عرض للطباعة
السلام عليكم ... كيف الحال ياشباب ... كل عام وانتم بخير :d
عندي مشكلة وهي اذا لفيت بالطاره يطلع صوت (طق اول ماحرك الموتر ) وصوت ( غووووغ ) ونا
مهدي بالحاره طبعا وانا كاسر بالطاره
امحق وصف هههههه :d
وإذا ربطت فرامل يطلع صوت ( غووووغ ) :d
وبخصوص زيت وفلتر القير متى تتغير .. وش افضل زيت وفلتر للقير
ياليت تفيدوني ... ولكم خالص الدعوات ... :)
زيت القير يتغير لأول مره 60,000 ألف , بعدها كل 40,000 ألف..
فلتر القير كانت فيه عدة نظريات وحتى الآن ماثبتت صحتها!, عدم تغيير فلتر القير ماله اي آثر بإذن لله اهم شيء واضب على تغيير الزيت بالوقت المناسب, وحتى اثبت كلامي ان فيه ناس كثيرة ماشين على السيارة اكثر من 200,000 ألف كيلو متر بدون تغيير فلتر القير والحمد لله مافيه اي مشكلة, فيه نظرية آخرى ان تغيير فلتر القير يزيد من سلاسة القير ويصير سهل التغيير وسلس!.
صوت الدركسون شيك على زيت الدرسكون لا يكون ناقص وزيت الفرامل, ونصيحة لك وللكل حاول انك ماتلف الدركسون (الطاره) آخر شيء!.
اقتباس:
المشاركة الأصلية كتبت بواسطة king
اكتشفت ان زيت القير يصير محافظ على لزوجته الى 30 الف كيلو كحد اقصى حتى اداء القير في التسارع يكون اضعف بعد 30 الف كيلو انا توقعت دراساتهم في دبي تحت الاجواء اللي نعيشها تبين لهم لكن اللي ماحسبوا حسابه هو القيادة الرياضية
بالقيادة الرياضية اكتشفت ان 20 الف كيلو كحد اقصى هو الحد الاقصى اللي تقدر تمشي فيه على زيت القير بينما توصل مابين 30 الف الى 35 الف كيلو اذا مشيت مشي هادي داخل المدينة بدون تسارع زايد عن الحد او الاكثار منه ان وجد
لان فيه كلتش مثل كلتش القير العادي موجود في الطنجرة دايم يشبك الكتروكهربائي القير بالمكينة بنسبة 100% وبمجرد ما يشبك فهو يستغني عن الدفع الهيدروليكي وبالتالي الزيت يريح وياخذ راحته ويتبرد لكن الكلتش هذا ما يشبك اذا فيه قيادة رياضية وتسارعات مجنونة ويصير في اعتماد كلي على الدفع الهيدروليكي
لذلك اصحاب المقاومات يحسون ان القير نقلاته تعبانه وفيه نقزات ابتداءا من 20 الف كيلو من تغييره للزيت ولازم يغيره بعد الفترة هذه تماما اما المشي العادي الافضل على ممشى 30 الف
يعطيكم العافية ماقصرتوا
طيب وش افضل نوع لزيت وفلتر القير وزيت الفرامل وزيت االدركسون .. علما ان العداد واصل 122 وكم اسعار الزيوت حقت الفرامل والدركسون والقير الاصليه
وهل يحتاج تغيرها ورشه زينه ولا اي بنشري
وهل اذا وديتها الوكاله يشملها الضمان ولا لا :(
سؤال عندي وحده من المساحات منكسره .. هل تباع لحالها؟؟؟؟ لاني رحت محل قطع
غيار قالي نبيع ربله بس اما مساحاه كاملة ماتباع الا في الوكالة او التشاليح ....... هل كلامه
صحيح .... اذا صحيح كم سعرها بالوكالة والتشاليح
دمتم بود
معقوله 67 مشاهده وردين !!!!
اقتباس:
المشاركة الأصلية كتبت بواسطة abu saud
افضل زيت للدركسون هو زيت هوندا الخاص بالدركسون
وافضل زيت للقير هو زيت هوندا الخاص بالقير
والمساحات تجي الثنتين سوا او الجلدة الخاصة بالمساحة لحالها
افضل زيت للدركسون هو زيت هوندا الخاص بالدركسون
وافضل زيت للقير هو زيت هوندا الخاص بالقير
والمساحات تجي الثنتين سوا او الجلدة الخاصة بالمساحة لحالها
ــــــــــــــــــــــــــــــــــــــــــــــــــ ـ
طيب زيت الفرامل هوندا ولا نوع ثاني ....ز واعذروني على الازعاج:mad:
اقتباس:
المشاركة الأصلية كتبت بواسطة abu saud
زيت الفرامل المناسب والرائع هو من كاسترول والوكالة بعد تحط لك زيت كاسترول
من ناحيتي استخدم هذا الزيت من بدأت في عالم السيارات والحمد لله ماعندك احسن منه..
قيمته بـ 5 ريال من اي محل قطع غيار..
*الزيت هذا مخصص للفرامل فقط يعني لا تحطه بعلبة زيت الدركسون او غيره..
http://www.hondaarabia.com/club/atta...-brake-oil-jpg
Wagner-Brake-Oil
طيب وش تنصحوني اشتري وأغير زيت (الفرامل . القير . الدركسون) وأغيرها بالوكاله ولا برا الوكاله ....... وكم يأخذون وقت في التغيير ........ ومشكورين على المساعده .. :d
زيت الفرامل عبه بنفسك لأنه موب إختراع افتح الغطاء وعبي زيت وزيت الدركسون ينطبق عليه الكلام..
زيت المحرك تقدر تغيره في اي ورشة موثوقه.
سعر الزيت مع السيفون بالوكالة 95 ريال + تغيير بالورشة 10 ريال = 105 ريال (وفرت 30 ريال)
زيت القير 3 علب بالوكالة بـ 147 ريال + تغيير بالورشة بـ 10 او 15 ريال = 157 ريال (وفرت 43 ريال)
ولك حرية الأختيار سواء التغيير بالوكالة او خارج الوكالة, كذا ولا كذا مصيرك راح تغير برى الوكالة بأحد الأيام..
يعطيكم ترليون عافيه :d ماقصرتوا ..... منتدى رائع ومفيد ..... وانتم الاروع ......... ههههه
حتي انا نفس الشي عندي صوت طقه بالدركسون ولا ادري وشي طقه بسيطه بنفس الديكور الي داخل لاجيت الف الطاره
صح الصوت يطلع اول ماتحرك الموتر على سرعه 10_20 صوت (طقق)
ياللللله اشتغلت الوسوسه:a022: