مع بداية موسم القيض , المكيف يعلن التقهقر والانسحاب مع رجه في السير بالفديو
السلام عليكم ورحمة الله وبركاته ,
عنوان الموضوع درامي شوي , لكن مع القهر يعني .
طبعا انا عندي سيارة أكورد 2006 اربع سلندر ستاندر
وتصيب بعض أجزائها حالات أغماء من فترة ولفترة وما ادري تتصلح من حالها
وبعضها يبقى على ماهو عليه ما ادري هو معجزه تحسب لهوندا التصليح الذاتي هذا
ولا يعني تبشير بان القادم اروع من الخرابات وما لذ وطاب من الاصلاحات ( الله يستر ):d
نستحملها عادي كلها , الا الا المكيف خصوصا مع الحر اللي الحين
المهم مالكم في الطويله اانا بشرح لكم المشكله خصوصا بعد ما تفحصت المواضيع المثبته وبحثت في المنتدى وما لقيت نفس مشكلتي
وان شاء الله غدا الصباح بصور المشكله فديو عشان تكون المشكله واضحة واملي بالله فيكم
المشكله :
عند تشغيل السيارة اثناء الوقوف وتشغيل المكيف يكون شغال
وبعد ما امشي مسافه كذا يصبح التكييف بدون تبريد ( هواء بدون تبريد )
وما اسمع صوت الكمبروسر ( طرررر ) << عاد طرر هذي ما ادري طبيعي ولا شيء ثاني
ولكنه الدليل الوحيد عندي ان الكمبرسور شغال ويبرد
ولما جيت بروح الورشه وابغى المكيف ابن اللذينا يخرب زي اول عشان توضح المشكله لدى المهندس الا وهو شغال وتمام عاد جنني وقتها :mad:
مع العلم اني لاحظت ان العدسه تبع المصاورة فيها فقاعات وبيضا
ولمبه المكيف شغاله وخضراء
وفيه صوت من جهة السير ويزيد اذا شغلت المكيف
والشداد يلعب قدام وورى بس حركه خفيفه وما ادري هو عادي ولا لا والصوت من عنده على ما اتوقع
كذلك الصوت يزيد اذا عشقت بالـ D أو R
والضغط ينخفض الى النصف او اقل شويه او اكثر
والصراحه احترت هل هو الكويل وما ادري وشهو الكويل لكن شفت في بعض المواضيع اشياء تتكلم عن الكويل .
ولا يمكن الخراب من الحساس لكن ما اعتقد .
ولا مشكله من السير واذا انحلت مشكلة السير والصوت تنحل مشكلة المكيف بالتالي ؟
الله يعلم !
ان شاء الله راح اصور لكم فديو بكره , وكنت اتمنى انزل الموضوع كامل بالفديو لكن من قهري ما عرفت انام الليل قلت انزل الموضوع والفديو بصورة بالصباح عشان يكون واضح
ولكم تحياتي وتقديري حيث ان هذا اول مواضيعي ولكن انا متابع لكم منذ ما قبل المنتدى ما يتعطل ويتحدث .
والله يقويكم ويعطيكم العافيه واسف على الاطاله
تم اضافه مقطع الفديو
[ame]http://www.youtube.com/watch?v=2hjsLG6tcTA[/ame]
