عرض للطباعة
السلام عليكم
عندي أكورد 2009 وأنا ماشي عالخط أسمع صوت طنين ما أدري هو من الكفرات ولا من الإسفلت بس الإسفلت ناعم وما فيه شي لكن أحس إن السيارة من جوة كأنك قاعد في صالون بيت وما فيه أثاث يعني طنين وصوت صدى أحس نفسي راكب هيلوكوبتر..
يعني طنين مع دورة الكفرات ..
هل هذا صوت الرومان بيل ؟؟ ولا شي آخر؟؟
فهل عند أحدكم معلومات يفيدنا وله جزيل الشكر..
تدوير لاطاراتك وان شاء الله تنحل مشكلتك
لكن صدى؟؟؟؟؟؟؟
ما تجي ابدا يستحيل فيزيائيا اصلا الديكور راح يهتز ويتمص شوي من الموجات الصوتية وتتشتت فكيف راح تسمع صدى؟؟؟
هيللو هيللو هيللو هيللو هيللو
اعتقد ذا صوت الازفلت بعضها يطلع الصوت اللي انت تقصده
لا بعض الاسفلت يكون فيه شقوق طولية ويمكن الكفر وهو يدور يكون متطابق على هالشقوق ويصير الطنين ...
عندي نفس مشكلتك وتبداء من سرعة 20 الى مال نهاية
والصوت اذا فتحت القزاز ما اسمعه بوضوح بس اذا كان مسكر القزاز اسمعه واذا المسجل شغال ما اسمعه ويمكن يكون الكفرات عندي محبله لان لها سنتين و4 شهور من شريت السياره ما غيرتها واحتمال يكون تحبيل
أخوي بلال مشكور لمرورك وردك لكن هل تقصد تدوير يعني تغير طقم أربع كفرات؟؟
لأن الكفرات الصراحة صارلها عندي سنة و أربعة أشهر.. عالعموم مشكور لمرورك وبالنسبة لصوت الصدى يعني ما قصدت الصدى بمعناه الحقيقي لكن صوت يطن في آذاني..
أخوي فروسي أنا قلت يمكن من الإسفلت لكن أحياناً أمشي على إسفلت ناعم جداً ويلمع بس أسمع الصوت برضه وما يروح.. أشكرك لردك اللطيف..
أخوي الأكورد في6 كلامك ممكن في حال كان الإسفلت مخرمش أو تمت إزالته بالآليات لإعادة سفلتة الطريق لكن الطريق ناعم وما فيه مشكلة.. وشكراً لمرورك وردك الكريم,
أخوي الأزوري هذا هو الكلام ما تسمع الصوت لما تفتح القزاز أو مشغل المسجل.. لكن طفي المسجل وسكر القزاز وامشي بتسمعه واضح وتحسه جاي من ورا ومعبي السيارة كلها وتحس آذانك كنها بتنفجر عليك..ههههه .. شكراً لردك.. والظاهر بنرجع لأول رد واللي هو تغيير الأربع كفرات والله لا يخسر..
نحسبها: لو قلنا كفر بريجستون بـ 400 ريال في 4 = 1600 ريال..
طيب حد عنده معلومات عن أسعار البريجستون ادرينالين هذي الأيام ولا أروح لي مشوار عالطلائع ( الوكيل) بقشان..
إذا حد عنده خلفية عن سعر الكفرات ياريت يحطلنا هي ونشوف..
طبعاً مقاس الجنط 16 ألومنيوم << كأنه ببيع الجنوط..خخخخخ
ههههههههههههههههههههه ضحكتني وانا اخوك
سعر كفر برجستون مقاس 16 قرابت 500 ريال ويمكن تزيد بعد
اذا عندك خوي معاه اكورد بدل كفراتكم وشوف اذا اختفى الصوت اعرف انه من الكفرات انا والله ما غيرتها بخليها بعدين لحد موعد الفحص واشيك عليها كلها والله يفرجها اذا غيرت كفرات واختفى بلغني
الصوت من الكفرات المقصود بالتدوير هو نقل الاطارات بين الامام والخلف
بلال وانا اخوك اليوم سويت تدوير للكفرات واحس ان الصوت صار عندي من الكفرين اللي قدام
اقتباس:
المشاركة الأصلية كتبت بواسطة majood al-azwari
والله إنك صادق يعني حولها بهذا السعر لأني سالت البناشر .. واحد يقلك بـ 450 و واحد يقلك بـ 480 ..
بس في بنشري قللي فيه إطارات نازلة جديدة إيطالية الصنع وإسمها ماجانولي أو مانجيولي أو منغولي مدري وش هي بالضبط وقللي الكفر الواحد على 300 ريال بس هل حد جربها أو سمع بها قبل ولا البنشري بيصرف بضاعة؟؟
مشكووور لردك أخوي..
اقتباس:
المشاركة الأصلية كتبت بواسطة بلال العلمي
مشكور الآن توضحت عملية التدوير مع إني مدورها بالصيانة ( طبعاً مو أنا) على 10.000 كيلو.. بس بالعشرين والثلاثين والأربعين ما أعتقد دوروها.. يعني والله تدوير كل 10 آلاف كيلو ورا قدام.. قدام ورا ,, يعني خلاص أعتقد إن العمر الإفتراضي لها انتهى ولازم جديد ولا إيش رايك يا مشرفنا الغالي؟؟
اقتباس:
المشاركة الأصلية كتبت بواسطة honda accord 99
اسمعني وانا اخوك البناشر كل واحد يبي يمشي سوق اللي عنده
انت اختار لك نوعيه ويكون صناعتها يابيانيه وفوق
عندك دنلوب سالت عن سعرها قبل يومين طبعا سعر جنط 16 قالي قيمتها ب 360 ريال صناعتها يابانيه وفيه تويو ع 390 او 380 او 400 ريال