ريحة كريهة معقدتني كيف ازيلها ؟؟؟

السلام عليكم و رحمة الله وبركاته





يا جماعة الخير انا موتري 2011 الزبده ان الموتر انا اعبي الشنطه بشكل شبه يومي بالجواتي .. مب كثير لكن تقريبا 4 ازواج من الجواتي الرياضيه بشكل شبه يومي ..

و بعض الاحيان انساها فالسياره عقب لعب الكوره و تطلع ريحة الجواتي :p..

و نفس الوقت لا جيت اسبح كمن مره اجي و اسوق و انا مغرق عقب السباحه يعني الماي على الكنب حق السائق و عقبها بيوم جيت الظهر و طلعت ريحة خايسه من السياره و انا اول ما شميتها شليت كل الجواتي و رحت على الطريق العام و فتحت كل الدرايش و السقف و سرعت شوي و قعدت شوي و رجعت البيت بس باقي الريحة اثرها موجود :(

المشكله اني بسافر بعد ثلاث ايام الامارات مع عيال عمي بسيارتين و من هالسيارتين سيارتي و انا الحين قاعد اجهز الموتر بس الريحه موجوووده :(

تكفوون ابي حل اي مسحوق اي شئ .. حتى لو تعرفون اي مغسلة سيارات و لا ورشه .. ابي بأي طريقه ازيلها ..

و انا للمعلوميه ساكن في الدمام حي الفيصليه ..

رح لساكو بتلقى فيه قسم فيه منتجات للعناية بالسياره فيه شامبوات وفيه منظفات وبتلقى منتجات للجلد والمخمل
خذ واحد منهم وبتلقى من ورا العلبه طريقة الاستعمال ومسح الكراسي والارضيات والشنطه ان شاء الله تروح الريحه او تخف
~_~_~_~_~_~_~_~_~_~_~_~_~_~_~_~_~_~_~_~_~_~_~_~_~_ ~_~
وبعدها جب لك مبخره و ولع بخور اذا بدا يدخن حطه بالسياره وسكر البيبان والدرايش وخله شوي يبخر السياره من داخل
ملاحظه انا ما جربت هذي الطريقه وانا غير مسؤول عن اي شيء يصير بالسياره

او حط معطرات وريح راسك :d

لا تفتح التنده و انت تمشي ولا تسرع عليها و انت فاتحها لأن بتخرب عليك الجلد :(

و الريحه روح لمحلات الزينه و اختار لك أحلى معطر للسياره :)

احلى معطر من محلات الزينة وحطة بالسيارة وخل السيارة تنطق بالشمس وانت مقفل الدرايش خل الريحة الجديدة تنكتم داخل السيارة ..

فلتر المكيف نفس الشي ... غرقة بالعطر اللي يعجبك وبتشم ريحتة مع كل تشغيل للسيارة ..

بالنسبة للجواتي - وانتم بكرامة - مر اقرب صيدلية فية بخاخ تبخة على رجلك قبل لا تلبس الشراب يسبب قتل البكتيريا المسببة للروائح الغير مرغوب فيها .. فعال جداً وبتتهي الرائحة ..

حل سريع : غسيل السيارة من الداخل بأي محل تلميع - لاتروح المحلات الفخمة روح لأي محل أبو 150 ريال أو 200 ريال ويفكون كل شي ويغسلون المراتب ويخلون السيارة تتهوى لين تنشف ويرجعون كل شي وأمورك طيبه

حل غير مكلف ويحتاج كم يوم : أفتح النوافذ كلها والشنطة في الظهر وخلها تتهوى لفترة واذا كان في محل داخل البيت كويس اذا في كراج واذا مافي هذي مشكلة وبس كم يوم وتختفي الريحة مع تعطيرها

للاسف الحل الثاني ماينفع حاليآ وقت الرطوبة

النظافة من الإيمان



اول حل

لا عاد تسبح و تركب في السيارة دايركت فيه اختراع اسمع منشفة
و جيب معاك ملابس ثانية عشان تلبسها بعد السباحة.

الحل الثاني

خلي معاك كيس في الشنطة و بعد ما تخلص لعب حط جزمتك ام ريحه كريهه
في الكيس و اربطه عشان لو مالك خلق تنزلها على الأقل تبقى في الشنطة
و مكتومه الريحه في الكيس.

الحل الثالث

اشتري لك عطر و عبي ام فلتر المكيف و المقاعد و الشنطة
ولو تبي تسمع شوري لو تاخذ المخلطات اللي فيها ريحة دهن
العود لان ريحتها اقوى و اثبت و لا يمنع انك تبخر السيارة
اما مسألة انك تفتح الدرايش و تدعس هذي تسويها لما
تبي ريحة الدخان تروح مو ريحة ملابس غرقانه و جزم الله يقرف عدوك

تحياتي

انا اشوف انك لاتدفع فلوس ولاشي خل الدرايش مفتوحه اذاكان عندكم كراج لين ماتخف الريحة وبعدين زي ماقال اخوي بخرها وصك الدرايش وبعدين راح تروح الريحه وخلصنا....

اسرع طريقة خدلك بخوره وشغله في السياره عساه لولزق ريحه رايح شيله ريحة البخور

يخوي حط فحم وقشر برتقال وسكر سياره ولا عليك

^^ الفحم فعال اكثر .. ^^
امي تحطة بالثلاجة .. وانا احطة في ثلاجة الاستراحة .. النتيجة .. مافية ريحة ابد :)

الله يهديك بس
بالله فاتح موضوع علشان ريحه السياره
ياخوي اقل شي بخور بيتكم حطه مايبغالها اختراع تراء .......!

ياخوي رح محلات زينة السيارات انواع الروائح والمعطرات والي افضلها اكثر شي انا الكرز تجي بعلبة زي التونة وريحتها تبقي وقوية .. ( اهم شي تونة ) هههههههههههه

تحطها بالسيارة بمكان مايجية شمس وخلاص مثلا تحت المراتب كويس ...

الحل عندي وترى هذا من اختراعاتي روح قهوة الطريق او اي مقهى واخذ لك كابتشينو مع الكراميل اممممممم لذيذ واشربه حى الربع الاخير من الكوب طبعا شيل الغطاء وخليه يوم الى يومين وادعيلي راح تحصل ريحة سيارتك نسكافيه :cool:

^^^^
صراحه اختبارعك خطير يعني منغير ولا ريال خساره حتى 10 ريال الي بتعطر فيها السياره بتكسب انك شربت فيها :p

لا والله اهنيك فكره حلوه
بس انا انصح في محلات الزينة في معطرات على كيفك وتقعد حولي شهر ونص الى شهرين ولا احلى
ولا تغسل المراتب ولا الشنطه ولا شي
زي ما امسكت الريحه الخايسه :p بتمسك الريحه الحلوة

دائما وأبدا

الوقاية خير من العلاج

اذا الواحد كان مضطر بيكون مضطر مره او مرتين او ثلاث مرات بالكثير

اما في حالتك انت هذا اسمه اهمال ولا مبالاة

طبعا الكثير من الشباب اعطوك حلول لمعالجة الشيء اللي حاصل حاليا

ولكن بعد ماتحل المشكله حافظ على النظافه العامة والشخصية دائما وابدا

ترا احنا مسلمين للمعلومية


:)