قماشات امامية هوندا اكورد ب 150 ريال

السلام عليكم . يسعد مسااكم يا غاليين .. مساء البرد

المهم .. انا امس الصباح رحت لصناعية الثقبه عشان اغير قماشات امامي .. واول ما جيت المحل سألته ؟

كم قماشات امامي هوندا اكورد 2009 سبشل امامي وكاله ؟ قال لي 240 ريال بعد الخصم .

قلت طيب كم نيشن قالي ب 200 ..

وفي هذه الاثناء جاب لي قماشات هوندا اصلي عليها ستكر الشركه الام .. صناعة يابان . وقال ب 150 ..

قلت ويش الفرق ؟ قال اصلي بس مو وكاله ..

واخذ نظره الا وهي نفس قماشاات الوكاله .. واتوكل على الله واشتريها .. ب 150 ريال ..


والبارح وانا اغيرر القمااش واخرط الهووب .. قلت خلني اقاارنها واشووف الفرق ..

طبعا طلعت نفسها بالضبط ميه بالميه ( الفرق الوحيد اللي طلع ان فيه رقم في قماش الوكاله اخره 86 .. والرقم اللي معاي اخره 87 )

وسلامتكم .. اذا احد جربها او عنده فكرره يقوول لنا ...

والله يكتب اللي فيه خير لنا ولكم

نيشن سعرها 140 ريال فقط

الفحماات كلهاا نفس بعض بالشكل السالفه في التصنيع ودرجات الحراره والمواد المصنوعه منها

ياشيني وانا اتفلسف بس :d

النيشن ماخذه امامي وخلفي قبل مده طويله لدرجة إني ناسي سعره وانا مو بالسهل انسى السعر :d

يعني اعطيك عشره رياال اجيك بعد سنتين اقول لك وين عشره إلي عطيتك اياها؟

المهم إن سعرهااا ما اذكره إن تجاوز الـ300 امامي وخلفي

خلفي اقصد القماشات الخلفيه :d

انا كمان قبل فتره ركبت نيشن امامي يفرق عن حق الشركه انو حق الشركه مكتوب عليه نيشن ميد ان جابان هوندا
واللي ركبتها انها وقيمتها 110 ريال يجي مكتوب عليها نيشن ميد ان جابان بس مررره جيده اشوفها لها سنه وشوي على سيارتي ومااشتكيت منها
وانصحك طبعا لو تقدر تشتري اقمشه سيراميك امامي خلفي من امريكا طبعا او ممكن تنباع عندنا بس مدري ويين صراحه انا مجربها ولا اروع لها سنتين معايا خلفي طبعا تحياتي لك

سلبيه فحمات نيشن او نيسن انها تسود بالجنوط خصوصا الامامية :000061:

الافضل من من فحمات الوكالة ونيسن هي

فحمات الـ crv ((للجيل 7 فقط متوفره )) :cool:

بالتوفيق

جربت الوكالة و جربت النيسن و في نظري النيسن أفضل

النيسن جربتها أمامية بعد 8 شهور غيرتها بنفسها نيسن كملت 5 شهور و انتهت :(

و فحمات الوكالة ما تنفع 4 شهور و انتهت و خلفية بعد :mad:

و الأن مركب حقت crv و لها شهرين و عال العال أمامي طبعا

و في نظري و من الأن فصاعدا :rolleyes:

الفحمات الأمامية حقت crv
الفحمات الخلفية نيسن

انا مركب فحمات اماميه وخلفيه وكاله بس صناعتها امريكيه صراحه فرق عن حقت
الوكاله اللي كانت ترج على السرعات العاليه :p

يعني شتنصحوني فيه لقيت سعرها الان ب 350 حقت الوكاله ابي نصيحتكم وانا من اهل الحسا

اقتباس:

---

المشاركة الأصلية كتبت بواسطة بندرر

يعني شتنصحوني فيه لقيت سعرها الان ب 350 حقت الوكاله ابي نصيحتكم وانا من اهل الحسا

---

اشتريها من النعماني موزع قطع غيار هوندا بخصم 20%

طيبً بكم سعر فحمات ال crv الامامي والخلفي

للأسف قماشات الأكورد صارت مثل قماشات سيارات تويوتا ... تطلع سواد بالجنط وتطلع صوت .... انصح بتجربة قماشات سيراميك

اقتباس:

---

المشاركة الأصلية كتبت بواسطة abuyaser

للأسف قماشات الأكورد صارت مثل قماشات سيارات تويوتا ... تطلع سواد بالجنط وتطلع صوت .... انصح بتجربة قماشات سيراميك

---

السواد يطلع مع الاقمشه الفرنسيه الصنع
انصحك تاخد الياباني
آنــــ į ąɱ ــآ مركب امامي اصلي من النعماني قبل سنه وعليها والي الان تمام ماشاء الله
ومان سعرها 220 ريال ولا تطلع سواد ولا شي