هل الضمان يغطي عطل في مسجل السيارة ؟؟ أرجو المساعدة و النصيحة

السلام عليكم ...

هذه أول مشاركة لي بهذا المنتدى بعد شرائي لسيارتي الجديدة من حوالي الشهرين ..

اخوني الكرام ارجوا منكم النصيحة ....

أنا عندي سيارة اكورد كوبيه 2009 ... شريتها قبل شهرين
ماشية 38.000 الف كيلو

السيارة ماشاء الله عليها نظيفة و جديدة و ملتزم بصيانتها صاحب السيارة كل 10.000 كيلو

المشكلة هي ...

المسجل خرب علي .. جميع الازرار التي في المسجل لا تعمل ... ولا زر من الازرار يعمل فقط في المسجل

رحت الضمان يقولي المسجل ليس تحت الضمان ؟؟؟

سويت مشكلة كبيرة و بكرة موعدي مع مدير الصيانة .. .ولكني اريد ان اكون على حق

هل من المعقول ان الضمان لا يشمل المسجل .. و يقولون لي ان المسجل فيه قطعة من الداخل فكه يكلفه 200 و القطعة الداخلية تكلف 250 !!!

كيف يتم اصلاح مثل هذه الامور في الوكالة ؟؟؟ والله لو موديه ورشة ما يصير اللي يقولو لي عنه !!!

بكرة الهواش مع الوكالة ... الله يستر

لذلك ارجوا النصيحة و شكرا ...

حلوة ذي مو تحت الضمان الا تحت الضمان :mad:اذكر واحد من اخوياي صار عنده مشكلة بالمسجل وغيروه له بس انا ابي اسالك لايكون صاحب السيارة لعب فيه يعني اقصد ضاف له اكسسوارت او اشياء ثانية بالحالة هاذي اهم صادقين طلع برى الضمان اما اذا نفس الوكالة فالعن خامسهم ودي اني معك :d

أخوي الله يبارك لك في موترك .. ويعطيك خيره ويكفيك شره ... وجعلها أكبر الخرابات ... يارب

مشكلة وكلائنا العزيزين في المنطقة الوسطى وتحديداً في الخليج وركز لي على السعودية بالذات إنهم يلعبون في حسبة الضمان ويضيفون حاجات لصالحهم وينقصون حاجات ضد العميل .

فشوري عليك سو لهم حفلة عرس معتبره ( زيطه وزمبليطه .. على قول أهل مصر ) وخل اللي ما يشتري يتفرج ... و أكبس عليهم النور العالي ويفضل زنون أصلي ... وشوف كيف راح يخدمونك على أيدي من حرير .

من سابق تجربة مريره ... مع إن الواحد يكرهه إنه يسوي كذا ... بس هذا يعتبر دواء شافي للف والدوران حقهم بإذن الله .

يشملها الضمان بتغيير مسجل جديد

اخوي هادي الشرقية و ناصر
كلامكم عين العقل .. وهذا اللي انا ناوي اسويه فيهم ، والسيارة وكالة ما فيها سكروب من برا الوكالة
تصور من نصب مهندس الصيانة ( قال مهندس هع ) يقولي يمكن عشان السيديات ماهي اصليه !!
بغيت اسكه بالمفاتيح بس استغفرت الله
بس بكرة يا انا يا هم ----> الشر بعيونه
اهم شي عرفت انهم نصابين والحق معاي والمسجل تحت الضمان
بكرة الميدان يا حميدان .... وشكرا للمساندة

المسجل على الضماااان ..

انا سيارتي اكوررد 2008+

وخرب عليا المسجل ..

ورحت الشرركة وصلحولي المسجل عالضمان ومادفعت ولا ريال

شكرا يا المسافر ... رفعت معنوياتي

الاواكس

تسلملي يا الغالي ... بكرة زمبليطا حقلب الوكالة .... شكرا

تحت الضمان وانا مغير مسجل سيارتي السابقة فل 2006 فجاة المسجل مايقبل اي سي دي وكانت ماشية 5000 وغيروة بواحد جديد ، وولد خالي سبشل 2005 من كثر حفر جدة خرب السي دي وغيرة على 60 الف اخر صيانة .. لا تسكت عن حقت ولا تعال الرياض متفاهمين اكثر ...

بيض الله وجوهكم يا شباب

اليوم قبل موعدي معهم اتصل فيني مهنس الوكالة وقالي بيفحصون المسجل واذا فيه شي مفكوك من برا يعتبر ما عليه ضمان واذا لا فهو داخل الضمان

يعني ما احتجت اسوي لهم زحمة :)

السؤال هنا ... اذا كان في عطل بالمسجل
هل المفروض انه يتغيير او يتصلح ؟؟
والسؤال الثاني كيف اعرف اذا تم تغيير المسجل انه مغير وليس مصلح ؟؟

و اشكر الجميع لمداخلاتهم ...

السلام عليكم
اتابع معكم تجربتي مع ضمان هوندا ....
وعسى ان اكون أول من يفضحهم ... الخبر بيجيكم بكرة