قدرو لي التصليح يا شباب ( لا بارك الله بالحريم )

السلام عليكم
شلونكم يا شباب :d ؟

يا شباب اليوم و انا طالع من مواقف الجامعه صدمتي وحده كانت جايه عكس السير
و طبعا تنحاش اهي و انا وراها لين وقفتها بعد تقريبا 300 متر
و دار بينا الحوار التالي :

انا : خير انشالله ؟ ليه طايره و عكس السير و تصدمين خلق الله ؟
البنت الاموره ;) : لا انا .... انت ......... دق على تلفون ابوي و تفاهم معاه !
انا : جم رقم ابوج ؟
البنت الشطوره ;) : 75#####
انا : الو
الرجال : الو
انا : بنتكم دعمتني عند مواقف الجامعه ...
الاب مقاطعني : خلاص خلاص .. انت خلك بالمواقف و انا الحين جاي .
بعد ربع ساعه
الابو يصفط جمبي
الاب : لا خير انشالله .... بسيطه انشالله , انت روح الوكاله و قدر الحادث و عندك رقم تلفوني و انا انشاالله حاضر
انا : خير انشاالله ... سلام عليكم
الاب : عليكم السلام
و مثل الحمار امشي للبيت
و ابوي يسألني : شسم الرجال ؟
انا : مادري !!
ابوي : تعرف عنه شي ؟
انا : رقم تلفونه و لوحة سيارة بنته !
ابوي يهز راسه و يقول لي : اذا حصلت منه شي كلمني


بعدها بساعه

امي : سلامات
انا : الله يسلمج .. بس ماكو بسيطه
اخوي يدخل عرض : شلون شكل البنت ؟ حلوه ؟
انا : حلوه مووت ... صدمت قلبي
امي : ما تبيني اخطبها لك بعد :mad::mad:
انا :o : خلاص فظوها سيره .. انا بكره بروح اقدر الحادث و انشالله يطلع رجال طيب و يصلح لي .

*************
خلصت السالفه <<<<<<<<<<<<< ما ينفع نحطها بالاستراحه ؟

المهم شوفو الصور يا شباب و قدروها لي
و على فكره صار لازم اخلي الدركسون مايل علشان تمشي السياره سيده

http://www.hondaarabia.com/club/atta...1&d=1191247836

الحمد لله على السلامة و إنشالله معوض خير بإذن الله
التصليح أشوف إنه يمكن يكلفك 60 دينار بالكثير لأنو الصدام ما أعتقد إنه يبغاله أكثر من رش أما الرفرف هذا سمكرة ودهان من جديد .
وإنشالله بترجع السيارة مثل أول وأحسن .

اخوي شكلك يا محول العمله غلط او ان الصوره مو واضحه
الصدام مكسوره كل كلبساته و براغيه و يتبدل
احسب سعره مع الصبغ
و الرفرف لازم سمكره و دهان و هذا بروحه راح يكلف فوق الـ 80 دينار اكييييييييييد
بس ايش سالفة الدركسون اللي صار لازم اميله علشان تمشي السياره سيده
يعني شنو الشي اللي يسبب هذا الانحراف
شيال ؟
و يا شباب حطو السعر بالريال ترا ما يفرق معاي .. انا احولها

أعتقد سبب الانحراف انه يبيلك وزن للدركسون
هذا والله اعلم
تحياتي لك.................

سلاماات يابلااك اكووورد ماتستاااهل :)

انا اتوقع تكلف 1437 رياال

تشووف التسعيره انت

لا حولهاا 1400 او 1500

كيف البنت حلوه؟؟!:cool:

الحمدلله على السلامه

لو بغيت صدام جديد يكلفك 600 ريال

والرفرف لو انك مالك نيه تبيع السياره سمكره
اما لو ودك تبيع السياره بعدين غيره بجديد

وفوتكووووو بعافيه

قيمة الرفرق جديد بالسعودية وكالة تقريبا 520 ريال
الصدام حول 700 ريال ,,,

رش الصدام كامل بالوكالة 600 ريال

صار لي حادث تقريبا قريب مثلك ,,,,

رفرف ركبت واحد وكاله ورشيته بره ,,,,
والصدام رشيته من جديد ,,,
الكلبسات كلها شريت جديد ...
والرفرف من داخل غيرته ,,, اللي هو قطعه من البلاستيك ,,,
كلفني تقريبا 2000 ريال ,,, + الصبغ ورشه خاصه ’’’

ماقول الا الله يعوض عليك ,,,,
واخبار البنت عساها بس ماتعبت نفسيا :d

سلامات وما تشوف شر,الزين والله ان الحريم عندنا في السعودية ما يسوقوا والدركسون شكله عنده حول وده عند واحد يوازنه

انشالله ابو البنت يدفع بسهاله علشان يمديني اطلع فيها على العيد
و اذا ما دفع :039:

بكل سهولة البنت معاي بوحده من المحاضرات :aa_evil:

و معاي بالكليه :evil2:
كل يوم بصكر على سيارتها :ANSmile08:

اقتباس:

---

واخبار البنت عساها بس ماتعبت نفسيا :d

---

هذا الشي اللي ما اظن انه يصير .............. تشوف سيارتها تعرف انها دعمت كل انواع السيارات بكل الوانها
من ورا داعمه سياره لون رصاصي و من الجنب لون احمر و انا الجنب الثاني اسود :d

الحمد لله على السلامة يا بـلاك - أكـورد ..

