اكورد2007 بس اللوحه ي؟ص ؟؟؟ ليه!
بسم الله الرحمن الرحيم
السلام عليكم ورحمه الله وبركاته..
كيف حال الشباب..هذا اول موضوع لي في هذا المنتدى الرائع واللي خلاني اجي (صراحه) هو اني توني شاري اكورد2007 ومستلمها امس<< كاعها كاش طلع مخ مع الفلوس
وبما ان هذا هو اول موضوع لي حبيت يكون عن قصتي مع الاكورد..
كان ياماكان في قديم الزمان كان في واحد مسكين توه جاي من دوره خارج المملكه وما معه سياره المسكيين .. خلونا من الفلسفه
المهم كنت ادور لي على جيب ولا شئ بعد الجيب <<ترا منب يماني ولا يهونون اليمنه..لاني انسان احب طلعات البر و القنص فكنت ابي جيب يجمع الفخامه والبر وصار اختياري على جيب الانفنتي مع انه مايمدحونه في البر ابد .. رحت ابي اشوف كم سعره افففففف 181 الف ليييه ما اتفقنا على كذا .. الميزانيه ما كانت تسمح ابد لا وموقفين راتبي كم شهر ..شرد ذهني شوي وجت الاكورد على بالي وكانت ميزانيتي تسمح اني اشتري فل كامل.. والله يا شباب تعرفون الحب من اول نظره ؟ هذا الحب من اول فغره (قصدي شردة ذهن) ..رحت طيران لوكاله هوندا وسين وجيم ومن بكره وانا معطيهم الكاش حتى ان الكاتالوج ما شفته الا بعد ما شريت السياره..ويطلع الموظف من ولايه زالافونيا (يعني زلفاوي) وخويكم من الزلفي بعد ..كيف الحااال وش الاخبار يقربلك فلان وسواليف..المهم قالي بكره ان شاء الله بالليل وسيارتك جاهزه.. جا من بكره ادق على الرجال ابي اتاكد السيارة جهزت والا لا ما يرد.. ياولد رد! ..المهم قلت اكيد السيارة ماجهزت .. شوي ولا الرجال يدق علي ..تعال خذ سيارتك اعوذ بالله (يقولها لي من غير نفس)..عسى ما شر قال تعال تعال..رحت للوكاله وقابلته ..وش فيه ياعبد العزيز قالي تدري انهم حاطيلك لوحه ي م ص ؟؟؟ قلت نعم! تستهبل صح..قال والله العظيم واطاق انا واياهم عشان يغيرونها ادري انك تبي تنشبلي وادفع من جيبي عشان اغيرها..طيب وغيرتها ..قال ايه.والــله عطني راسك احبه ..واخذ السياره من المعرض ..ماشاء الله تبارك الله فعلا سواقتها شئ ثاني ..الله يعطيني خيرها ويكفيني شرها يارب.
والله مابقى الا هي ابي افرح بالاكورد وتطلع لي هاللوحه
هذا اول مره اسوق فيها اكورد وهي فعلا افضل سيارة سقتها في حياتي <<من زين السيارات اللي سقتها
ادري اني طولت عليكم لكن العذر والسموحه حبيت اقص لكم كيف شريت الاكورد وفي نفس الوقت تعرفوني كعضو جديد في المنتدى
