مشكله في تشغيل هوندا

السلام عليكم يالربع

السالفه عندي اكورد 2004 سته سلندر وفيها مشكله تشغيل السياره تاخذ وقت على ماتشتغل
هي الحاله جاتني قبل شهرين وجلست اسبوع وراحت والان رجعت وطولت هذي المره طبعا اول مره تشغلها تطول ولو تشغلها وهي ساخنه تشتغل مباشره

رحت للكهربائي وشيك على السلف والدينمو والبطاريه وغيرت البواجي ومازالت نفس المشكله

ورحت للورشه ونضفت البخاخ ونفس المشكله وصاحب الورشه قال لي يمكن من الجنزير
وغيرت الجنزير علما باني ماشي فوق 150000 كيلو ونفس المشكله ماتحسنت وانا توي مغير فلتر البنزين قبل ست شهور
اذا في احد يعرف لهذي الحاله لاني تعبت منها
في شباب يقولون من طرمبه البنزين ورحت لاحد الورش قال لي لا مو من الطرمبه لان الطرمبه اذا بتخرب لها اشارات مثل التفتفه او تطفي عليك بعض المرات
وواحد قال غير حساس فلتر البنزين وطبعا كلمت مندوب بالوكاله وقال لي مافي شي اسمه حساس فلتر بنزين

انا المشكله مايمديني اروح للوكاله اول شي لانها بعيده عني وزحمه والمشكله الكبرى انها تفتح بعد العيد ب 10 ايام
بس حبيت اذا احد مر بهذي المشكله يعطيني خبر ويساعدنا لاني من جد طفشت لاني اخاف تطفي علي بالايام الجايه لاني مشغول جدا

اسف على الاطاله

شوف يابعد قلبي كيف البطارية وكم اهي امبير وترى مشكلتك كهربائية مية بالمية يعني اذا البطارية جديدة والامير على الاقل 60
شيك على السلف والدينمو لان انا كانت سيارتي نفس وضعك طلعت من فحمات الدينمو وغيرها لي وصارت من اول مرة تشتغل انت مر على كذا كهربائي وشوف
مع تحيات هاي الشرقية يارب متى اصير مشرف

السلام عليكم
اخوي مشكلتك بسيطه
عندك خط ارضي متكلس
كل الي عليك تجربته
اذا السياره بارده فك الكبوت
ووصل سلك في الاصبع الي يجي على يمينك او جهة الرفرف الى اي صاموله في المكينه
او في الشاصيه وشغل بس لاتجيب لي سلك اصغير او خفيف
اذا اشتغلت بسرعه تاكد وقتها مشكلتك يا ( اسلاك الخطوط الارضيه او دينمو مايوصل للمكينه )
تاكد من الاسلاك اولا واحد يجيك من نفس الاصبع الي شبكت فيه السلك الخارجي وتحصله على طول موصل ب البودي صغير فكه من المسمار ومن البطاريه ونضفه زين وطلع الاكلاس والصدى والثاني في الرفرف الايمن من الداخل تلاقيه مربوط من الدينمو ل البدي على طول وصغير زيه
لاتفكه لين تتاكد انك بترجعه زين
فيه سلك ثالث صعب ومخفي تحت الكمبروسر بعيد ولا تفكر فيه
اذا مارجعت تمام السياره
روح لكهربائي ممتاز وقوله ابيك توصل سلك مباشر من البطاريه للمكينه
زي النيسان بيطلبك سلك مخصص طويل للبطاريه ويركبه لك << طبعا كل هاللفه واللخبطه اذا تاكدت ان سيارتك اشتغلت بالسلك الخارجي الي سويناه في البدايه
اذذا مافهمت تكفى عيد كلامي مرتين مافيني اشرح من جديد خخخ