الى اهالي اكورد مهم

السلام عليكم

ارجو اخواني المساعده بدون اي لف ودوران وبدون شكوك ولا تقولون هوندا وهوندا وهوندا ادري بالهوندا انها ممتازه على كلامك بس ماجربتها و امانه مابي اروح فيها مع السياره الي باخذها

انا ان شاء لله باخذ اكورد 2008 طبعنا اذا ماخذت افلون
المهم ماعلينا

الاكورد الي راح تنزل هل راح يكون فيها عيوب لانه شكل جديد ولا الهوندا مو مثل باقي الوكالات
يعني تنزل السياره مافيها عيوب مثل النيسان الالتيما وغيرها

وهل الاكورد من الاساس فيها عيب يطلع كثير عند بعض الشباب وماهو العيب ؟؟؟؟

وهل يوم طلعت الاكورد بالشكل الجديد من 2003 الى >>>>>>>>>>

هل كان فيها عيب صناعي يعني لوتصلح فيها مليون مره يجي وقت ويرجع لك كما في الالتيما

ارجوا الافاده وانا باخذ شكل جديد ادري انه مو مجرب
بس يمكن عندكم خلفيه عن هوندا انه تجرب السياره وماتنزلها الاوهي كامله والكامل وجهه سبحانه

افيدوني وشو تنصحوني فيه بعد

أخوي هاوي
اسمح لي الشباب هنا عاطفيين كثير وانا منهم ، احكامهم على تجاربهم وبعضهم شرى الاكورد لان شكلها عاجبه مو اكثر .
شي طبيعي بمنتدى هوندا كلن بيخليها احلى سيارة بالدنيا حتى يقنع نفسه إنه احسن الاختيار قبل غيره .
يا اخوي كل السيارات ولها عيوب تصنيعية وهوندا مثلها مثل اي شركة تجرب السيارة لكن اكيد يمشون على مبدأ الجود من الموجود ، ولو عندهم حلول لكل المشاكل كان كل سنة بيدفعون مبالغ طائلة على التطوير وغيره .
كلام الناس والشريطية إن اي موديل جديد مليان عيوب بتتعب لو تعطيه أذنك وعقلك ، لأن هنا بالمنتدى من يقول 2003مليانة عيوب و 2006 ما بها عيوب لمجرد انه شرى 2006 وخويه معاه 2003 رغم ان كل شي ميكانيكي وكهربائي واحد ، من 2003 الى 2007 .
إذا قوة مكينة 2006 خلوها تفرق عن 2007 بدون دليل الا سياسة التسويق اللي يتبعها قسم المبيعات بالشركة ، حتى تحسس الناس ان في فرق بين موديلين غير فرق الاستمارة ولا المكينة هي هي والقوة وحدة وكل واحد يفتي بكيفه .
وأكيد ما احد يقدر يجزم بأن 2008 ما فيها عيوب او فيها ، اذا 2007 فيها عيوب واصوات ، طبيعي 2008 ما تخلى ، لكن بعض المشاكل والعيوب والله اشوف اللي يدقق وراها فااااااضي ، لانها موجودة بكل سيارة ، وسالفة إن الاكورد مثل الالماني بالجودة سلم لي عليه اللي يقول هالحكي .
هي تكرف صح ، بس على قدر قيمتها ، فلا يجي واحد ويرفعها فوق ويقول اطلق سيارة وان شركات السيارات ما جابت اطلق منها ، هذا كلام عاطفي عند اهل الكوامري والالتيما مثل ما عند اهل الاكوردات .
الكوري يكرف معاك لو اعطيته ، وثلاث ارباع هالمنتدى مواظبين على الصيانات الدورية اللي كلها شفط فلوس الا الصيانات الاساسية مثل صيانة الـ 40 الف .
اريحك من الاخر
الاكورد والله ما تفرق عن مثيلاتها من السيارات زي الكامري والالتيما الا بشي واحد لاحظته ، ثقل بالعزم بسبب زيادة الوزن الكبيرة عن اوزان غيرها ، وميزة روعة وهي الرساوة بالسرعات العالية .
وموضوع الرساوة هذا انا اشوف الاكورد فيه ملكة .
واتمنى اني افدتك وعسى ربي يكتب لك الخير

