مشكلة بالمكيف أبي فزعتكم

السلام عليكم ورحمة الله وبركاته

عدت لكم يا أبطال هوندا، وعندي مشكلة بصراحة مستعصية جداً، وللأسف حتى دولياً لم تحل مشكلة سيارتي.

في طريقي لعمان فجأة طفى كمبروسور المكيف (والزر باقي شغال) وهواء المكيف شغال اوكي وبدفع قوي، لكنه مو بارد بل حار جداً، في عمان اكتشفوا إن الكلتش حق الكمبروسور مكسور وغيروه لي مستعمل وانكسر في نفس اليوم بعد إستمرار ساعات من العمل. وغيرته مرة ثانية وانكسر وأنا بطريقي للإمارات. وفي الإمارات غيروا لي الكلتش والكويل جديد من وكالة الفطيم واستمر معي المكيف 15 يوم وهو على أحسن حال، ومن جديد إنكسر الكلتش حق الكمبروسور. وللأسف فلاسفة الورش اللي معنا بالشرقية كل واحد يفتي على كيفه، منهم من قال لي إحتمال أحد المواصير متسكرة أو الثلاجة متكسرة وبعضهم قال لي الكمبرسور متعطل وبعضهم قال لي الكمبروسور مخبط ... إفتاءات على كيفهم.

سؤالي ياجماعة الربع أحد مرت عليه هالمشكلة؟ أو أحد فيكم يخبر لي ورشة مضبوطة تضبط لي المكيف؟ رغم إن سكني الآن في الجبيل الصناعية وبإمكاني أروح أي مكان بالشرقية لتصليح السيارة. وبيني وبينكم صعب أروح الوكالة لأني متأكد إنهم راح يغيرون الكمبروسور حتى لو كان مضبوط وانتوا تعرفوا الكمبروسور غالي الثمن تقريباً 4000 ريال.

صناعية العريفي وطخة الصناعات المسانده اهرب منهم ولا تقرب صوبهم

حول على صناعية الدمام يشوفون مشكلتك اجل تغير الكلتش وخمسطش يوم وينكسر

شكلك تشغل المكيف على سرعات عاليه ...<<<<<ما ادري لها دخل وإلا لا

لا والله ياعزيزي
كنت متخوف من المشكلة
ومشغل المكيف على الواطي مرة

طيب تعرف ورشة مضبوطة تدلني عليها بالدمام يالغالي؟

يااااااا خووووي والله هالمشكله أعااااني منها صراااحه بس إلى الآن ما عرفت ولا عرفوا وش المشكله.... انا عندي في الظهر يدفع هوا حاااار ... والعصر والليل يقلب بااارد من بروودة الجووو... ولا عرف أحد وش المشكله عندي حتى الوكاله ما عرفت فحصت عندهم قالو كلش كلش تماااامم ... اقوولهم في الحر ما يشتغل يقولون لا كلش تمام ... اوووووووم القهررر ..... وأمس في الظهر شغلته اشتغل تمام بعد ربع ساعه قلب صار يدقع هوا حار ... قام واحد من الشباب طش مويه على الشبك وشتغل تماااااااااااام .... وش يعني هذي المشكله وش اصلح ووش السالفه ... حرام بالله طفشت شكلي ببيع السياره

لالا ياعزي أنا مشكلتي غير عن مشكلتك
أنا دوم حار ألحين حتى لو أروح الأسكيمو المكيف حار

لأن الكلتش دوم ينكسر معي!!

ها شباب تعرفون حل للمشكلة؟
أو تخبرون لي ورشة مضبوطة تضبط لي المكيف؟

ياجماعة الربع وينكم
محتاج لفزعتكم

يارب مايقصرون معاك الشباب انا خبرتي بالمكيف شوي :o

الله يعطيك العافية أخوي هاي الشرقية