اخواني صوت المراوح عاليه و مزعجه

عرض للطباعة

28-09-2011, 02:53 PM
ma_111

اخواني صوت المراوح عاليه و مزعجه

السلام عليكم
يا شباب انا من شهر ملاحظ ان المراوح صوتها عالي من اول ما تشتغل على طول على اعلى درجه :confused:

فحصت السيارة عند اكثر من كهربائي قالو مافيها شي و الصوت طبيعي

و كمان لمبة المكينه مرة تشتغل و مرة تطفى

و احيانا و انا واقف عند الاشارة و السيارة على D
تشتغل لمبة المكينه زي الفلشر

قلت خليني افحص السيارة كمبيوتر و طلعت المشكله من كويل البوجي رقم اربعه و غيرته

و بعد اسبوع رجعت نفس المشكله و رحت فحصت مرة ثانيه و طلعت نفس المشكله
قلتلهم غيرته من اسبوع فالو هذا اللي طلع معانا في الفحص

يا اخوان انا في انتظار اي احد يعرف حل اي مشكله و لا يدلني على شخص فاهم
29-09-2011, 04:28 PM
ma_111

سبحان الله و بحمده سبحان الله العظيم
29-09-2011, 08:39 PM
حميد

انا اقول طنش صدقنى اذا طنشت بتظبط السياره باذن الله
29-09-2011, 10:07 PM
متصفح

ياليت توضيح لصوت المراوح هل صوت الريش عالي او في صوت غريب يطلع من المراوح

وموضوع لمبة المكينه افحص بالوكاله ممكن الموضوع برمجه للكمبيوتر او في مشكله ثانيه غير كويل البوجي

اذا عندك صورة لفحص الكمبيوتر ارفعها للمنتدى او اكتب رمز الخطا
30-09-2011, 06:06 AM
ma_111

اقتباس:

المشاركة الأصلية كتبت بواسطة حميد

انا اقول طنش صدقنى اذا طنشت بتظبط السياره باذن الله

لمبة المكينه و طنشتها من فترة بس صوت المراوح مزعج
30-09-2011, 06:10 AM
ma_111

اقتباس:

المشاركة الأصلية كتبت بواسطة متصفح

ياليت توضيح لصوت المراوح هل صوت الريش عالي او في صوت غريب يطلع من المراوح

وموضوع لمبة المكينه افحص بالوكاله ممكن الموضوع برمجه للكمبيوتر او في مشكله ثانيه غير كويل البوجي

اذا عندك صورة لفحص الكمبيوتر ارفعها للمنتدى او اكتب رمز الخطا

اخوي صوت المراوح العالي من الريش اول ما تشتغل المراوح على طول على اعلى سرعه

وبالنسبه للفحص باحاول اشوف اذا ورقت الفحص موجوده احطلك صوره
30-09-2011, 11:22 PM
D.H.o.O.o.M

كم سعر كويل البواجي ؟

لتعم الفائدة :)
30-09-2011, 11:27 PM
ma_111

سالفة لمبة المكينه لها حول السنه و ما زالت مستمره يعني الكويل شريته من زمان و اعتقد ان سعره حول 300
30-09-2011, 11:45 PM
خفيف روح

شيك عل سلك الكويل يمكن مجروح
01-10-2011, 10:54 AM
ma_111

نشوف مشكلة المراوح و نشيك مرة وحدة عل اسلاك الكويل
02-10-2011, 02:28 PM
خلووود1233

يابوي احمد ربك ان موترك 6 سلندر انا موتري 4 سلندر من قوة صوت المكينه والمراوح اذا جيت اشغلها في الصباح احس ان اهلي بيموتون من الخوف يحسبون جاي بكلين بيهد البيت ههههه يمينن بالله ياعليها صوت يرفع الظغط كأنه معي ايسوزو ديمكس موديل 2000 بس اللي يعجبني فيه مجرد ماتعشق الثاني الين تمشي 200 تروح كل الأصوات كأنها 8 سلندر >>>>قام يرقع :d
03-10-2011, 01:32 AM
ma_111

