تـــــكفوووون اول استفسار لـــي لا تبخلون علي بردكم !!!

السلام عليكم ورحمه الله و بركاته

كيف الحال اخواني اعضاء المنتدى

اخواني انا من زماااان و انا احب هوووندا بس ما قد شريتها

و الحين راح اشتريها باذن الله

ورحت الوكااااله و سالت عنها قال صااارت امريكيه

فا انا اسالكم يا اخوااااني هل الامريكي مثلها مثل الياباني

و انا راح اشتري ستااااندر ... بالتقسيط...

الدفعه الاولى : 8650

القسط الشهري : 1902

الدفعه الاخيره : 12975

على مدى 5 سنوااات

فا وش رايكم يا اخوااااان اتوكل على الله وو اخذها والا اغيرها

نكفون انا بحاجه ردودكم

والسلااااام ختآآآآآآم

اخوووكم / s3oud-87

وعليكم السلام ورحمه الله وبركاته
بخير ولله الحمد!

انا رأيي مافيه فرق .. التغير الوحيد انه خط انتاج جديد من امريكا بدل اليابان !
علما .. فيه سيارات كثيره من هوندا من 2007 وهي أمريكيه ! ولا سمعنا ايه مشاكل !
يعني توكل على الله وخذها اذا لك رغبه فيها !
طيب خذ لك سبيشل ؟ ما أتوقع الفرق راح يكون كثير عن الاستاندر!
و لو تاخذ لك فل .. وتريح رأسك افضل لك ! :d

^^^

لا عاد الفل بيزيد 30 ألف تقريبا مع الأقساط :d يعني السبيشل أزين له جنوط و فتحه :cool: و جنوط 17 بعد ;)

مشكووور اخوي على الرد السريييييييييييييع

و الله حطيت في راسي السبشل بس خوفي يصير القسط فوق ال 2000 رياااال

و انا ما اقدر على اكثر من 2000

انت تأكد .. وشوف كم يطلع عليك القصد !
والله يكتب لك الي فيه الخير !
والف مبروك مقدما .. يعطيك خيرها ويكفيك شرهـا !

و خذها عن طريق بنك الراجحي

النسبه اللي ياخذونها قليله جدا مقارنة بالوكالات :)

و انت لو بتاخذها بهذا السعر بتطلع عليك

135745 ريال :eek: تعتبر النسبه عاليه جدا يعني زياده على سعرها 50 ألف تقريبا :eek:

و كم حسبوا عليك النسبه من مائه

طيب فكر في غيرها الارخص منها بكثير

مشكورين اخواني على الردود

بتطلع قيمه السياره 133500

والله هذي خامس سياره و كل مره اقول بشتري هوندا ولا اشترري هههههههههه

والله احترت مدري وش اسوي و عطوني بدااائل الله لا يهينك

كامري>مع انها موب رخيصة مره سعر الفل كامل 88 >> اتوقع انها بالشاشة
وممكن السياحي حدود 75

الكوري بانواعه رخيص >>-اوبتيما-سوناتا-النترا و و و
السوناتا فل كامل فيها كل المواصفات اللي تبيها مثل تشغيل بصمة ودخول ذكي وتسخين مراتب وكل شيء بس بدون شاشة سعرها نفس سعر الاكورد السياحي ^ ^ ب88 الف وكذلك الاوبتيما


بتطلع لك نص فل او سياحي بحدود ال70 تطلع لك طبعا اتكلم عن الكاش ولا ادري عن الفوائد ع حسب الشركات

فيه كورولا سعرها حلو وسيارة ماعليها


طبعا الاكورد السياحي ع ما اعرف سعرها ب 86 الف
http://www.hondaarabia.com/club/t48729/
بالتوفيق لك اخوي والله يكتب لك الخيره في امرك ولا تنسى صلاة الاستخارة ولاتحمل نفسك فوق طاقتها ترا كلها سياره ماتسوى ^ ^

