ثلاجة المكيف...هدية قدوم فصل الصيف

السلام عليكم يا شباب
عندي ثلاجة المكيف صارت تنسم و كل بعد شهر لازم اعبي فريون رحت لكم واحد واتفقوا على الثلاجة في الباي باي أنا طبعا تكرمش وجهي لمن اخر واحد قالي اكييييد ثلاجة قلت امري لله و اتصل على الوكاله واسألهم كم سعر الثلاجة يقولي 1850 قلتله ليه كذا رخيصه مررررره دحين اروح الخزنه واجيبلك المبلغ
رحت لمحل قطع غيار اعرفه قلتله الثلاجة كم سعرها قالي الاصلي1200 وفيه تجاري تايلندي عليه ضمان ب250
قمت احك راسي والله فررررررق بس أنا متعقد من القطع التجاري كل ما اركب شي يخرب
إش رايكم يا شباب في احد مجرب التايلندي و لا أخذ اصلي أريح راسي افضل؟؟؟؟؟
وياريت احد يدلني على ورشة محترمه وشغله نظيف يغيرلي الثلاجة؟؟؟؟

لااركب الا اصلي وريح راسك من مطامر الورش ووانا اخوك
التجاري بالشغلات الحساس لا تاخذه لو بريال

نصيحتي : ركب الاصلي وارتاح لانك بتتعب وكل شوي بتغير


والله يوفقني ويوفقك

مشكورين يا شباب على ردودكم
وشكلي كذا باخذ اصلي و أريح راسي من هذا كله
للمعلومية وللاستفاده
سعر ثلاجة المكيف 1864 قبل الخصم و بعد الخصم 1580 من اصلي من الوكالة
سعر التجاري 250 نوعها صيني او ماليزي يقولي صاحب المحل في ناس أخذوها وما اشتكوا منها لكن أنا احب اعمل الحاجة وانسها مررررررره يعني ما احب كثر الفكفكه في السيارة عشان كذا اخترت الاصلي و بكره بروح اشتريها من الوكالة صح انها غالية مو مشكلة لأجل الاكورد يرخص.