افيدوني جزاكم الله عني ألف خييييييير

كيفك ياشباب إن شاء كويسين :d
وكيف الإختبارات النهائية إن شاء تعدي على خير :rolleyes:
عندي استفسارين بس :o
1- أنا شاري السيارة لي تقريباً 5 شهور وودي أغير زيت القير مع العلم إن موتري ماشي 112000 ماشاء الله تبارك الله
وبعد ماشريتها لقيت زيت قير في الشنطة ابو كلب صناعة سعودية :mad:
أتوقع راعيها السابق مغيره على الـ 100 الف بس هل فيه ضرر لو أغيره اللحين بزيت هوندا الأصلي .

2- عندي صوت طقطقة ماأدري وش هي رافعة ضغطي :mad: لم العكس او المقص اللي قدام جهة اليسار مع العلم إني غيرت مساعدات امامية وجلد مقصات ولا نفع


افيدوني جزاكم الله عني ألف خييييييييييير

up

طبعا اكيد من الافضل انك تغيره الحين لأن لو مانفعك ماراح يضرك ..

بالنسبه للصوت فصعبه الواحد يحكم على صوت بأنه من شي معين حتى لو سمع الصوت بنفسه .. لأن الأسباب كثيييره جدا , لدرجة ان مره واحد بالوكاله جاء يشتكي من صوت جهة الكفر وفحصوا السياره قدامي واخر شي طلعت حصاه ناشبه داخل ولما طلعوها راح الصوت !!

عشان كذا روح لأقرب ورشه محترمه وخله يلقي نظره حانيه على السياره ;)

وان شاء الله تزين الامور

سؤال المساعدات اصليه ولا يابانيه؟

المساعدات يابانية أتوقع اسمها kyb

شوف انا مركب مساعدات امامييه يابانيه

وفيه طقطقه وديت السياره لورشه يقول من المساعدات موب اصليه ركب اصلي ومايجي اصوات

طيب بالنسبة لزيت القير للحين خايف من التغيير لأني ماأدري هل راعيها السابق مواظب على تغيير زيت القير ولا لا وهل فيه ضرر لو كان مو مواظب :(

سلام صوت طقطقه من ربله دائريه تجي في عمود العكس قصه ماتاثر بس اول فك الكفر وشيك عليه

يارجال غيره ولا توجع راسك

يعني لو بيتاثر مارح تغيره ؟؟

اقتباس:

---

المشاركة الأصلية كتبت بواسطة خفيف روح

سلام صوت طقطقه من ربله دائريه تجي في عمود العكس قصه ماتاثر بس اول فك الكفر وشيك عليه

---

لا مو الصوت هذا اللي تعنيه صوت كأنه العكس يتحرك من محله
الصوت اللي تعنيه صاري وأنا ماسك خط الطايف والله انخرشت يوم سمعته وكنت ماشي على سرعة 150 كلم بس ربك ستر ووصلت الرياض ورحت لورشه وقالي نفس كلامك وقصيتها

حبيبي يابعد قلبي اول شي مبروك عليك الهنادي ثانيا مدامك شاري السيارة انا اقول دلعها شوي
يعني غير زيت القير والبواجي والسيور والفلاتر وزيت المكينة وشيك على علبه الباور والفرامل والقماشات او الفحمات اذا تبي تركب بعدها وانت مطمن لانك ماتدري وش وضع السيارة
من ناحية الصوت انا اشوف لو تغير كل شي الصوت ماراح يروح لاني اذكر اول ماطلعت سيارتي من الوكالة جلست اسبوع وطلع الصوت يعني احسه من عيوب الهوندا بس ارفع المسجل بو نايف اهات :d