السلام عليكم ورحمه الله وبركاته
ياشباب ساعدوني سيارتي هوندا اكورد 2008
فيها صوت ونه من سرعه 40 الى 70 تقريبا وبعدها تروح
وفي السرعه فما فوق 120 مع الدعسات الفجائيه احيانا اسمع الصوت
فما ادري لاني وديتها اكثر من ورشه اللي يقولي توضيب قير واللي يقول طرمبه دركسون
فلذلك ساعدوني يااصحاب الخبره الله يجزاكم الف خير
وعليكم السلام
اخوي ودها الوكالة وان شاء الله يفيدونك لاني ما اتوقع من القير بس الطرمبة ممكن وشيك على الهوبات والبريكات
اتمنى لك التوفيق
رحت للوكاله وعطوني موعد بعد 3 اسابيع
رايح مستشفى مو وكاله ههههه
الله يعين على عبدالله هاشم والصيانه الزفت
لاتقلق ان شاء الله بسيطه جداً ،، اكاد اجزم ان السبب طرمبة الدركسون
تحتاج اصلاح ، ابحث في القسم بتحصل معلومات كثيره وبتفيدك !
انا مثلك ومهمل الموضوع من 4 شهور ...
ممكن صوت طرمبة الدركسون او نقص زيت منها
او
صوت طرمبة الموية تراا تسوي مثل ذاا الصوت
طيب ياشباب الله يعطيكم العافيه وين افضل ورشه لفحص السياره وتصليحها في نفس الوقت
لان موديلها 2008 وماعليها ضمان والوكاله جيتها قبل كم يوم عطوني موعد بعد 3 اسابيع
فلذلك افضل ورشه متخصصه هوندا وين
انا في الرياض
الله يعطيكم العافيه ياشباب على الردود وننتظر بقيه الاخوان
القطع اصلاح طرمبة سعرها حوال 120 خذها اصلي من النعماني
الورش يمدحون ورشة الجنوب لكن والله ماعرف وصفها ياليت الاخوان يفيدونا
والي سبق صلح الطرمبه في صناعية العاصمة في البديعة ياليت يفيدنا باسم الورشة ومكانها ،،،
الاحتمالات اللي وضحوها الشباب ممكنه ... وترا فيه بعد الرمان بلي حق الكفرات الأمامية يطلع صوت ( ونه ) مزعجة ممكن يكون منه .
لا متاكد انه مو رمان
لان السياره رفعهتها ومشيت فيها والصوت موجود
ابي ورشه متخصصه في هوندا اكورد وعارفه خراباتها بمجرد النظر عليها
في الرياض
وياليت يا اخواني اللي عنده معلومات لايبخل علينا فيها