سيارتي CiViC 2007 فول اوبشن .. وعندي كم سؤال

بسم الله الرحمن الرحيم ..

كيف حالكم يا هوندايين < نعم ياخوي ؟ !


ياشباب انا هالموضوع اول موضوع لي بالمنتدى ..

يوم دخلته وقريت عنه من جد صراحة شغل محترم ومرتب ..

وانا عندي كم سؤال ودي لو تجاوبوني عليه ..

وانتو ما بتقصرون ان شاء الله ...


.. أنا شريت سيفيك 2007 فول اوبشن .. ولونها تركواز ..

زي الي بالصورة

http://hondaarabia.com/site/images/c...o_qfactbox.jpg


لون رايق بصراحة وعجبني

المهم

أنا اول شي ابي اسألكم عن الكشافات ..

بالنسبة لكشافات الوكالة يقولون لي ان كشافاتهم صغيره ما تملي كل الفراغ حق الكشافات .. ويطلع شكلها بايخ

انا ابي الكشافات تملي المكان تقريبا زي الصورة يعني ..

فهل تدلوني على محل محترم يركب لي كشافات بالخبر ..

وما يسبب لي اي مشاكل كهربائية او حولها ..

وسؤال هل اذا ركبت الكشافات .. يروح الضمان لأني سامع بهالشي وماني متأكد !


السؤال الثاني انا ابي اغطي الأرضية واغطي الأسيات بغلاف بلاستيكي ..

تعرفون لي محل بالخبر خبير بهالشي ؟ .. أنا خايف احط سيارتي عند واحد عليمي ويجيب فيني العيد

زي اخوي عنده هوندا اكورد ودا سيارته لمحل يغل أرضية السيارة بلاستك ..

وبو الشباب دبس البلاستك تدبيس .. والظاهر انه قطع الاسلاك .. الي بأرضية السائق ..

وطلعت لمبة بالطبلون ما تطفي ..

فماودي تصير مشكلة زي هالمشكلة الغبيه ما تسوى علينا ..


اخر سؤال يا حبايبي ..

بركب زيننون ..

هل اذا ركبت زينون بيروح الضمان علي ؟ خصوصا ان فيها قطع اسلاك ومن هالكلام ..


يعطيكم الف عافيه

واسف ع الاطاله ..

دربكم خضر

أهلا أخوي فيك بالمنتدى ومبروك على السيارة والله يعطيك خيرها ويكفيك شرها واللون الصراحة جيد وينفع عليه التعديل الرياضي .
بالنسبة للكشافات والزينون تلقاهم في محل ماكس بالخبر وخليه يركبلك مع الكشاف فاصل ويشبكه مع النواعس أنا مسوي كذا بالأكورد . والزينون مافيه قطع أسلاك ولا شي بس تركيب المحول وتغيير الشمعات بالمقاس المناسب والشغلة حتى ماتاخذ ربع ساعة حق الزينون .
و من ناحية الضمان ..............
الضمان الخاص بالكهرباء يروح إذا حرق الزينون الظفيرة وعشين تتجنب هذا الشي ركب كتاوت ألمانية و نفس الكلام ينطبق على الكشافات .

اخوي كل عام وانت بخير
لمن تجلد الارضية افصل البطارية الين مايخلص تجليد وبعدين اشبكها ودخل الرقم السري حق المسجل حتلاقي في الدرج ملصق عشان في وسائد هوائية في المقاعد الامامية
انا عندي نفس اللون هذا بس2006 فل

يعطيكم العافية يا شباب ..

ACCORD 764 و sweet friend

على النصايح ..

ونبهتوني على شغلات كنت اجهلها ..

دربكم خضر

اول شي يعطيك خيرها ويكفيك شرها

طبعا شي طبيعي انو الضمان يروح :d ترى ما يصدقوا اذا سويت فيها شي

انا مركب كشافات تجاري ناوي افكها واركب من الشركة وطبعا انتو عارفين ايش الي ما نعني :eek:

وانشاء الله ابغى اظبط السياره واول ما اخلصها انزل صورهااا بس ادعولي بالتوفيق

سيارتي civic 2007 فل اوبشن

والله اخوي من يقول ان الكشافات والزينون يروح عليك الضمان
ترى الكلام غلط في غلط
الضمان يقول حط اي شي بسيارتك بس اذا خرب مو مسوؤلين على السيارة
مثل احترق الزينون واحترقوا المحولات عادي اما اذا كهرب السيارة احترق فهذي بلوة
كبيرة
واي استفسار انا حاظر لأني اعرف مهندس في هوندا

link love 2007

صادق اولله .. الواكلة ما بتصدق تشوف عليك شي ..

انا مركب كشافات تجاري ناوي افكها واركب من الشركة وطبعا انتو عارفين ايش الي ما نعني

بس ذي ترى مافهمتها .. :d

o-k-r

طيب اخوي ضبطنا ياخوي مثلاً ما شاء الله الكشافات حقتك حلوة ..
لو تدلني على هالمهندس الي تقول عنه ..
يعني ابي طريقة اضمن ان كهرب السيارة ما يجيه شي .. واكون لك شاكر ..

دربكم خضر