-
برائة هوندا من زباينها
تسؤني دائما تصرفات الكثير من السائقين واحاول دائما ان اكون سائق نظاميا وبالنسبة لي ارى ان الاكورد وسيارات الهونداعموما تتحكم في شخصية السائق مما تجعله متزنا دائما في قيادته ومضهره وربما لباسه أحيانا
ولكن مما دهشني كنت بالامس بمغسلة "سيارات"كالعادة زبون امتياز وعضويتي الذهبيه بالمغسلة "مجمع بترولك "كنت جالس بصالة vip إلا وانا اسمع اغاني قديمه مره المشكله ماهي هنا الاغاني ماهي زينه وباعلى صوت طبعا تبسم كل من في الصاله .
قلت انا الله يعين على اصحاب الكوامري يحبون الهجوله دايم ضحكو الي معاي وكنا تقريبا 7اشخاص وفجاه طل واحد من الجالسين معانا وقال لي طلع ظنك خطا قلت وش تقصد قال صاحب المسجل قلت وش فيه قال سيارته هوندا طبعا طبيت واتفرج وبالفعل اكورد 2006لؤلؤي فتحه وقير عايدي قلت انا في نفسي والله ماتستاهلها ماحقك الا كامري وتخب عليها .
طبعا انا تحمست وقلت بروح اغير من فكره وعقيدته نحو تصرفاته الي سائتني وشوي الا وجمس 2006اسود الا ونزل منه 5اشخاص الواحد ينقسم اثنين الا ويطيحون فيه ضرب ياولد طبعا انا فرحت ورحمته في نفس الوقت وواحد كان معانا عمره في الاربعينات حاول انا يتدخل الا قالوله خلك بعيد بس حنا نبي نعلمه كيف يعرف يسستخدم السيارة ويعرف يحد اولاد الرجال "قبيله من جد"
ويوم فكو الناس بينهم سالت سواق الجمس وقلت وش السالفه قال لا بس قطع الاشاره وانه يحدنا وهرب منا قلت اليوم قال لا امس قلت في نفس
اللهم ان شركة هوندا تبراء مما فعل هذا الاعرابي بسيارتهم وقلت والله ماأعلمك بنادي محبي هوندا
-
يا خوي المشكلة مو بالصوت بس
انا شفت أكورد في الرياض 2005 ابيض فل كامل مثبت وش مسوي؟؟؟؟؟
فك الجنوط وركب جنوط حديد سودا حقت الستاندر ومضلل اصفر ومغبر السيارة ؟؟؟؟؟ هذا شوف عيني
قلت والله في نفسي والله كامري وتخب عليك
لكن الفئة هذي قليلة ولا هي موثرة بشكل كثير
يعطيك العافية اكورد الجنوب على الموضوع
تحياتي
-
والله قصتك عجب !!!! ...
بس ترى أحياناً يمدحون في الهجولة هههه <<<< وده في جنوط سودان أسبوع بس :d
هالأشكال مو بس في الهوندا .. حتى بالفياجرا تشوفها :) ....
والله مرة شفت بزر مجمع بزارين الديرة و مركبهم في بورش كاين خخخخخخخ
و بزر ثاني في جاكوار وردي :d
دنيا .......
-
حقيقة 80% من اصحاب الهوندات راقين في سواقتهم واخلاقهم وتعاملهم حتى في لبسهم جنتلة (ماشاء الله تبارك الله ) .
وكلة كوم ياشباب ولاتقابل راعي هوندا ( عند تقاطع أو خط سريع أو في ملبق سوق ) مع راعي هوندا اخرى كوم ثاني . ياشيخ كل واحد فيهم يتفنن في الاخلاق والكرم والترحيب للسائق الاخر (معى انة مايعرفة) بلعبور أو التلبيق اولآ أو فتح الخط للاخر اذا كان مسرع أو مستعجل (الله لايغير علينا) .
اشكرك اخوي عبدالله وزين ماسوا حمران العيون براعي الاكورد صراحة فية ناس ماتتربى الا بعقال وفي ناس بخلاقها واحترامها (مثلكم وشرواكم ) تنحط فووووووووووووووووق العقال .
-
ههههههههه قصه مؤثره جدا
بس ياشباب الهجوله مرات زينه بس لاتكون مره يعني اغاني مثل مزعل وما شابهه
يعني مهجولين الهنادي راقين م مثل المخابيل حقين الكوامري وعلى فكره في الهجوله
يدلعون الاكورد ويقولولها ( هنادي )
-
ههههههههههههههههههههههههههه
مشكوووووور اخوي على القصه الرائعه
هذا عقاب كل واحد معاه هوندا وما يكون مأدب
انتبهوا...
بس على فكره في شي محزن الاكورد بدأت تصير سيارة تفحيط :(
-
H4 EVER
BLK;)
MeMoOoO
اتش
مجنون هوندا
اشكركم على الردود وان دل على شي دل على تفاعلكم
-
الله يفك الهوندا من ذا الاشكال
بما انك كتبت هذا الموضوع وفتحت لي مجال ومن زمان ودي اشوف وش رايكم في هذا الكلام
هل هو صحيح او لا
انا ملاحض ان بين اصحاب الاكورد او الهوندا عموماً احترام متبادل
يعني كم مره يصير الشارع شارع ابوي واكل ام اللفات على الشعب اذا كنت مستعجل والى عندي بلوه
اصحاب الهوندا عادي يفتحون لي الخط وياشيخ وش تقول بس من الاحترام بس لو يجيه واحد معاه اي سياره غير الهوندا يستقعد له بشكل غير طبيعي
ثاني شي اصحاب الهوندا بينهم فيه موده وعربجه وغمزه يمين ويسار وبوري على السريع في كل الحالات هجوله ((الله يعدمها يارب)) او مطاراحات او اي شي ثاني
والغريب ان موديل سيارتي 93 يعني قديمه ومافيه مثلها كثير ومع ذالك لما احصل واحد لون موتره مثل موتري ونفس الموديل اووه ياشيخ استهبال على طول الخط وحتى لو صادفني واحد معها هوندا غير حقتي
الزبده انتم ملاحضين هذي الشي والى انا موسوس ؟؟
تقبلو تحياتي وفائق احترامي
اخوكم
عزوز ورشه
-
والله العظيم ان أكثر مايضايقني ان أشوف هوندا وفيها هالأشكال ودي أنزل وأتوطا ببطنه وأسحب المفتاح منه ..
-
لا صحيح كلامك يابلتريوت وخاصة أصحاب الأكورد 2005 و2006 مستانسين على الاشارات الي بالمرايات ماتشوف الا تغميز ..:d
-
طيب خلوهم وعطوهم راحتهم تلقا شايبه قاله وش تبي سياره قال كامري قاله معصي بلاه يعرف ان الكامري حقت عرابجه قال الولد طيب اجل اكورد واللون على مزاج الشايب ابيض لؤلؤي وعطها هجوله ياسنايدي هههههههههههههههههههههههههه
-
هههههههههههههههههههههه
والله انكـ صادق
بس هم قليلين
الظاهر مثل ماقلتوا
كان طموحهم كامري
ومشكووووور يا غالي ع الموضوع ...
[Output: 11.62 Kb. compressed to 11.37 Kb. by saving 0.25 Kb. (2.16%)]