^
^

كنت انتظر واحد مثلك يرد
وجيت انت وما قصرت .. يعطيك العافية يا انسان

:cool:

واحب اضيف نقطة لك اخوي هاوي اكورد

ترى كل ملاك الهوندا موسوسين ويدققون في اقل صوت يسمعونه ولو لا تلاحظ اغلب المواضيع في قسم المشاكل والحلول تتكلم عن الاصوات .. زبدة الكلام : لو تقرا وتتابع القسم هذاك بتتعب من الوسوسه اللي فيه . والاكورد على كثر ما فيها من مشاكل تراها سيارة تتحمل الكرف والمكده ومثلها مثل باقي السيارات قد ما تعطيها وتعتني بها تعمر معك واهم ميزة فيها الرساوة اللي تفرق بها عن السيارات المنافسة مثل ما قالك اخوي انسان

انا شخصياً سيارتي اكورد V6 موديل 2004 وماشيها اللحين حول الـ 200 الف كيلو . مع اني ما اخلي بها ديره واطامر بها في كل مكان لكن الحمدلله باقي فيها حيل وما زالت تتحمل الكرف وتقدر تقول انها نظيفة

وفي الاول والاخير

اذا عزمت تشتري سيارة اسأل عنها بس لا تدقق واجد لانك بتسمع ناس يمدحون فيها وناس يذمون وكلن حسب استخدامه (والناس تختلف من الناحية هذي) . واذا بتلتفت للعيوب تراك بتتعب نفسك ومنت مشتري شي لان السيارات كلها ما تخلوا من العيوب وما فيه شي كامل الا وجهه سبحانه

;)

بالتوفيق ان شاء الله
والله يكتب لك اللي فيه الخير

;)الشباب كفو ووفو ..الله يعطيهم العافيه ..;)

انا اقول كما قال سوشيريو هوندا

فى توقيعي

هوندا شركة معروفه بوضوح ..ليست معروفه فقط بالناس و لا حتى بالتاريخ ..معروفه بجودة القطع .و القطع اذا كانت جيده سوف تنجح ((ماتخرب))..و القطع دائما و ابدا لا تكذب ..انتاجنا سوف تتكلم الحقيقه عن هوندا




:)شكرا سوشيريو هوندا على الجهد العظيم لخدمة البشريه جمعاء:)

/\
/\

/\

/\
/\
/\
/\
/\

/\/\

/\

/\
/\

/\
/
/\
/\

/\

/\

هذا كلام سوشيريو هوندا ...على الرخام ...ولــيعلم الجميع من هي هوندا :d

والله إذا إن الأكورد تبي تقارنة بالكامري فيه اختلاف وااااااااااااجد من خلال تجربتي الشخصية لا من ناحية الرساوة ولا الثقل و العزم أنا معي 2004 v4 ماشية 100 ماشاء الله نظيفة و ما عليه خلاف رحت عليها بالعطلة الصيفية اللي راحت 4 سفرات 3 للرياض و 1 للشرقية و الأسبوع اللي راح لمكة << أقل واحد بالمنتدى يسافر :d <<و الحمد لله مثل أول ماشريتها بنظافتها لكن مع الإهتام

أما من ناحية العيوب غير الأصوات ما واجهني أي عيب

أذكر مرة طلع علي صوت إذا رقيت مطب يطلع علي من عند كفر يمين يوم بس وراح وإلى يومك ماجا غيره و الحمدلله السيارة ماشية تمام :cool:

اقتباس:

---

المشاركة الأصلية كتبت بواسطة Man Utd

أنا معي 2004 v4 ماشية 100

---

للمعلومية بس مكينة الاكورد الاربعة سلندر نوعها L4 مو V4
لان الاربع سلندرات جايه على خط واحد والـ (L) هنا اختصار لكلمة In Line

;)

السلام عليكم

يمكن عرفتني كلمتك امس انا بالمسنجر

وصراحة الاخوان ما قصرو معك ونفس الي قالوة

بس اعيد لك نفس الي قلتلك والي قالوه الاخوان ان الاكورد راسية في السرعات

العالية مقارنه بمنافسيها ...

