انتهى عمر الدينامو !! معقوله ؟

السلام عليكم


رجعت لكم بعد طول غياب مالنا غنا عنكم ولا عن هالمنتدى الجميل بتواجدكم

الحمدالله شريت اكورد موديل 2004

والحمدالله يارب طول الاربع الاشهر الماضيه كانت تمام معاي السياره وماشتكيت منها اي مشكله .

قبل شهر تقريبا واجهتني مشكله انه السياره تطفي معاي وانا بالخط السريع وترجع تشتغل من نفسها باقل من الثواني طبعا الاحظ انه العداد يصفر ويرجع للـ 100 والمسجل تطفي وتشتغل
غيرت فيها قطعه للمكيف قالو هذي سبب الخراب لانه المكيف تعطلت في نفس الوقت
وبعدها الحمدالله مشت الامور تمام .

وبعد فتره رجعت ماتشتغل و طلعت البطاريه معفنه وغيرتها بوحده جديده الحمدالله
المشكله وين وقت ماغيرت البطاريه قالو لي الدينامو انتهى عمره وهو سبب كل المشاكل في
السياره .
لكن انا ماغيرته تركته مثل ماهو
الحين لها يومين السياره ماتشتغل نهائيا

تعتقدون هل كلام الكهربائي صحيح وكل مشاكل السياره من الدينامو
وهل اذا بدلته وغيرته بجديد راح تنتهي كل مشاكل السياره وماترجع تخرب بعد فتره بسيطه
انا احب الاكوورد ومابي ابدلها بكامري لكن خراباتها بفتره قصيره ضايقتني

تكفون شورو علي ماعندي غيركم اسئله خصوصا اني افقد الخبره في السيارات
لاتبخلون علي بالردود وخبرتكم (f)

ماتشتغل؟؟؟؟

طيب لما تدق السلف المكينة تدور وتشتغل المكينة؟؟؟؟

ولا المكينة تدق سلف فقط ؟؟؟؟؟؟؟؟؟؟؟؟؟؟



ولا ما تدق سلف خلقة ؟؟؟؟؟؟

^
^
لا اخوي ماتدق سلف اساسا

في حركه تعرف إن الدينموو الخراب منه اولا

شف ياطويل العمر تشغل السياره لا اشتغلت السياره

تشيل اصابع البطاريه وتستنى,,وتستنى,,,وتستنى ,,,إذا طفت السيااااره
في هاللحظه يقال إنه الدينموو تعبااان وليس خربااان ,,,


اماا إن السياره ماتدق سلـف والبطاريه سليمـه فهذا ياطويل العمر

لا يخرج عن ثلاثه <<<<<بدا الفلسفه :d

اما إن الدقمه في السلف معلقه داخل الـcontact وماتعطي دوران عشان تشتعل ,,
او إن الفحمات عمرها منتهـي ..او السلف يبي له يتغير طبعا خل السلف يبي له تغيير آخر الحلول لأنه رخيص مره بس بـ2500 :d

طبعاا انا بصراحه صار لي هالخرااب وجلست السياره يوم كامل ماتشتغل وداومت ذاك اليوم بسيارة اخوي إلي ذلني ثااني يوم فيهااا,,,, يقول انت ماتعطيني سياارتك يوم طلبتك قبل سنتين :confused:


ماعلينااا
طبعااا لأني دلخ خذيت السيااره بسطحاا وديتهاا الورش ,,إلي صار إنه ضرب السلف ضربة قويه ورجعت السياره تشتغل

طبعااا انا مثلك ضربت فيوزاتي ,,وين مكااان السلف قريت بالمنتدى إنه قداام المراوح

انا رحت عند الكمبرسر ارفس فيه واضرب على بالي السلف ,,,
الكهربجي قال هذا السلف مكااانه

انا اقول لك ياااه إلي يبـي لك بس عشان تشغل السياره تدق السلف LOCALY

وانا والله عانيت وتأثرت يوم طفت السياره ولاادري وين مكان السلف ولا حتى السبب ,,

يبي لك عموود من حديد ويستحسن يكون الهاندل معزول ,,ومطرقه وخله بالسياره احتيااطا لأي طاري :cool:

وتضرب مكاان السلف بالمطرقه

مكاان السلف صعب بس لاركزت معي بتعرف مكاانه

لما تفتح الكبوت قدام المراوح مباشرة في الأقزوز اربع عددهاا إذا سيارتك اربع سرندل

المطلوب إنك تشوف من بينها وتقرب وبتشوف السلف وراها مستخبي ,,

وتبداا المهمه موجود على السلف LABEL اسود مكتوب فيهاا هوندا هذاا السلف

انا كنت بنزل تقرير عن مشكلتي ..بس استنى بإذن الله السياره تكمل 300 الف كيلو وانزل تقرير عنهاا إذا ماصار شي لاقدر الله,,,


انا سويت الحركه ورجعت السياره تشتغل والحين هي زي الحلاوو :cool:
اتمنى إني افدتك وإذا اشتغلت ادع لي بالتوفيق والنجاااح <<<<رسايل قناة بداية :d

طريقة الفحص هي بعد ما تشغلها افصل الاصبع الموجب اذا طفت معناته من الدينمو لكن انت غير

الفجمات اللي داخله على الله تشتغل .

لكن بقولك شيء انت من كلامك تقول ان السيارة لها اربع شهور معك يعني ما تعرف شيء عن

السيارة فاكيد ان الدركسون فيها كان يهرب على الدينمو وهذا يسبب تلف بالغ للدينمو

الشيء الثاني ودي انك تشيك على علبة الدركسون لأن الدينمو ما يخرب كذا

والمشكلة اللي انت فيها سبب بيع السيارة عليك لأن الدينمو مستعمل على الاقل 1800 ريال

تحياتي

مشكورين اخواني ويعطيكم العافيه

الظاهر يبي لها فحص كامل طلع لي دركسون وفحمات وشي ماله اول من تالي الله يعين :(

لكن السؤال هل الدينامو تبديله غالي ويكلف
واذا صلحت وضبطت كل شي ممكن ترجع تخترب << تعقدت :(

وش لوووووون فحمات ,,,فحمات تخلي السياره تطفى وش دخل الفحماات بالدينمو

كأنك داخل محل ملابس وتقوله اثنين فلافل بالله


يعني ماله دخل الفحماات بالدينموو سو إلي قلت لك عليه وشف بتشتغل او لا ,,


لا تحط هالفيس :(

خصوصا لاجيت تتكلم عن الأكورد :d

لحظه سوال انت تقصد فحماات السلف ؟

على بالي تقصد فحماات البريك

الحين انت شغل سياارتك وبتشتغل صدقني بالطريقه إلي قلت لك وبتمشيك للورشه إلي تبيهاا بس انت لا تطفيهاا إلا توصل لكهربائي يضبط لك الشغله واشتر فحماات احتيااطاا وخله يركبهاا لك

فحمات سلف طبعاا

اخوي جرب حط الجير على N و شغل السيارة

إذا اشتغلت معناها المشكلة من حساس الجير

و أتوقع سعره حدود 300 ريال :rolleyes:

الدينمو سليم

اذا البطارية ممتازة فعندك مشكلة في السلف نفسه ويحتاج فقط تنظيف لا غير


تكلفة التنظيف 150 الى 200 ريال فقط