ياخي خذها وتوكل على الله موتر ماشاء الله وبعد خمس سنوات اذا انك محافظ صدقني ماتمل منها واذا بعتها ماراح تخسرك انا كان عندي 2005 وجلست معي 4سنوات وبعتها وشريت لكزس 430 وبعتها وشريت اوريون وفي الاخير شريت هوندا2007 على يد صاحبها مشتريها عن طريق الايجار المنتهي بالتملك
واشترى سوناتا2011ويتصل بي ويقول انه متندم عالبيعة
موتر راسي عملي ومع القوة والاداء ومتماسك اقرب شي له الالماني بدون مبالغه ويزيدة عالالماني خفته

حبيت أضيف شي قاله أحد الإخوان

ان سعر الكامري 2011 فل كامل بدون شاشه ولا جلد بـ 89000 ريال :p

يعني ياخذ له أكورد سبيشل أحسن له بواجد من الكامري :cool:

و طيب مثل ما قلت لك خذها بتمويل من بنك الراجحي تراا تفرق كثييير :)

محد يقدر يضمن لك انه نفس الياباني ولا لا لأن الى الان السياره ماجربت ولو جربت فهي توها نازله يعني يبغى لها اقل شي سنه عشان تعرف هي نفس الجوده ولا لا ..

عموما ما أعتقد انه بيكون ذاك الفرق الكبير لأنها مصممه على المواصفات الخاصه بمنطقتنا .. لكن العيوب والمشاكل تظهر في المواصفات الأمريكيه غالبا

شطحه : جرب استأجر سوناتا 2011 وشوف كيف وضعها .. لأن بالسعر الي انت كاتبه تقدر تاخذ مثلها وفل كامل

لالالا تستعجل نسبة الربح كبيره

133500-86000=47500 ريال

اخوي نصيحه رح لبنك الراجحي وخذلك تمويل الان اعتقد منزلين عرض على نسبة الربح 2.5
يعني بالكثير بتطلع السياره محسوبه عليك 97000 ريال والاقصاد بتكون تقريبا 1600 ريال

الله يكتب الخير انشاء الله


هذا تعليقي وتقبل مروري ،،،،

^^^

عسى ما يعند و يروح لبنك الراجحي :d

الهوندا حلوهـ واذا ماحصلت الاكورد برضوا السيفيك حلو

هو أحلى سيارتين معروضتين وماشيات عندهم الاكورد والسيفك :d

بالتوفيق ومثل ماقالوا الاخوان شف بنك الراجحي كم بيحسبها

وبرضوا العيسائي موشرط الوكالة بس تأكد أن صيانتها على الوكالة

اذا خذتها من برى

مكشورين على التفاااااعل

بس ماينزل الراتب على البنك الراجحي هل لازم تحويل راتب و لا بدون تحويل

و الي جرب الكامري 2010 هل هي مثل القديمه صبوووره وو تتحمل

و انا رحت هيونداي لقيت السوناتا النص فل بنوراما القسط 1700 بدووون دفعه اولى

و انا بيني وبينكم رجلي شوي حااااره و اخاف الكوري ما يصبر

وشكرا على مروركم

والله أتوقع مو لازم ينزل الراتب على بنك الراجحي :) لكن يفيدونكـ الشباب :d

و نصيحتي ابعد عن الكامري أحسن لك رساوتها ما تقارن بالأكورد و قطعها مو زي أول رخيصه و مو قويه زي أول

و الداخليه ولا بريال يعني لا مواصفات ولا رساوه يعني ما تسوى القيمه اللي تقطها عليها

و الكامري مو زي أول للأسف :(

و أجل 2011 ستاندر و كاسيت بدون سي دي شذا التخلف يا اخي ما بقى إلا الدرايش يخلونها يدوي :p

و الكوري والله ما تدري يعني هو تطور لكن توه ما بعد يبين هل هو زي اول ولا أحسن ولا أسوء :)

يعني ابعد عن الكوري إذا تبي موتر للعمر

مشكور الرد و شكلي خلاص بصمل على الاكورد و بروح بنك الراجحي بس هل لازم تحويل راتب او بدووون

انتظر ردود باقي الاخوان

و جزاكم الله الف خير على التفاااعل معي