اكورد 2008 صوت في الكفر الأيمن قدام

سلام عليكم شباب انا عندي صوت في الكفر اليمين قدام طق طق طق اذا جيت مع عيون القطط او شارع محفر كأنها صوت حديدتين تضرب في بعضهم المهم رحت الوكاله اللي قسم بالله ماعندهم خبره ولاسالفه يركب معي الفني يقولي صوت مسامير الكليبر يبيلها تشحيم والموتر كان ماشي 60.000 وشحم الكليبر ونفس المشكله سويتها عندهم 6 مرات الدلوخ يقولون صوت كليبر مدير صوت كليبر مدير لين الموتر مشى الأن 140.000 وهم يقولون شحم كليبر مدير انا ارتفع ضغطي :mad: وقلت الله يشيلكم انتم والفنيين تبعكم اللي حدهم يصلحون دبابات لا ودباب بطه قسم بالله ماعندهم سالفه دلوخ×دلوخ رحت ورشه في الصناعيه القديمه قالي المساعد يمين ورحت محل ثاني قالي جلد مقص ورحت محل ثالث قالي ذراع يمين انا الحست اللي ابيه منكم تكفون تكفون تكفون اللي مرت عليه المشكله وصلحها يفيدني ويفيد البقيه اللي مقروشهم الصوت مع اني متأكد ان كل اللي معهم اكورد 2008 او 2009 عنده نفس المشكله وبصراحه الموتر فال امها معه الا ذا الصوت اللي قاهرني فيها افتكية من صوت الطرمبه وجا الثاني يكمل المشوار اتمنى تفيدوني ويعطيكم الف عافيه اعتذر عن الأطاله

شوف يابعد قلبي فديتك انت تقول مايطلع معاك الا اذا مشيت على عيون البس او طريق مكسر معناها الجلد عندك رايحة فيها وتبي الصراحة انا عندي هالصوت ولا صرت اهتم لانه مافيه امل يروح عشان كذا خليته يولي وبلا خساير:cool:

نفس المشكلة برضووووا ، ما ادري شنهي سالفة الكفير الايمن الامامي بالذاااات !!
لأن مب انا و انت بس كثير ناس معاهم نفس المشكلة !!

المشكلة ان الصوت مب طبيعي ،، و انا احسه مثل ما قلت حدايد تتضارب ، و احس انها بتنكسر خلاص من الشوارع العدلة الي عندنا ><

ومليون الف سبب قريت ،، ناس اتقول لك و الله كفراتك يبغا لها ترصيص و ناس يقولون تبديل و ناس مساعد و ناس ذراعات و ناس كراسي مكينة و انت اتقول تشحيم و جلد مقص ،، و الله مشكلة ، و المصيبة مثل ما قلت ان الوكالة بنفسهم ما يدرون شنهي المشكلة ><

مساعد اخووووي ، و ننتظر احد الاخوة يفيدنا بسبب المشكلة و الاصلاح ؟

حتى انـآ معاي نفس هالمشكلة ... وفي الكفر الايمن بعد ..!!!

شنو عيب مصنعي مثلآ ...!! انا كنت اتوقع المساعدآت ... لكن انا حتى لما اكع البريك يطلع هذا الصوت بس مو في كل الاوقات حسب مزاجه .. ولما اركب مطبة بسرعة يطلع ايضـآ ...

اتمنى احد من الشباب يفيدنـآآ

^^^^

هي اتوقع بسبب كثرة اكل المطبات ،، لأن مثل ما قلت لما امر على مطبة يطلع الصوت !!!

