عرض للطباعة
عندي جنوط 16 اكورد سبيشل ابغى اغيرها الى خقت الفل رحت محل كفرات قال مافيه الا صينيه 1200 وجنوط سيارتي مع الكفرات 1200 مع العلم ان جنوط سيارتي شد بلد والجنوط باخذها بدون كفرات 1200 وش رايكم اخذها ولا لا؟ هل الجنوط الصينيه تتفع ولا ؟ ارجو الرد بسرعه:confused:*
هذا يسمى استغلال انتبه تعطيه جنوطك بهالمبلغ صحيح ماهي مرغوبه مره ولكن تبقى اصليه وغاليه واقل شيء يبيعها بدبل المبلغ
اشتري جنوط الفل 2008 - 2010 ياباني درجه ثانيه بالوكاله سعر الطقم بحدود 2000 ريال وريح راسك يكفي انه اصلي
طيب ابغى محل مايبخس حقي وين الاقيه
طيب ابي محل مايبخس حقي وين الاقي يعطيك العافيه
طيب اخوي سهلة رح يم الوكالة وبتلقى جنوط وارد دبي قيمتها حول 2100 والشباب يشترونها ولا قريت ان احد اشتكى منها
واذا ما حولك وكالة شوف التشليح بتلقى عنده اما جنوط سبيشل خليها عندك يمكن تحتاجها لاسمح الله في اي وقت ثاني
نصيحه لله لايضحك عليك جنوطك وكاله تكرف معك لين ماتبيع السياره
اما الصيني والله مطب ينكسر ولا يكمل سنه بالكثير انا مجرب ورجه بالخط
اذا تبي جنوط دور بالتشاليح اشتر اصليه رخيصه وبعدين بيع حقتك صرفها زي ماتحب
طيب اي تشاليح اروحو انا في الرياض
تشاليح الحاير:cool:
عندك الجاير هذا المعروف وبتلقى عنده طلبك ان شاء الله
لا تروح تشليح ولا خرابيط
اشترها بالوكاله جنوط الفل قيمها 2095 ريال للطقم
التشاليح كلهم يسلخونك 3000 وانت طالع ولا تضمنها ملعون خيرها ويمكنها ياباني درجه ثانيه
* الجنوط اللي يسمونها وارد دبي هذي ياباني اصلي وليست من دبي كما يقال لكن مصنعه باليابان بمصنع مختلف وبنفس الجوده بطلب من الوكيل