شباب ابي مساعده في صيانة الاكورد 2007

بسم الله الرحمن الرحيم
هذا اول موضوع او نقدر نقول عنه استفسار واتمنى منكم تفيدوني فيه
طبعا انا اخوكم محمد ، واليوزر طبعا ( آياس )
....
اخواني انا توي شاري اكورد 2007 ( اوتوماتيك )
والسياره ماشاء الله تبارك الله نظيفه وماشيه 43 الف
وانا حبيت اغير لها زيوت ( مكينه وقير )
ف حبيت استفسر
وش هو افضل نوع زيت ل مكينة وكم تحتاج علبه وهل يحتاج اغير لها فلتر ؟
وسعر زيت القير وكم علبه وهل يحتاج اغير لها فلتر قير او لا
معى اني قريت من المواضيع ان في فلتر قير داخل وخارجي ..
ياليت تفيدوني ووتفاعلون معي
لان اخوك غششششيم في الاكورد وكمان بالسيارات
.. لاتبخلو علينا واكون ممنون لكم

شوف اخويا آياس اول شي تسويه كالاتي بما انو ما شاء الله سيارتك ماشية 43
عني انا سويت كالاتي في صيانه الاربعين 1 غيرت زيت المكينة طبعا زيت هوندا الكمية 4 علب وربع انتبه لا تحط نص بتعدم عليك الصوف مع السفون واربعه علب صافي بدون السيفون .
2 تغير فلتر الهواء حق المكينة وسعرهـ 105 ريال
4 ثلاثه علب زيت هوندا الاصلي صافي حق القر سعرهـ 135 ريال لا تغير الفلتر الخارجي حق القير لانه بدري عليها على 80 الف غيرهـ
5 بواجي اصلية 77 ريال
6 نضف فلتر هواء المكيف ويوجد خف الدرج مره سهل ولا تغيرهـ لانو بدري عليها .
7 شيكـ على الاقمشة في البنشر هااذي تكون حسب المستخدم في ناس تروحـ عندهم من 20 الف وفي ناس تجلس 80 الف
8 ترصيص اذا تشوف السيارهـ انو فيها رجهـ وااذا ما فيها لا تلعب فيها .
*تشيك على موية الديتر
* تشيك على موية المساحات
* تشيك على زيت الفرامل واذا نااقص لا تزيده الا من زيت كسترول العلبه في قطع الغيار 10 الى 15 ريال
* تشيك على زيت الدركسونـ ونصيحه لوجه الله اشترى وحده من الوكاله زيت دركسون قيمتها 40 ريال وخلها في البيت كل ما تحس انو نقص عبيها الى الحد المعين الشرطه الثانيه فقط لا تقيسها الى والسياره باردهـ تماامـ ولا يضحكون عليك يعبيلك من زيت ابو خمسه ريال الاحمر ترى بتدخل في مشاكل الدركسونـ وما ادراكـ انتبهـ ولونـالزيت الاصلي شفاااف مايل على الاصفرار .
* خلي السيارهـ تكون فاضيه تماامـ من البنزين وعبي 95 افضل شي .
* غسل سيارتـك بشامبوو مو بفيري ترى الفيري يشيل اللمعه مع الزمن ادري اني موسوس ووسوستبك :p
* ادهر مع العالم واي استفسار انا حاضر ياااابعدي

كفيت و فيت
اخوي al-5alahf
بصصصرااحه مااقصرت بشي و اشكرك على المشاركه الثريه هذي :cool:
ولاعدمناااك ، وبيض الله وجهكك