عرض للطباعة
السلام عليكم ورحمة الله وبركاته
زي ماهو موضح بالعنوان اليوم وقفت عند محل وأنا طالع منه ابي أدق سلف مايدق والمفتاح ما يدور جبت كهربائي لها
قال جرب المفاتيح الثانية ورحت البيت وجبتها وجربتها ولا نفع وجبت كهربائيين غيره وكلهم ماعرفوا
وش العله والسيارة واقفه قدام المحل من العصر .. :(
ملاحظة : سيارتي موديل ٢٠٠٢
شيك على البطاريه ولا على السلف
يمقن السلف معلق مع لفة الدركسون جرب حرك الدركسون وانت تدق السلف
او كلتشات السلف والدقمة تحتاج تغيير
البطارية شغالة والدركسون عدل بس شكل المشكلة زي مقال هوندانا في الدقمة
سويت اشتراك للسيارة !
اذا تدق سلف وماتشتغل يمكن برمجة مفتاح
واذا ماتدق خير شر بطارية او سلف وافحص الدينمو
هذي اغلب مشاكل السلف والله اعلم
1- شبك البطارية
2- حرك الدركسون
3- عشق القير في n و شغل
جربت كل ذا ولا نفع
اذكر فيه سالفه صارت نفس سالفتك لواحد معه أكورد 2006
كل المشكله بسير الماكينة !!
كان فيه تشققات خفيفه من باب الامان تطفي السياره وماعاد تشتغل الا لما تغير السير علشان ماينقطع وانت تمشي وتروح عليك الماكنية
هكذا وصلني
او يمكن البلاء من السلف
المشكله طلعت من الدقمة وسعر الدقمة فوق الالف :(
دقمة شنو الله يستر ووين مكانها
وطير للتشليح بلا وكالة بلا كلام فاضي
والله يعوض عليك يالغالي والله مبلغ كبير
بس ياليت توضح اكثر
هذي الدقمة في السلف ...
مالقيت في التشاليح لافي تشاليح بقيق ولا الحسا ... خلاص بحاول اصلحها وبعدين ببيع السياره لانها تعبتني في قطع الغيار
من تجربتي السابقة لنفس مشكلتك تماماً مع اكوردي السابقة 2004
انك تدق السلف وما تشتغل السيارة ما تجي بين ليلة وضحاها ..
اول شي تبدا تلاحظ ان دقة السلف تطول لين تشتغل السيارة وهذي علامة ان فحمات السلف يبيلها تغيير ( 300 ) اذا كثرت ...
لكني خليتها وقلت دامها تشتغل الامور طيبة << حول 3 شهور
الين جا يوم واحاول اشغل السيارة وما تشتغل !!
وقالت السيارة : شغل نفسك !! خرب السلف كلة .. تغييرة مستعمل من التشليح حول 1000 ريال ..
كان بإمكاني اصلحة بـ 300 واوفر 700 ريال .. لكن حنا اللي نهمل صيانة سياراتنا ثم نقول : قطعها غالية ..
انا ما حسيت باي مشكلة في دقة السلف من قبل !!