انا طرحت الموضوع امس بنتظر كم يوم اذا احد من المنتدى مرت عليه المشكله وصلحها ورد وريحنا كويس اذا مااحد صلحها راح اكون انا اول واحد بيصلح المشكله وخليكم تفتكون وترتاحون اول شي ببدا فيه بغير ذراع يمين اذا ماظبط بغير جلد مقص اذا ماظبط بغير مساعد الين اتوصل للحل وعلمكم ويعطيكم العافيه

يا يا حبيبي صارت معي وعرفت من شنو الصوت


وربي رحت الوكاله ورحت ورش ونفس الكلام

وفي واحد اللي قالي عمود مساعد وربي وربي لما شفت وشهو الصوت جلست اضحك

يا حبيبي الصوت هذا يطلع شف الكفر اللي يمين فك الكفر وخرجه تلاقي قدامك البلاستيك اللي يغطي اللي جوا ما في داخل المكينه من بكرات

تلاقي كلبس واحد مفكوك
ولما تتلف يطلع صوت طق طقه وربي ما تاخذ منك ريال واحد كلبس وتركبها

اما اذا لما تلف وتترك طارة ما ترجع اعرف هذا جلده مساعد سعرها 35 ريال وشغل يد 100
لان راح يفك مساعد وذراع ومقص وما ادري وشو عشان يفك الجلده القديمه ويركب الجديده بس اهم شي


لا تنسى تقوله يحط شحم الالمااني على الجلده اي شحم ثاني ما ينفع انا مجربها
واي شي تبونه كلمووني

اخوي يعطيك العافيه مافهمت وصفك بالظبط المشكله اللي عندي اذا مشيت 70 وجيت مع عيون القطط والطاره سيده يطلع عندي الصوت اتمنى تفيدني اكثر لاهنت

مرحبا ياخوي ،، انا تقريبا نفس المشكلة انك تسمع صوت طقطقة من ناحية الكفر اليمن اول ماتمشي لسرعة 20 كيلو او انك تدعس فرامل ..

وصف المشكلة : ( الركب الامامية تحتاج الى تغيير ) حسب كلام وكالة هوندا في فرع الخالدية واني راجعتهم اكثر من مرة الين طلع معي واحد فني ولفيت الدركسون لناحية اليمين وسمعت صوت طقة قال بس هذا الركب الامامية تحتاج الى تغيير .

الاسعار : حسب كلام مدير الصيانة فان طقم ركب كامل امامي يكلف تقريبا من ( 1000 الى 1500) شامل شغل اليد !!!
فالاصلاح هنا يكون على حسابك اذا كان ضمانك منتهي ( 3 سنوات من تاريخ الشراء او 1000000 كيلو)
ويكون على حساب الوكالة اذا لم يكن الضمان منتهي ، فأنت خلك مفتح ولا يلعبون عليك ..

سياراتي 2008 اكورد ـ الممشى 82000 كيلو ـ تاريخ الشراء 31/01/2008 ـ للأسف الضمان منتهي !! فأنا سوف اضطر للذهاب الى ورشة بالصناعية تكون ممتازة واشتري القطع خارج الوكالة لان السعر غالي ولان الضمان منتهي ..

وهذا للعلم والاحاطة وتقبولوا

روح لمحل تربيط ممتاز وشغلهم نظيف(انصحك بالعمالة التركية)
ان شاء الله يطلع المشكلة

كان عندي صوت من مسامير الكليبرات الامامية (طقطقة حديد)
وغيرت المسامير وربطت السيارة بالكامل ب100 ريال
بلا تربيط وكاله وكذابهم, يشدون لك جلد البدي وقالك تربيط<<<تربيط الوكاله خرطي

انا اتوقع كراسي المساعد صارت معي

نفس الصوت .. اللي يحصل الحل يعطينا خبر

جاري التأكد من الجلدهـ خلف الكفر الايمن .....

السلام عليكم اخوي انا كان عندي نفس الصوت تقول كأنه مشكبيات مع عيون القطط حتى انت جرب ووقف السياره واضرب الكفر الله يكرمك برجلك تسمع الصوت
انا عرفت وش الصوت هذا نفس القطعه الي تمسك الفحمات حتى لو تفك الكفر وتمسكه وتحركها تشوفها تتحرك معك وان شاء الله اني اكون وصلت لك المعلومه

الصوت اقوا من المشكبيات .. طق طق ط ق ط قط ههههه ان شالله وصل الصوت

والله ي شباب انا طالع مع هالصوت بس اذا مشيت عشره اسمع صوت طق طق طق بس خفيف جدا هل هاذي ايش تتوقعون وايش حلها