عليكم ورحمة الله وبركاته
عندي مشكلة في سيارتي طلعت بعد تبديل المكينة الى فتك تو كام
ونوع سيارتي اكورد 1992

المشكلة يا طويلين العمر عندي الديلكو يخرش ويتفتف بشكل مزعج

وهالمشكلة ماتطلع الا ادا الضغط وصل 4 او 3 ونص

وما اخفي عليكم رحت اكثر الورشات واحد يقول لي غير البنزين الى 95 غيرته خف الصوت لكن عزم المكينة خف واخر الفترة رد الصوت مثل ماكان

رحت الى غيره قال لي يبي لك وزان ديلكو وزنه راح الصوت وبعد ساعة رد مثل ماكان

ورحت الى ورشة ثالثة قال لي هذا الصوت ماله حل وهذا نظام الفتك :confused:

والحين ابي شوركم يالغاليين :(

والله هالصوت جايب لي الضغط :(

:(
وش دعوة ياجماعة 33 مشاهدة ولا رد

الديلكو يحتاج وزن بالليزر او الضوء او مايسمونه وزن الكمبيوتر


بمجرد ما يكون الوزن صحيح ما راح يكون فيه تفتفة لان عندك الشرار ما يجي في الوقت المناسب وهو لما يكون البستم حاشر البنزين والهواء في اعلى نقطة واللي بعدها يتراجع المفروض قبل ما يتراجع يعطي الشرار المطلوب لا قبل ولا بعد