مشكله..الستيرينج يسوي صووت قوي ومزعج(ايييييييي)

السلام عليكم

اصدقائي لو سمحتوا مشكله وراسي بينفجر من التصليحات على السيفيك...

لما امشي مسافه..السياره تسوي صوت لما الف الستيرينج صوت صرير مزعج( إييييييييييييي)الصوت ليس (تك تك تك)
وخاصة لما الف الستيرينج كامل يمين او يسار...

رحت جراجات..بعضهم قالوا عندك البيرينج خربان...وبعضهم قالوا ديلمو اويل ستيرينج((طرمبة الدريكسون)) وبعضهم قالوا لي بدل الهوز المتصل بالطرمبه اللي فيه الجزء الحديدي وسويلها كبس..مع اني ملاحظنها تسرب اويل من زماان والطرمبه والهوزات مليانه اويل يعني وسخه بس ما كان فيها هالصوت...والاويل ما ينقص بذاك الزوود..

الحل لو تسمحوا..والسموحه

مرحب اخوي انشالله هدا الحل الصوت وانت واقف تلف يمين يسار تررررررررا ادا هيك المشكلة على حسب مهندس في وكالة الأردن هاي من المساعدات بدها تشحيم وردلي خبر

اقتباس:

---

مع اني ملاحظنها تسرب اويل من زماان والطرمبه والهوزات مليانه اويل يعني وسخه بس ما كان فيها هالصوت...والاويل ما ينقص بذاك الزوود..

---

السلام عليكم أنا حاب أشاركك برأيي البسيط

الاهواز مليانهـ (أويل = OiL = زيت ) من الاول يعني = عندك تهريب بس تهريب خفيف

ماكان في هالصوت بعدين بين معك يعني التهريب الخفيف مع الوقت وعدم الاهتمام كبر وجر مشاكل اكبر

= فظهرت عندك المشكلة الحالية

* تشخيص المشكلة من سماع الصوت دون تجربة السيارة باعتقادي صعبة حتى لو كان فني مختص !

* (( لكن شف رأي الاغلبية من اللي مريت عليهم شيقولون )) :

1 - تغيير أهواز وكلبسات جديدة [ أو ]

2 - تغيير علبة الباورسترينج لتهريب فيها [ أو ]

3 - أخيراً قد يكون عدم الاهتمام المسبق (اصلاح التهريب الخفيف) نتج عنه أفراغ الزيت من علبة الباور
~> وبالتالي تآكلت الصوف والربلات داخل بوكس الباور ستيرنج عندك (الله لايقوله) .

هاذي خيارات لازم تحطه في بالك .

لكن عشان تكون فالسليم

فني الورشة اللي بتوديها عنده يشخص لك المشكلة لااااتشخص انت

بيأخذ كلامك وبيصلح اللي تقول وبيقول عطني بيزاتي صلحت اللي قلت ؟

والاسلم انك تخليه يفحص ولا قال عندك هالمشكلة الفلانية اتفق معه على كل شي

بس اشرط عليه مع الاتفاق انها تنتهي المشكلة مو كل شوي جيب وهات


آسف للأطالة اتمنى افدتك بشي ,,