زينون , كهربآ ، والموضوع وصل للشرطه .. افيدوني يا جماعه

السلام عليكم

انا كنت مركب زينون بمكينه مافيها اي عيب , بس اليوم جربت عند راعي المحل مكينه اقوى ورحت امشي واجربها وانا اكبس على الليــت السياره تطفى ,, كل ما اكبس تطفى وقفت السياره وبندتها ورجعت شغلتها لكن مافي فايده كل ما اكبس وانا امشي تطفى المهم شوي والا تطلع لي لمبة المكينه

وانا موتري اكورد 2010 6 سلندر وربي طآآر عقلي

والمهم رجعت اركب المكينه القديمه وقامت تطفى كل ما اكبس في فترات طبعا

المهم رحت وتشابكت مع راعي المحل وبلغت الشرطه ووصلنا للمركز وقلت لهم يا جماعه الريال راعي المحل ركب لي مكينه خربت لي السياره

الحين وربي ما اعرف شو اسوي اخاف المكينه راحت علي والا القير والا كهربآ السياره

قسسم بالله لاوصل الموضوع للمحاكم عشان يصلح لي السياره


افيدوني يآآ جمآآعه بليييييييييييييز

وعليكم السلام

رجع كل شي على حالته الطبيعيه وشيل المكينه ذي الي اول مره اسمع فيها

وافصل البطاريه نص ساعه مثلآ وارجع اشبكها

وشيك اذا الوضع زي ماهو ولالا

اخاف اسوي اي شي وتزيد الحاله


انا بشلها الوكاله احسن

وباجر انشالله بشتكي على المحل في البلديه

الحين لو شلتها وكاله ام الرمول في دبي

طبعا الوكاله ما بتقصر وبيخترعون لي الف شغله فيها والي بيصحلها غصب عنه راعي المحل

مثل ما قالك ميشو و ان شاء الله أمورك في السليم :)

و معروفه كهربة الأكورد ولا بريال بس انت الله يهديك :(

وش المكينة بس هذي اللي تركبه وتفكها تقصد الكتاوت ؟!

لا لا لما تركب زينون نحن نركب عندنا زينون مع مكينه يعني لمبه + مكينه ..عشان تقوي اللمبه


المهم انا نظفت البطاريه وين اسلاكها وين يصير فوقها اكسده وكذا وفصلتها وخذيت لي جوله ورجع الموتر مثل قبل بس انا بشلها الوكاله يمكن سبحان الله فيها شي

^^^

لا توسوس كثير و الحمد لله عدت على خير :)

على فكره الماكينه يقصد فيه المحول :d

اخوي شد اصابع البطاريه وكل شي يرجع طبيعي صارت معي مره نفس المشكله

اخوي انا افضل انك تسمع كلام اخواني الاعضاء
بسبب الخبرة اللي عندهم
وبعدين كل الكلام اللي قالوه شغلتها عند باب البيت بدال ما تضرب مشوار وتدفع مبلغ وقدره جرب وش راح يضرك

صحيح ياشباب هو يقصد بالمكينة المحول

عموما امش على كلام اخونا ميشو بحكم خبرته

وان شاء الله مايصير الا كل خير

يازين النور الاصلي وبعدين صراحة الشوارع عندنا صارت مضيئة كلها يعني مايحتاج زنون وربي يحفظكم ويحفظ الهوندات :cool:

انا امس فصلت البطآريه ونظفت اسلاكها من الاوصآخ الي عليها

ورجع كل شي تمام بس العصر بروح اشيل المحولات وارجع لمبه الوكآله الصفرآ احسن

نفـس المشكلهـ < السبب

الجهـآز الا هو على قولتك المكينهـ قوي وكهربتة الاكورد ماتتحمل

انا طفت علي مرهـ وحدهـ وبعدين اذآ كبست النور تجي لمة المكينهـ اطفي السيـآرهـ وتروح

خليت الزينون الين يحمى يآخذ فترهـ شغـآل تقريبـآ 72 سـآعه تقريبـآ بعدين رإحت المشكله عندي

هذي مافيهآ ضرر على السيـآرهـ بس عشـآن الاكورد حسـآسه تطفى

والحين الحمدلله شغـآل معـآيه 100%

واكبس النور عشرين مرهـ ورـآء بعض مايجي شي ولله الحمد
< اكورد 2010
لك مني اجمل تحيـه

اقتباس:

---

المشاركة الأصلية كتبت بواسطة ABooD © UAE

ورجع كل شي تمام بس العصر بروح اشيل المحولات وارجع لمبه الوكآله الصفرآ احسن

---

اللي اعرف ان الاكورد الفل 6 سلندر يجي زينون شد بلد :confused:

وانا نفس الكلام اقول ^^^

بس وش دراك دام الشغله فيها تكبيس اكيد بالطويل الزنون .. هع

اقتباس:

---

المشاركة الأصلية كتبت بواسطة نـاعسـ الجفن..!

اللي اعرف ان الاكورد الفل 6 سلندر يجي زينون شد بلد :confused:

---

هذا هو الجواب من نفس الموضوع

اقتباس:

---

انا كنت مركب زينونبمكينه مافيها اي عيب , بس اليوم جربت عند راعي المحل مكينه اقوى ورحت امشي واجربها وانا اكبس على الليــت السياره تطفى ,, كل ما اكبس تطفى وقفت السياره وبندتها ورجعت شغلتها لكن مافي فايده كل ما اكبس وانا امشي تطفى المهم شوي والا تطلع لي لمبة المكينه

---

يعني حاطه بالعالي:)

اعتقد الوكالة يمكن تلغي الضمان في حال انك ركبت اي شي خارجها خاصة اذا كان متعلق بامور الكهرباء !!!

وبهذا انت الخسران ويمكن تخسر ضمان سيارتك ..

لهذا حاول تحل الموضوع بشكل ودي والماكينة والقير مالها اي علاقة بالسالفة .. سوي مثل ماقالولك الشباب وان شاء الله ماعليها اي مشاكل ..

والافضل للمستقبل ، لما تركب اي شي وتلاحظ عليه ولو خلل بسيط لا تكرر تجربته !!

يعني كبست اول مرة وطفت والثانية والثالثة وراك مامسكت خط بعد :d

عموما ان شاء الله ماتحتاج للمشاكل وبالتوفيق

اقتباس:

---

المشاركة الأصلية كتبت بواسطة abood © uae

انا امس فصلت البطآريه ونظفت اسلاكها من الاوصآخ الي عليها

ورجع كل شي تمام بس العصر بروح اشيل المحولات وارجع لمبه الوكآله الصفرآ احسن

---

اتوقع المشكله من الترسبات الي كانت على اصبع البطاريه لان الزينون يحتاج طاقه اكبر في بداية التشغيل

وبعدها ياخذ طاقه اقل من اللمبات العاديه