عرض للطباعة
السلام عليكم ورحمه الله و بركاته
عندي سؤال ابغى الرد من اهل الخبرة الكرام
اشتريت سيارة اكورد 2005 من شهرين تقريبا و ابغى اغير زيت الجير للمحافظة على السيارة و لكن نسيت اسال راعيها السابق متى اخر مرة غيرة مع العلم انه نزل نهائي
السيارة ماشية 143000 كيلو فهل اروح الوكالة احسن و لا اعمل اية الرجاء النصيحة من اهل الخبرة
:rolleyes::rolleyes::rolleyes::rolleyes:
وعليكم السلام
اذا صاحب السياره السابق ماغير زيت القير مسبقا لاتغيره انت
شكرا للرد على سؤالي بس ايش اسوي الحين اتركه كما هو و لو تركته كما هوا لا يؤثر على جير السيارة
وهل ممكن اعمل شيك عند اي ورشة على لزوجة الزيت قبل تغييرة
شكرا و اسف على الأطالة
افترح عليك ما تغير زيت القير ما لأنك لو غيرته وحطيت زيت الوكالة نفسه رايح يخرب معاك القير لأن الزيت الجديد يخرب عليك الفلتر بسبب لزوجته العالية ،، انا جربت غيرت زيت لسيارة من نوع مرسيدس وخرب معي ،، فأنصحك لا تغير الزيت اطلاقًا .. وشكرًا
شكرا الرد لاكن تركه كما هوا لا يؤثر على السيارة و لا على الجير
مبروك الموترالله يعطيك خيرها ويكفيك شرها
ياخوي غير الزيت ولاتشاور
مادام انت توك شاري سيارتك غير كل شيء مستهلك سوائل و بواجي والباقي مثل الفحمات والسير غير على الفحص
الله يبارك لك في سيارتك وبالتوفيق
لا غيره ..بس لها طريقة يعني تغيره ثلاث او اربع مرات ورا بعض ..موجودة الطريقة بالمنتدى
سؤال للي ردوا على الرجال وتقولون لاتغيره
وش السبب اللي يخليكم تقولون لاتغيره ؟
بعدين الرجال قال توني شاري السياره يعني مايدري الزيت هو غيره صاحب السياره الاول ولا لا .... ليش ماتقولون رح للوكالة وشوف متى اخر صيانه عملها وايش هي يمكن عمل صيانة 100.000 وغير زيت القير
طيب ليش ماتقولون روح لورشة تخصص قير ويكشف على الزيت هل هو مستهلك ولا لا
على طول قال ميشو لاتغيره والباقين الله يهديكم وراه ... لازم ياشباب يكون فيه شوي تفكير
الرجال طلب مننا النصيحه يعني لازم نشوف له الافضل من النصائح
وبالتوفيق للجميع
شكرا على الردود, انشاء الله اروح الوكالة نهاية الإسبوع و اشوف حيقولوا ايه
لو احد من الأخوة يعرف ورشة متخصصة في الجير يوصفلي عنوانها وجزااكم لله خير انشاء الله
لاتغيره ,, انا سيارتي ماشيه 350 الف
ولامرة بدلت زيت الجير من طلعتها من الوكاله والحمدللة كل التبديلات سليمة والجير مافيه شي
انا روحت لاكثر من ميكانيكي و قال لا تغير الزيت بس ليا سؤال تاني اية افضل بنزين 91 ولا 95 مع العلم ان صاحبها الأول كان بيحط 91
خلك على نفس البنزين ( لان تغيير البنزين بعد هالممشى مضر لانه بتغير معاه فلتر بنزين وكذا شغله )
زيت القير خلك على نفس الزيت اذا راعيه الاولي ما كان يغير الزيت ابدا
واستخدم القير لين تحس انه ثقيل مره وغيره لكن ((( فيه طريقة خاصة يتغير فيها الزيت وهي طريقة يتغير تدريجي يعني تغيره 4 او 3 مرات عشان تتعادل لزوجة الزيت في القير مع الزيت الجديد وكذالك الفلتر الخارجي يتغير ( الداخلي ما يتغير ) وهذي الحركة يسوونها عشان الفلتر الداخلي يتقبل الزوجة بشكل تدريجي وعشان ما يتأثر القير بسرعه ابحث عنها في المنتدى بتحصلها
غريب !
اذا كان القير أوتوماتيك
من وجهة نظري
غير الزيت على دفعات يعني موب تغيره جميع مره وحده ( للاحتياط فقط )
* لا تستخدم الا زيت هوندا فقط .. للقير
وعند التغيير لا تنسى تنظف صرة القير من الرايش ( برادة الحديد )
ومع آخر تغييره للزيت >> غير فلتر القير الخارجي
لأنك لو غيرت الفلتر من أول مره بيتوسخ من الزيت القديم
هام: كل مايخص قير الاكورد (1998-2010) + فلتر خارجي + صيانة + معلومات مفيده
لأن إهمال الزيت يؤثر على القير بشكل كبير سواءاً على سلاسة ومرونة القير أو العمر الإفتراضي أو صوت القير
اذكر اخوي اهمل زيت القير وصار القير عنده يكتم وثقيل و الخ...
وبعد التغيير صار احسن بشكل ما تتصور