تكفون افيدوني .... يا اهل هوندا

سلام عليكم ورحمة الله وبركاته

تكفون ياحبايب افيدوني بالي تستطيعون ... انا كنت ماسك خط وسيارتي اكورد

2010 6سلندر وصار قدامي حادث وطار من حطام السيارات حديدة دخلت تحت السيارة

وقفت وإلا الزيت ينزل من علبة القير رحت الوكالة الي في حي الغبيرة في الرياض

قالوا علبة القير انفجرت ..

السؤال ..هل هناك علبة للقير او كارتير للقير ولا بدون القير هو الي انفجر ؟

هل هناك قطع غيار تشليح في الرياض بالقى فيها علبة القير ؟

هل علبة القير تتلحم ؟

لاسمح الله وان القير انفجر كم سعر القير الجديد ؟

وفيه سؤال بعد الليات تبع البنزين عندي واحد راح مرة يبيلي لي جديد هل بألقى في التشليح او يتلحم ؟

معليش طولت بس مغبون يارجال ما مشت إلا 7000 كيلو والله ان قلبي محروووووق
دعواتكم ....

الله يفرجها عليكـ ان شاء الله :)

لكن أهم شيء انكـ أخذت حقك من اللي سببوا المشكله

و الصراحه ما عندي علم و يفيدونكـ الشباب :d

الحمد لله على السلامة

ويفيدونك الشباب ما يقصرون

اخوي الحمد لله على السلامة اولا ثانيا علبة الزيت اهي فوق يعني تقدر تشوفها اذا فتحت الكبوت صراحة غريبة شلون انفجرت لاني اقولك هالمعلومة من واقع سيارتي اكورد 2004 ماادري اذا غيروا التصميم ب 2010 على العموم تحصلها بالتشليح وانشاء الله مو غالية بس انت لاتحرك السيارة الا بعد ماتركبها عشان مايروح عليك القير وشكلرا
هاي الشرقية

الله يعطيكم العافية ... الوكالة كتبوا التقرير وقالوا لي علبة القير / جرم القير / الخارجي انفجر ويبيلها واحد

جديد وين الاقيها بالتشليح ؟؟؟؟؟ الي يعرف لايبخل

اقتباس:

---

شلون انفجرت لاني اقولك هالمعلومة من واقع سيارتي اكورد 2004 ماادري اذا غيروا التصميم ب 2010 على العموم تحصلها بالتشليح وانشاء الله مو غالية بس انت لاتحرك السيارة الا بعد ماتركبها عشان مايروح عليك القير

---

نفس الكلام ياغلا ~~~

مآدري كيف تصميم 2008 وفوق ~ ولآكن شوف روح ورشآت كثير الين مآتشوف المشكله مو بس تروح الوكاله صحيح انك قهر موترك جديد وتدخله ورشآت ,,, بس شف اكثر الورشات وش يقولون لك وتأكد انه مو شيء ثاني وهاه انتبه وخذ الحذر تمشي عليهآ ,,,,الله الله بسطحه وتعآون مع راعي سطحه ولا تغيرهـ علشآن يرآعيك بسعر~

الحمد لله على سلامتك حبيبي , أما موضوعك ما عندي معرفه بـ القير

اللى انفجر ونزل زيت الجير على حسب كلامك هذا الكرتير للجير انا انصحك حاول تصلحها بالوكاله على حساب التأمين (( الحوادث ))؟!

شكلك مستغرب ادري ,,,,, يعني تجيب لها كروكي و خطاب تأمين من المرور موجه للشركه تبع التأمين وهم حيطلبون تسعيره الوكاله وبعد كذا حيصلحون السياره وانت الله لايهينك بتدفع النسبه (( كلام فاضي )) ماهو المبلغ اللى انت متخيل وفي نفس الوقت احسن من انك تصلح السياره في الوكاله على حسابك بذاك المبلغ.

ان كنت بجده انا اقدر اساعدك بالموضوع هذا وانا نعين ونعاون...



تحياتي



ابو خالد

نصيحة لا تحرك السيارة عشان مايروح عليك القير ..

الله يعطيكم العافية مشكورين حبايب قلبي .. كل الشكر لك ابوخالد الله يعطيك العافية

لالا ابد الحمد لله هذا فعلا هو كارتير القير وديتها ورشة في الرياض وسوا لها تلحيم

والله يديم الخير ............