ابي اكشخ الموتر قبل العيد (( فزعاتكم ))

السلام عليكم

يا جماعة الخير انا موتري 2011 اربعة ..

الزبده انا ناوي اركب زعنف او مدري وش يسمونه اللي ينحط فوق السياره من الخلف مثل حق البي ام الفئة السابعه و مثل الاودي a6 و مرسيدس بانوراما .. فحبيت استشيركم عن افضل محل يركب لي هالشئ هذا .. و خاصة اني ابي اركبه اليوم قبل العيد عشان اكشخ الموتر قبل العيد ..

وانا من الخبر و ابي افضل محل و قريب و يكون في الخبر مب في الدمام ..



و بما اني بروح بسوي تعديلات على هالموتر قبل العيد حبيت استشيركم لاني ناوي اركب زينون قوووي و جديد و افضل نوع .. (( انا صراحه ابي زينون مثل حق البورش بانيميرا لانه عاجبني مررره و قوي جدا ً )) ابي افضل زينون مثل قوة زينون البورش .. و دلوني على هالمحل و بشرط يكون في الخبر .. او قريب

و نفس الوقت بما اني بروح اظبط الموتر .. حبيت اركب ستائر مثل اللي تجي على البانوراما في الدرايش الخلفيه من داخل .. لونها اسود و زي الشبك .. انا رحت لمحلات واجد لكن اللي موجوده هي تجاريه و ما هي على مقاس السياره .. و فيه واحد قالي هذي تفصيل .. حبيت اسألكم عن هذي الستائر وين هالمحل اللي يفصل هالستائر و يكون في الخبر او قريب ..



و ما همتني الفلوس اهم شئ تكون هالاشياء موجوده ..

ارجووووو الرد سرييع يا النشامى لان العيد بكره و ابي الحق :(

-
وعليكم السلام ورحمة الله وبركاته ..

هلا بكـ أخوي .. بخصوص الـ (زعنفه) زي ما سميتها .. تلاقيها في معظم محلات الزينه .. لكن ما أتوقع راح تلاقي شي (أصلي) .. لأن كل القطع المشابهة صناعتها صيني وتايواني أ و وطني ( على حد علمي) .. فإذا حبيت ممكن تمر على وكالة BMW وتاخذ لكـ وحده من هناكـ :d
لكن إذا بتاخذ برأيي حرام تشتريها من وكالة BMW لأن سعرها راح يكون مبالغ فيه بالتأكيد .. فخذها من أي محل زينه .. رشها بوية على لون سيارتكـ إذا كان لونها مختلف .. وبعدها اتوكل على الله وركبها وانبسط في العيد ..

وبخصوص الستائر .. أكيد ماراح تلاقي شي نفس اللي موجود للبانوراما على مقاس سيارتكـ .. وصحيح يبغالكـ تفصلها تفصيل .. والعملية راح تاخذ لها وقت يعني أعتقد صعبه إنكـ تلحق تخلص قبل العيد !!

عموماً .. لو كنت من جده كان نصحتكـ تروح لكيلو 2 .. لكن بما انكـ من الشرقية .. فأتركـ الشور لأهل الشرقية بخصوص هالموضوع ..

كل عام وانت بخير .. وبالتوفيق يارب ..

:)