عرض للطباعة
السلام عليكم ورحمة الله وبركاته
قبل فترة كان عندي رجه مع دعسة البنزين وتهاونت أو بالأصح ما حصلت فرصة أوديه لميكانيكي الين تحولت الهزة الى صوت مزعج بالذات مع بداية التحريك السيارة يطلع صوت حكة حديد في حديد واضطريت أوديه لميكانيكي قللي العكوس رايحة عليك اليمين فيه صوت عالي واليسار على وشك اش تنصحوووني وكم سعر العكس اليمين واليسار موديل سيارتي أكرد 2008 ستاندر وفي ناس دلوني على محل يصلح العكوس تنصحوني أصلح العكس ولا أغيره ولو أبي أغيره تنصحوني أغيره في الوكاله ولا برا ياليت تفييدوني
رح ورشة ثانية وتأكد وش المشكلة ..
العكوس تحتاج لضربة جامدة ولا حفرة ولا حادث عشان (يخرب كلة! )
تلقى اللي خرب عندك راس العكس او قطع من العكس موب كلة ..
العكس كامل بالوكالة واحد 4000 ريال وعليها والثاني 3000 ريال وعليها
وبالتشليح من 500 الى 700 للعكس الواحد كاملاً .
يا اساتر والله كثييير أنا عندي واحد من أصحابي يقول العكس حقت 2008 بأ 1500 ريال واستكثرت المبلغ الله يسهلها ويجزاك خير على الرد السريعاقتباس:
المشاركة الأصلية كتبت بواسطة b useful
اقول لك شي :o
حطيت لك اسعار عكس موديل 2006
لكن اتوقع ان الاسعار متقاربة ...
الله ييسر لك امرك وان بغيت اي مساعدة خبرني .
لكن نصيحتي مثل ما قلت لك .. رح ورش ثانية والافضل تروح لمحلات ( الميزان) سواءاً العضيب او غيرة المنتشرة بالصناعية بكثرة ..
ولو تروح اكثر من ميزان افضل ... لأن كل واحد بيعطيك كلام عن المشكلة ..
خذ الكلام من اكثر من واحد .. واجمع الكلام المتشابة بينهم .
اقتباس:
المشاركة الأصلية كتبت بواسطة b useful
أشكرك أخوي على النصيحة والله لا يحرمني منكم
أنا أشوف على الأسعار الخياليه للقطع تروح لمحل متخصص في تصليح العكوس وأنا جربت محل أسمه (مخرطة القحطاني في الصناعيه القديمه بالرياض) متخصص في تصليح العكوس حتى القطع من عنده باسعار مناسبه لجميع السيارات ويعطيك ضمان شهر