هههههههه حلوه بكلين

يعني لازم اشوفلي حل قبل لا يصير صوتها زي البكلين
07-10-2011, 05:07 PM
ma_111

لا يأس مع الحياة
10-10-2011, 09:27 AM
ma_111

مازلت انتظر
10-10-2011, 12:02 PM
al-5alahf

والله اني زيك محد فاهممنا صوت المروحه مره عالي وفيها زي الونه حقت الرمان :( لا تياس ان الله معنا
11-10-2011, 08:38 AM
متصفح

اقتباس:

المشاركة الأصلية كتبت بواسطة ma_111

مازلت انتظر

الى الان ماجاوبت على سؤالي صوت الريش عالي او في صوت غريب بالمروحه

لاني اشوف صوت المراوح للاكورد مو عالي بصفه عامه شوف اكورد غير سيارتك وشوف صوت

المراوح وتعرف اذا طبيعي او عندك مشكله

او صور المشكله بالفيديو ونزلها للمنتدى وتلاقي اجابه ان شاء الله
11-10-2011, 11:28 AM
ma_111

صوت الريش هو اللي عالي و باذن الله اصور المشكله و انزلها هنا
13-10-2011, 01:29 AM
بلال العلمي

المراوح لها سرعتين خفيفة وعالية وتتحكم فيها حساسات والكمبيوتر نفسه

الكويل اذا خربان ما يرفع صوت المراوح لكن يعطيك علامة المكينة الصفرا فقط

لكن المراوح اذا تشتغل مع الصباح فهي مشكلة حساس مراوح بدلها

لان على الصباح ما تشتغل المراوح الين تمشي مسافة طويلة يعني لما تاخذ المكينة حرارتها الكاملة يعني احيانا ممكن تجلس اكثر من عشر دقايق والمراوح ما اشتغلت على الصبح
14-10-2011, 03:31 AM
ma_111

اخوي بلال موضوع الكويل ادري انه منفصل تماما عن مشكلة المراوح
و انه يعطيني علامة لمبة المكينه عشان كذا انا سبق و فحصت السيارة كمبيوتر بسبب ظهور اللمبه و طلع من الكويل و غيرته و بعد اسبوع ظهرت اللمبه مرة اخرى و فحصت مرة ثانيه و طلع كمان من الكويل و قلتلهم اني غيرته جديد من الوكاله قالولي يا ان الكويل الجديد برضوه خربان او مشكله في الظفيرة

اما بالنسبة للمراوح زي ما ذكرت اخوي بلال لها سرعتين خفيفه و عاليه انا عندي اذا اشتغلة المراوح تشتغل على السرعه العاليه مباشره و كأن السرعه الخفيفه مي موجوده في السيارة اساسا
و ديت السيارة عند كهربائي شيك عليها قالي كل شي عندك كويس و احتمال مشكلتك من الكمبيوتر يبغاله اعادة برمجه

اقتباس:

المشاركة الأصلية كتبت بواسطة بلال العلمي

المراوح لها سرعتين خفيفة وعالية وتتحكم فيها حساسات والكمبيوتر نفسه
14-10-2011, 10:58 AM
nasser1430

المشكلة واضحة إنها كهربائيه أكثر من إنها ميكانيكة ... والظاهر إن الكمبيوتر إحتمال إنك تسوي له إعادة برمجة لأن بالعقل كيف يضرب معك الكويل مرتين في فترة بسيطة ، وممكن زي ما اتفضل الأخ ( بلال ) ممكن حساس المراوح يكون فيه عطل أو يحتاج تغيير .

أو سلك الكويل اللي ضرب معك مرتين يكون مجروح ... وشيك كذلك على الفيوزات والظفائر ممكن أحدها يكون مجروح أو في تسريب كهرباء .

ترا الأسباب كثيرة ... بس راح يطلع معك السباب إن شاء الله .... موفق
16-10-2011, 09:49 AM
ma_111

انا منتظر كهربائي مسافر و جاي تقريبا الاسبوع هذا و شغال في الشركة حسب كلام اللي و صفلي محله

بمرة و ان شاء الله يعرف المشكلة فين