عرض للطباعة
السلام عليكم شباب انا قررت أشتري اكورد 2006 أو 2007 ورحت المعارض ولقيت 2006 بس مدري عن سعرها هل هو معقول او مبالغ فيها وابي رايكم لونها لؤلؤي البدي + المكينه + القير = كلهت ع الفحص بكره بس مبدئيا سليمه لاكن نتأكد من الفحص وفيها حكات بسيطه في الرفرف الامامي والخلفي ماشيه 97 الف سبيشل سعرها 52 الف مدري هل سعرها مناسب ؟؟! ووش فرقها عن اكورد 2007 ؟؟ وهل الفحص اذا طلع سليم أتوكل على الله يعني ارتاح ؟؟ أتمنى تفيدوني ضروري لأن بكره العصر برووح افحصها
نصيحة لوجه الله
اذا فيك شدة خرابات مثل القير وطرمبة الدركسون والدودة واصوات الصرقعة تحت خذ لك اكورد وتوكل على الله
واذا مافيك شدة ابتعد عن الاكورد خذ لك سيفك اهون منها بقوووة
وربي كنت اعشقها واحين كرهتها من جد يعني معقولة اكورد 2006 ولا 7 ولا 8 توظب القير ؟؟؟
لكن للامانة السيارة راسية وممشاها ممتاز وثابتة على الخطوط وعالسرعات العالية وقوية
- السعر هذا غالي جدا في السبيشل يعني لو فل كامل كان يمكن ينبلع السعر بس سبشل غالي كثيير
- اتعد عن المعاارض لانهم يبالغوون بالاسعاار وحاول تدور من اشخاص بدون معارض
- مافي فرق بين ال2006 و7 اذا ماني غلطان
^^
والله انك خوفتني :(
طيب اذا فحصتها وطلع القير وكل شيء اوك .. ليش اخاف من القير .. يعني يخرب بسرعه ولا كيف ؟
لأني اعرف واحد معه 2005 ولا اشتكى لا من القير او طرمبة الدركسون اخذها مشايه 200 الف والحين وصلها 400 الف
والله اني بديت اخاف ):
ومن ناحية اني ابتعد عن المعارض .. فهي مشكله .. لأن مافيه غير موقع حراج واغلبهم شريطيه ونصابين
ومن وين اقدر اخذ من اشخاص .؟
هلا والله اخوي وغلا انا اشوف السعر غالي لدرجه ماتتصور لاقي اكورد 2009 اسود نص فل 56 الف يعني حرام 2006 تجي حول سعرها وانا شفتها موقع مستعمل
طبعا السعر ذا في معارض الشفا
واغلب المعارض كذا .. يقولون اسعارها مرتفعه الحين ..
والله اني محتار
اخاف اخذها ويخرب القير او الطرمبه زي ماقال دانيال او يكون سعرها مبالغ فيه زي ماتفضلت اخوي اكورد
واخاف ما اخذها وتروح علي ولا احصل نضيف بسعر معقول وانشب
لأن ماعندي سياره اداوم فيها بعد رمضان ):
احين اسعار الاكورد 2006 و 2007 ضارب فوق حصلت وحده 6 سلندر يبوه 54 الف انه بنسبه لي 4 سلندر سبشل اعطيه من 45 الى 48 لانه حتى الي في لامارات صارت اسعاره فوق يعني تخدلك من لامارات ستاندر توصل لك سعوديه 43 يعني سعره مرتفع وناس ضاربه عليها
^^
هذا اللي اسمعه .. ومدري وش السبب في ارتفاع اسعار هوندا
ولقيت أكورد 2005 بـ 41 الف ماشيه 120 الف تقريبا فل كامل ..
تنصحوني فيها ولا بالـ 2006 !؟ والسبب لو تكرمتو
أنا أنصحك بالـــ 2005 تسألني ليش أقول لك فل وسعرها مناسب وممشاها كذلك واحد من الأصدقاء العام الماضي باع 2005 بــ 43 ألف يعني سعره مناسب ولو تقدر عليه شوي تأخذها 40 ألف أو أقل يكون كسبت موتر فل وبسعر جداً حلو وأهم شيء أفحصها بالوكالة مكينة وقير إذا كان البدي سليم وتوكل على الله .