وبالتوفيق اخوي .

مع تحياتي ,,,

اقتباس:

---

المشاركة الأصلية كتبت بواسطة إنسان

أخوي هاوي

اسمح لي الشباب هنا عاطفيين كثير وانا منهم ، احكامهم على تجاربهم وبعضهم شرى الاكورد لان شكلها عاجبه مو اكثر .
شي طبيعي بمنتدى هوندا كلن بيخليها احلى سيارة بالدنيا حتى يقنع نفسه إنه احسن الاختيار قبل غيره .
يا اخوي كل السيارات ولها عيوب تصنيعية وهوندا مثلها مثل اي شركة تجرب السيارة لكن اكيد يمشون على مبدأ الجود من الموجود ، ولو عندهم حلول لكل المشاكل كان كل سنة بيدفعون مبالغ طائلة على التطوير وغيره .
كلام الناس والشريطية إن اي موديل جديد مليان عيوب بتتعب لو تعطيه أذنك وعقلك ، لأن هنا بالمنتدى من يقول 2003مليانة عيوب و 2006 ما بها عيوب لمجرد انه شرى 2006 وخويه معاه 2003 رغم ان كل شي ميكانيكي وكهربائي واحد ، من 2003 الى 2007 .
إذا قوة مكينة 2006 خلوها تفرق عن 2007 بدون دليل الا سياسة التسويق اللي يتبعها قسم المبيعات بالشركة ، حتى تحسس الناس ان في فرق بين موديلين غير فرق الاستمارة ولا المكينة هي هي والقوة وحدة وكل واحد يفتي بكيفه .
وأكيد ما احد يقدر يجزم بأن 2008 ما فيها عيوب او فيها ، اذا 2007 فيها عيوب واصوات ، طبيعي 2008 ما تخلى ، لكن بعض المشاكل والعيوب والله اشوف اللي يدقق وراها فااااااضي ، لانها موجودة بكل سيارة ، وسالفة إن الاكورد مثل الالماني بالجودة سلم لي عليه اللي يقول هالحكي .
هي تكرف صح ، بس على قدر قيمتها ، فلا يجي واحد ويرفعها فوق ويقول اطلق سيارة وان شركات السيارات ما جابت اطلق منها ، هذا كلام عاطفي عند اهل الكوامري والالتيما مثل ما عند اهل الاكوردات .
الكوري يكرف معاك لو اعطيته ، وثلاث ارباع هالمنتدى مواظبين على الصيانات الدورية اللي كلها شفط فلوس الا الصيانات الاساسية مثل صيانة الـ 40 الف .
اريحك من الاخر
الاكورد والله ما تفرق عن مثيلاتها من السيارات زي الكامري والالتيما الا بشي واحد لاحظته ، ثقل بالعزم بسبب زيادة الوزن الكبيرة عن اوزان غيرها ، وميزة روعة وهي الرساوة بالسرعات العالية .
وموضوع الرساوة هذا انا اشوف الاكورد فيه ملكة .

واتمنى اني افدتك وعسى ربي يكتب لك الخير

---

مشكور يالغالي على الرد الجميل ويعطيك الف عافيه صراحه ردك في محله ولو بطاوع كل الناس ماباخذ ولا سياره باخذ سيارة رجولي خخخخخخخخ

تسلم يالغالي

وتسلمون يالغالين على ردودكم الحلوه وعلى الخدمه وان شاء الله نخدمكم في استفساراتكم

اقتباس:

---

المشاركة الأصلية كتبت بواسطة لورد الاكورد

السلام عليكم

يمكن عرفتني كلمتك امس انا بالمسنجر

وصراحة الاخوان ما قصرو معك ونفس الي قالوة

بس اعيد لك نفس الي قلتلك والي قالوه الاخوان ان الاكورد راسية في السرعات

العالية مقارنه بمنافسيها ...

وبالتوفيق اخوي .

مع تحياتي ,,,

---

مشكور يالغالي على مرورك الموضوع وتاكيدك على الي قريته ويعطيك العافيه

وبصراحه الاكورد حقتك مووووووت وقفتها ويعطيك خيرها ويكفيك شرها