شريت كورد ادخل باركلي ورد على اسالتي لبى قلبك
السلام عليكم ورحمه الله وبركاته
مساء /صباح الخير
اول شي والله قهر تكتب موضوع وترتيب وحركات واخر شي تعلق الصفحه وينحذف
:d
اخباركم ان شاء الله تكونو بخير يارب
انا شريت كورد 2009 سبشيل
كنت ناوي اشري سياره ثانيه بس فجاه شريت الاكورد عشان كذا ماعرف فيها شي
وقلت مالي الا الله ثم انتم لبى قلوبكم ياليت تتحملوني :o
اول شي حاب اسال عن افضل زيت للمكينه ؟ وزيت القير لاني سمعت لازم ينغير كل فتره وانا موتري ماشي 100 الف مدري مغير قبل والا لا ؟ والبنزين انا اعبي 95 استمر عليه او لا ؟
ثاني شي حاب اسال عن قطع الغيار الاصليه مثل الفحمات وطقتها وكم اسعارها :d
علما ان سيارتي خليجيه مادري فيها فرق عن السعودي والا لا
وبالنسبه للجنوط مادري كم مقاسها وانا حاب اغيرها مادري اركب حقت الفل كامل او اركب جنوط نوع ثاني حاب نصايحكم وياليت تكون بالصور :)
وابي افضل شاشه تكون لمس وملاحه وكل شي واسعارها :rolleyes:
وبالنسبه للحمايه تنصحوني اركب والا خلاص فاتها القطار :d وحاب اركب تضليله ومحتار اركب القماش او تضليله عاديه
واحس فيه صوت خفيف هواء اذا وصلت ميه مدري شي عادي او لا
وسلامتكم مع اني متاكد اني ناسي حاجات ثانيه بس مابي اطول عليكم < تكفى :d
علما ان موقعي القصيم بس عادي اروح جده او الرياض او الشرقيه :d
غفر الله لكم ذنوبكم جميعا :)
