ســويــت حــادث وابـي شـوركـم :(

اخواني الكرام

السلام عليكم ورحمة الله وبركاته

قدر الله علي وسويت حادث يوم الاحد الماضي وصدمت 3 سيارات :(

السيارة الاخيرة جته خفيفه جدا ومشى

اما الثنتين الباقيات فكانت قوية عليهم

طبعا البلا مو في قوة الحادث .. البلا في السيارات اللي صدمتها !!

والخطأ علي 100%

الاولى : كرايسلر وكلفني 14000 ريال
والثانيه : فورد ميلان وكلفني 3000 ريال

والحمد لله على كل حال

طبعا انا ما كنت مأمن لأني كل يوم اقول بكره بأمن واخرتها صار اللي صار :/

بالنسبة لسيارتي فالحمد لله ما جاها شي قوي مقارنة باللي صدمتهم :

الصدام من الجهة الامامية اليمنى انفكت كلبساته

الشمعة اليمنى نزلت شوي

وبوية الصدام تقشرت وصار فيه طعجات

الكبوت لاحظت انه نزل على خفييييف وفيه حكه بسيطه تروح مع التلميع

المطلوب نصايحكم هل اغير الصدام ولا لا

واذا غيرته هل اغير تجاري او اصلي وكم سعر كل واحد فيهم

والكبوت احس يبي له وزنية هل تخبرون لي ورشة زينه ..؟

السيارة : اكورد 2005

والله يعطيكم العافية ولا يوريكم مكروه

خاتمة : انصح الجميع بالتأميــــن وعدم التسويف ..

الحمد لله على سلامتك, ومعوض خير إن شاء الله (لعلها تكون تكفير للذنوب!)

بخصوص الصدام حرام تشتري واحد جديد حتى لو كان تجاري لأن تكلفة التصليح الصدام حقك الحالي راح تكون اقل, لأن الرش كامل بـ 300 - 350 ريال كحد أقصى..

اما إذا شريت تجاري ونقول سعره 250 ريال مع رش بـ 300 ريال هذه 550 ريال << موب حرام

والأصلي راح يكلفك مبلغ عالي التكلفة لذلك ماانصح..

الصدام الحالي يتصلح وإذا كان فيه كسر تتصلح فيبر جلاس والحكات القوية تتسنفر قبل الرش (يعني السمكري يعرف شغله ماعليك)

بخصوص الكبوت او مايسمى بغطاء المحرك, هذه توزنها من عندك السمكري إلي راح يرش لك الصدام او اي ورشة ثانية, كذلك بعض الورش يرشون رش جزئي وبالنسبة للون الؤلؤي راح يضبط معاك لاتخاف..

الورشة إلي اعرفها هي في مدينة الرياض اسمها الضرغام في الشفا, المشكلة مااعرف اوصف لك لكن عندي إحداثيات الموقع.. :d

الصدام الأصلي من الوكالة بـ 917 ومع الزيادة علشان تسونامي ممكن تكلفك 1100

والفرق بين التجاري والاصلي
أن أي صدمة جاية لا سمح الله التجاري على طول ينكسر
أما الأصلي فيحاول يمتص الصدمة

انا سألت ودرست موضوع التجاري والاصلي واقدر افيدك انشالله 100%
الفرق بين التجاري والاصلي يا طويل العمر ... الاصلي مدهون بمـآدة بحيث انك لو دخلته الفرن ما يصيبه شي ... بعكس التجاري انه شوي خفييييييف بنسبة 2 ... 3% بنطعج شوي ... وما راح تلاحظهـآ ....!!

الفرق الثاني التجاري مصنووع من بلآستكـ >> يشرب البوية اكثر .... عشان كذا يمكن بعد يصير اختلآف بسيييط ... ما يلآحظهـآ الى المركز ... وانا شاري تجاري بـ 180 لكن تبع 2006 ...

لاحول ولا قوة الا بالله

الله يكون بعونك

الحمدلله على سلامتك

الصدام يتعدل ويترش مافي مشكلة

والكبوت يتوزن

واللمبات اعتقد كمانا تتعدل قواعد

الله يجزاكم خير جميعا ولا يوريكم مكروه ..

وان شاء الله يكون دفعة بلاء وتكفير ذنوب

ومشكورين جميعا ..