الله يهـديك المفروض تنتـبه لا يكون أحـد في المواقف بس تـطلع لبنت الناس تـخّوفها ..
وطمني لا يكون البنيه حاشها حالة نفسية أو توتر عنيف .. يعني مثلك عارف الانثى حساسة

;)


أنا ابسألك هي نزلت من السيارة ؟ إذا نزلت معناها أوكي وماتأثرت واجد
لأن بعضهم تجيها رجفة وماتقدر تتحرك وتقعد تصيح في السيارة :o

الحمدلله ماعندنا حريم يسوقن .. :rolleyes:

بلاك اكورد سلامات و ان شاء الله ما تشوف شر ..ترى صدمتك زي صدمتى بالضبط ..شوف موضوعي ....تحياتي..

اقتباس:

---

أنا ابسألك هي نزلت من السيارة ؟ إذا نزلت معناها أوكي وماتأثرت واجد
لأن بعضهم تجيها رجفة وماتقدر تتحرك وتقعد تصيح في السيارة

---

نزلت قبل لا انا انزل من السياره
و تكلمت قبل لا انا انطق
و لو حصل لها كان طاحت في فناقر لين برا الكليه


و مشكورين كلكم

السعر مثل ما قالوا اغلب الشباب

بس الدركسون يتعدل عند حق الوزن والترصيص

وماتشوف شر انشاء الله

الحمد لله على سلامه البنت وانت بكيفك >>>لاتصدق الحمد على سلامتكم جميعا

يبي لها سمكره رفرف ورش بوية جديده للرفرف والصدام

الحمد لله بسيطة .. لكن بكرهـ احجرها في المواقف .. خلي الصدام حق سيارتك على باب السائق .. عشان لما تجي لسيارتها ماتقدر تركب .. أو تنقز من باب الراكب ..:d
وقولها وين بابا اللي راح يدفع .. :mad:

على فكرهـ يوم نزلت البنت ما سامحتها ;) مسكينة أتوقع شكلها يكسر الخاطر .. :(

على العموم الحمد لله إنك بعافية .. " دفع الله ماكان أعظم "

الله يرحم الحال !!
ناس يتصادمون مع بنات وناس يتصادمون مع بنقالة وهنود

:rolleyes:

الف سلامة على سيارتك الجديدة يا BLACK_ACCORD
وما تشوف شر ان شاء الله

اقتباس:

---

المشاركة الأصلية كتبت بواسطة B Unique

الله يرحم الحال !!

ناس يتصادمون مع بنات وناس يتصادمون مع بنقالة وهنود

:rolleyes:

الف سلامة على سيارتك الجديدة يا BLACK_ACCORD

وما تشوف شر ان شاء الله

---

:rofl::rofl::rofl::rofl:>> والله جبتها على الجرح:p
الحمد لله على سلامتكم اثنينكم:d

اقتباس:

---

السعر مثل ما قالوا اغلب الشباب

بس الدركسون يتعدل عند حق الوزن والترصيص

وماتشوف شر انشاء الله

---

الشر ما يجيك و بالنسبه للسعر الوكاله قالو لي التصليح مع الصبغ بيطلع 1270 ريال
و التبديل بيطلع 3100 ريال <<< مع شغل اليد اللي اهو 1200 ريال

و الدركسون انشالله سهالات

اقتباس:

---

الحمد لله على سلامه البنت وانت بكيفك >>>لاتصدق الحمد على سلامتكم جميعا

يبي لها سمكره رفرف ورش بوية جديده للرفرف والصدام

---

الله يسلمك و يسلم البنت بعد

اقتباس:

---

الحمد لله بسيطة .. لكن بكرهـ احجرها في المواقف .. خلي الصدام حق سيارتك على باب السائق .. عشان لما تجي لسيارتها ماتقدر تركب .. أو تنقز من باب الراكب ..:d
وقولها وين بابا اللي راح يدفع .. :mad:

على فكرهـ يوم نزلت البنت ما سامحتها ;) مسكينة أتوقع شكلها يكسر الخاطر .. :(

على العموم الحمد لله إنك بعافية .. " دفع الله ماكان أعظم "

---

بالنسبه للحجر انشالله ماله داعي
توني مكلم ابوها و قال انا مستعد ادفع وبكره الصبح اروح له
بس الله اعلم هذا بس قال ادفع بالتلفون و لما اروح له يصير خير

و لو بتسامح كل بنت دعمتك كان كل الحوادث صارت سماح
لان كل الحوادث اللي بالجامعه و الاسواق من البنات
و خصوصا اذا صار عندها جيب
تحسب روحها تمشي فوق الاوادم

اقتباس:

---

الله يرحم الحال !!
ناس يتصادمون مع بنات وناس يتصادمون مع بنقالة وهنود

:rolleyes:

الف سلامة على سيارتك الجديدة يا BLACK_ACCORD
وما تشوف شر ان شاء الله

---

انت احمد ربك
البنت اذا صدمتك دايما تطلعك انت الغلطان
و تقنع اهلها ان انت الغلطان
و تعال جرجره بالمخافر علشان تاخذ حقك

اقتباس:

---

:rofl::rofl::rofl::rofl:>> والله جبتها على الجرح:p
الحمد لله على سلامتكم اثنينكم:d

---

و الله اني حاس ان مو هامك الا البنت و لا انا بستين الف داهيه

الحمد لله على سلامتك يابلاك بالحديد ولا بالعبيد :)

وأهم شي انك أقعد لأبوها بحلقه لاتفكه ,,:d