الــ 2006 سعرها غالي مرة وسبيشل وممشاها حلو بس شوي ويوصل ممشاها للــ 100 و أزود يعني ما فرقت كثير^_^ غير أنه فيها حكة بالرفرف الأمامي والخلفي . والموتر تحافظ عليه يعيش معك تمام وما راح تشتكي منه وتعقيب على كلام أخونا دانيال إذا كل هذي الخربات بموترك عند غيرك لا أنا لله الحمد موتري ما أشتكى منها وأعرف كذا واحد ماشي معه الموتر من أحسن ما يكون لأنهم مهتمين بالموتر من كل شيء زيوت وفحص أول بـ أول ممكن المشاكل إلي واجهتك سببها إهمال منك أو تقصير المواتر عموما تحافظ عليها تعيش حتى لو موديلها قديم تهملها حتى لو جديدة راح تخرب و تطلب . و أعتذر على الأطالة :o
^
يعطيك الف عافيه
والحمد لله اليوم رحت وعربنت ع السياره واخذتها بـ 49 ( فضلتها على 05 عشان الشكل الخارجي )
الفحص طلع سليم عدا الفحمات وشداد السير وامرها هين ان شاء الله
الله لايهينكم جميعا
مبروووووووووك عليك السياره
الله يعطيك خيرها ويكفيك شرها
^
اللهم امين
والله يجزاك خير ويسلمك
مبروك عليك السيارة بس للأماانه غاااااليه
والله يعطيك خيرها ويكيفيك شرها
الله يبارك فيك ويجزاك خير
وبالنسبه للسعر .. درت في معارض الشفا والنسيم بما فيه الكفايه والله رزقني بذي
وكويس انها وصلت 49 .. بس للأمانه نضيفه مره .. وزي ماتقول بديت اطفش من المعارض ومن كثر ما ادور على اكورد
فرسيت على ذي وتوكلت على الله ولو ان سعرها زايد بحدود الف او الفين لاكن التعب وما يسوي
الف شكر لك ولباقي الاخوان
ماقصرتو :o
يالله مبروك عليك الموتر والله يعطيك من خيرها ويكفيك شرها
مبروووكـ عليك الموتر و الله يعطيكـ من خيره و يكفيكـ من شره
و هي صدق غاليه لكن النظيف يستاهل :)
بالنسبه للي يقول قير ياخي اذا وضبت قير انت مو يعني ان كل الشعب يوضبون القير!!
سيارتي لهذي اللحظه ماكينتها وقيرها ما انفكو يعني كل واحد مسئول عن سيارته بحسب سواقته اذا سواقتك عفشه وتلعب بالقير كيف ما تبغاه يخرب والله لو انه قير أف 15
انا اشتريت قبل شهرين من معارص الدمام اكورد 2006 سبيشل بس فيها شرايح مرايه ب 44 ممشاها 120 الف
بصراحه السياره نضيفه وفحصتها والحين معي تمااااام الحمدلله
قاعده : ( اهتم بالسياره تعطيك اداء .... اصرف عليها ماتتعبك ) الله يعطيك خير السياره الي بتشتريها ويكفيك شرها ....
اتمنى لك التوفيق
الله يجزاكم خير .. ويسلمكم
والله ييسرها يارب .. وان شاء اله احافظ عليها ^_^
حبيبي ~
انا عندي اكورد الحمدلله موديل 2006 وسبيشل
والى يومك هادا
ماقد اشتكيت منها ولله الحمد
واذكرو الله ..
حافظ على سيارتك اول باول وصيانه اول باول
صدقني ماراح تشتكي من حاجه ..
بس انك تدهمل السياره بالسنوات وبعدها تقول فيها وفيها وفيها
مرآ خير ..
مبروووكـ عليك الموتر و الله يعطيكـ من خيره و يكفيكـ من شره
و هي صدق غاليه لكن النظيف يستاهل :)
الله يجزاكم الجنه جميعا ويسلمكم ويجزاكم كل خير يارب
ع البركة الموتر ماشاء الله
الاكورد رووووعة ولا يهمك كلام بعض الناس اللي يعيبون فيها
الله يبارك فيك ويجزاك خير
وفعلا روعه 3>
اقتباس:
المشاركة الأصلية كتبت بواسطة السيف القاطع
طيب تنسخ ردي لييييه :d
نسخ لصق بس تمون يا عبدالعزيز ;)
و إذا تبغى تنسخ كل ردودي ما تغلى عليك يا غلاهم :)