عرض للطباعة
عندي مشكلة في صوت البوري متغير صوته , وايضا مفتاح السيارة في الفتح والاغلاق صعب لازم اضغط الى ان يفتح او يسكر وايضا مشكلة في لمبة السقف الامامية دايم تخرب واغيرها ولا فايدة وايضا لمبات المسجل ماتشتغل ولمبات المكيف شغالة ........
ماهو الحل ؟
تحياتي لكم
هلا اخوي نبدأ باول شي .. الي يشوفني يقول بابني عماره :d البوري 1- روح عند البنشر وخذ لي الهواء وانفخ في البوري بالهواء لا تخليه قوي مرهـ شوي اليمين واليسار يكون داخله غبار اذا ما نفع 2- زبط براد شاهي واطلع ع المخطط وفك البوري وغسله بالمويه تماام الين تحسه نظف وانفخه بالهواء على طول عشان لا يسبب صدا داخله الين تتاكد انو نشف وركبه واستني ربع ساعه ودق بوري بتنطرب ان شاء الله .. :cool:
*والمفتاح حاول انك تغير البطاريه حقتو ( الحجر ) خذوا اصلي مو اي شي تقريبا 15 ريال بيمشيك لا يقل عن 4 سنين . اما التجاري سنه ويهنك معاكـ :p
* لمبه السقف اكيد انك تاخذها تجاريه لاكن لو اختها من الوكاله اذكر غيرتها 15 ريال للحبه الواحده لاكن بتركبها وتنساها ان شاء الله;)
* شوف بالنسبه للمبات المسجل اذا طفت كلها في نفس الوقت معناتو يا يكون الفيوز حقها او تكون نفس الشريحه حقت اللمبات خربت طبعا تصليحا عند حق المسجلات ،،، اما اذا كان وحده لمبه انحرقت وبعدين الثانيه والثالثه تعرف انو اللمبات حقتها انتهت عمرها برضوا تصليحها عند حق المسجلات بس طبعا اللمبات فقط الي تتغير ..
وعلى حكايت البوري والله لو انك بمكه يا يغلق عليك البوري يا بيشكل صوته من زحمه الحجاج :d
وبالتوفيق ان شاء الله
بارك الله فيك كفيت ووفيت
انا عندي مشكله بس بالبوري وراح اجررررررب
شكرااا
هلا اخووي ..
بـ النسبة للبوري انا كمان اعاني منه ورحت عند كهربائي عشان قالو لي امكن في سلك مقطوع ولا شي
شافه وقالي سليم رح محل الزينة يسوي لك وزنية للبوري
ورحت قالي لازم يتغير عشان لو وزنه لي بعدين مع الدق ينفك المسمار ويروح البوري كله
وكمان اللمبات عندي فيها التماس باقي بأصلحها بالوكالة بعدين
اما المفتاح انا اول زيك لازم اكثر من ضغطه عشان يفك معاي
فكيت المفتاح بالمفك وطلعت البطارية ونظفت المكان ورجع معاي اطلللق من اول
البوري من اصعب المشاكل حلولا .. لأن الي يعرف لتنظيف البوري بالطريقه الصحيحه معدودين والعله بالضبط في وزينة البوري بعد التنظيف ,,
انصحك تغيره مره وحده وراح تنطرب على صوت البوري الجديد :cool:
يعطيكم العافية على الردور